Aisaia 51:4 - Nobonob Baibel

⁴ Amu Yawe Nug atte. “Ag danab ah dahilad amu, ag dahil nai doyeg! Ge, ag huu dahil amu, ag daulag human, dahil nai doyeg! Aɗinu? Da heppi, danab ah ag ɗo dahil dooglag. Ao, da heppi, dahil nai doya mala hettoɗia epeɗia elele mettak kobol am danab ah oh dilag amahlak daakku.

Aisaia 51:4 Referans Kwoze

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

1 Korint 9:21

Aria da ukke, danab ⌊Juda dilag⌋ ɗo iitta ele, da ag diiadppi, ag Kristusnu oolagppa genab dooglagnu da ag gumatte ukke amu, ag amelagppa aniɗkkulagnu da danab ⌊Juda dilag⌋ ɗo iitta ele bia daami. Amge da Kayaknu ɗo amu ii qe-eɗidmi. Iitta. Da Kristusnu ɗo amu dim lamidmi.

Aisaia 2:3

Danab ah huu kuɗumnabppanu geha ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Aisaia 49:6

Amu gemu Yawe Nug inam atte. “Na dahil maɗi nid daanna, na Israel diippe, ag eɗun, dahilppa uɗiglag, amuam uɗat nakokib. Ao, na huu imu da gumatte, ehanatti ii padal meppig ele diippe, ag eɗun, dahilppa uɗiglag, amuam uɗat nakokib. Anam amu, da na uɗat okkai laa ele hekkutnu, da uɗat amu nahipnu uumi daatte. ‘Da na iitta aɗi, ag gatatuppa daatteb, na ag ele ehanadppe, ag ib anidkkulagnu amahlak madakkutnu otidmi. Ao, na iitta aɗi ehanadppe, ag oolag eɗueb Kayak danab ah wan atu ohppanu amu eɗua diiadkku,’ ” awa atte.

Aisaia 42:6

“Da Yawe, da genab tutukku hak kobol dim lamitten, na oninppa emi. Da ɠagattag ele medakkul. Da na ii uuidpa. Na heppe, ameg gaɗuak danab ag eɗun neegkkulagnu, ao, danab maniguittakppa daatteb, ag dimittim dokkulagnu, ge, danab maniguittak naunab gatatu eleppa daatteb, ag dimittim dokkulagnu, da heppi, na danab ah ag dahil nug tituana nai qakkaknu nai tutukku dim lamidkkulagnu na, da ag ele, ihinig gamag danab daanna, na iitta aɗi ele amahlak madakkut.

Maika 4:2

Danab ah wanppan wan kuɗumppanu ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” Ag anam aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Sam 78:1

O dahilad danab, ag dahil ippunittak imunu dabmetteg! Ao, ag da aɗi nai attem amu dooglagnu ag daulag humeg!

Luk 2:32

Nug iitta aɗi ag nahip ib anidkkulagnu, Nug Israel ag binag amahlak oppiaawak ele aoglagnu amahlak daatte,” awa aum.

Aisaia 26:2

Genab tutukku hak danab ah, ag aab amu ooppa nokkulagnu amu, ag laa ag aab okkainu od okkai oh matulatteg! Ao, danab ah ag Yawenu oo metta ii uuak kobol dim lamidtteb ele amu, ag uɗin, aab amu ooppa nokkulagnu ag laa ag aab okkainu od okkai oh matulatteg!

Prowerb 6:23

Aɗinu? Haknunab anak ihinihppan imu, ag am lam laa bia. Ao, ihinih ippunittak imuam amahlak laa. Amu anak ihinih na tolitta, daut batebeb, na aokkut amu, amuam na bauklel daakkutnu ippu aakku.

Sam 147:20

Nug nuhig nai wan laa anam ii mattom. Ag nuhig ɗo ii dootteb. Ag Yawe binag meig!

Sam 106:5

Da amunu oɗ medattemnu diig laa am, laa na tituanadme ele, na ehanadppe, ag keeke ele elele daappeg, da ag oolagppa ele anam daakkulnu ool daatte. Diig laa am nahip danab ah ag gamag ahak dooppeg, da, ag ele oonig gamag ahakkunu ool hette. Amu diig laa am danab ah nahipadnab daatteb amu, ag na binan mebeppeg, da ag ele binan mekkunignu ool niitte.

Sam 50:7

Kayak Nug atte. “Dahilad danab ah, da appi, ag doyeg! Ao, Israel danab ah, da ahilag eheɗ haknu amu appi, ag dooglag. Da Kayak, Da ahilag Kayak.

Sam 33:12

Wan atunu danab ah ag ahilag Kayak am Yawe amu, ag itittak ena aoppig daatteb. Ao, danab ah aun aɗi Yawe Nug ag nuhikkudnab daaglagnu tituanattom ele amu, ag itittak ena aoppig daatteb.

Eksodas 33:13

amunu, na dahilnu ena doottem dayeb, aria, na nahip dabmakppa aɗi daatte am appe, da doye, geha da nahipnu tutukkunab dooppi, na heppe, da haen oh kobol na oot daatte aakkuib, da hekkulnu oɗ medattem. Am laa amu, danab ah imu amu, ag am nahipad danab ah, na amu ele dabmekkutnu oɗ medattem,” awa aum.

Eksodas 19:6

Ag anam hekkulag dayeb amu, ag geha dahilnu danab ah tituanak oppiaawak ele daanna, dahil mana mettak danab ele daan, ag dahilnu daaglag.’ Na Israel danab ah amelagppa anam appe dooglag.” Yawe Nug nai amu Moses amegppa aum.

Duteronomi 18:18

amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.

Aisaia 1:27

Yawe Nug nai doya mala hettoɗia epeɗia elele mettak kobol dim lamitta heebeb, Juda danab ah ag laa eppegppa dayaknu qagaiettakppanu eɗua uhuqak ha madakku. Nug genab tutukku hak kobol dim lamitta haaha, Sion danab ah, ag oolag eɗuom ele, Nug ag laa eppegppa dayaknu, qagaiettak amuppanu uhuqadkku.

Aisaia 26:8

O Yawe, ig ihinig oiyak ohppa nahip ɗo dim lamidtata, amenig na anidtata, naib amen mekkunig. Ig na onin, binan okkai ele daakkutnu oonig okkai daatte.

Aisaia 33:22

Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.

Aisaia 42:21

Yawe Nug genab tutukku hak kobol aakkuib haen oh hette, amu Nug amunu dabmak anuqak awawa, Nug heeb, ɗo nuhig am binag amahlak oppiaawak ele dayeb, danab ah oh ag dooglagnu oo dayom.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Aisaia 63:8

Yawe Nug nuhikkud danab ah dilagnu, Nug aum. “Genab, danab ah imuam dahilad. Ag am da bekkalad, ag da ii buppuiɗmana,” awa aum. Nug anam aum amunu, Nug ahilag Padal ii maknu ehanittak beum.