Aisaia 51:1 - Nobonob Baibel

¹ Yawe Nug atte. “Ag laa, ag genab tutukku hak kobol dim lamidna oiglagnu hetteb, ag da, Yawe, ag da aniɗna dim lamiɗkkulagnu mattiɗtteb ele amu, ag dahil nai doyeg! Men naunau kuɗum men okkai laippuppanu netteb, amubia ag alalti Abraham, Sarah ele aa am ahilag men okkai bia daaeheh, ag ahilahppanu uɗippig daatteb. Anam amunu, ag men laa, ag amuppanu neppig oitteb ele, ag men amu eɗun neekkitteg! Ao, ag men kuɗum awak aben, ag amuppanu uɗippig oitteb ele, ag amu eɗun neegna antteg!

Aisaia 51:1 Referans Kwoze

Aisaia 51:7

Ag danab ah dahilad, ag kobol tutukku dootteb, ag dahil ɗo ag oolagppa daatte amu, ag dahil nai doyeg! Ag danab dilag nai haknu aib baɗappig. Ao, ag awa awa qettak nai naunab ahilagnu atteb amu, ag amunu baɗak eheɗ nau aib dooppig.

Sam 94:15

Laa amu, Nug heeb, hettoɗiak danab ag genab tutukku hak kobol dabmenana, ag nai doya mala hettoɗia epeɗia elele mettak kobol dim lamidkkulag. Amu laa oh ag oolagppanab Kayaknu dabmetteb ele, ag amu dim lamidkkulag.

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

Rom 14:19

Amunu tamaniakppa ig kobol laala, ig kobol amu dim lamittutut, danab laa ele maɗoɗ daattem, amu kobol laala ig kobol amu dim lamidtutut, ig lainkad ele, ig oh ihinig ooppa genab doyak nug ɠagattag qedattem, ig kobol amuib dim lamidta hetu!

Aisaia 48:12

Amu Yawe Nug atte. “Ag Jakop buɗub, ag dahil nai doyeg! Ao, ag Israel danab ah, da ag onilagppa emi ele amu, ag doyeg! Da dakka am Kayak. Da hanhan daattem; anuqakppa, batakppa ele da daattem.

2 Timoti 2:22

Amu nid bau dilag dabmak eheɗ nahip dabmakppa beeb amu, na tabappe naɗ! Na kobol genab tutukku, ooppa genab doyak kobol, oo mauhak kobol, amu maɗoɗ kobol ele, laala ag oolag tutukku ele, ag kobol nau uun, kobol ena amu oh aɗan, Naɗi onigppa etteb ele amu, na ag hetteb amubia he!

Amos 5:6

Ag Israel danab ah, ag eɗun, Yawe mattina, dim lamidkkulagnu mattieg! Iitta amu, aab aɗu paha keeke ewe iitta mette, amubia Yawe Nug paha bu matteb, ag padal mekkulag. Nug anam hekku dayeb amu, kayak hambuppuak ahilkad Betel appa ag padal mak amu, aab aɗu huana diditte bia amu, kayak hambuppuak amu ag ehanadkkulagnu elele iitta.

Prowerb 21:21

Aun laa nug genab tutukku hak kobol, oo mauhaknab kobol ele dim lamidtte; nug bau dayak, keekenu elelenab dayak, aria binag okkai ele aɗalatta oitte.

Prowerb 15:9

Yawe Nug nau hak danab dilag oiyaknu ooppa uuaknab dootte; amge Nug danab ag genab tutukku hak kobol dim dim lamidtteb, Nug ahilagnu oo mauhtte.

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

Pilipai 3:13

O lailad, genab da amu awen malami amu, da anam ii doottem, amge da dabmak laippuib aɗe oittem; amuam da keeke anukkanu oh daul atieye, da keeke dimppanu aokkulnu wagai meinne,

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Matyu 5:6

Danab aun aɗi ag Kayak noobppa genab tutukku daaglagnu oolagppa enug qak bia dootteb ele amu, ag itittak ena aoppig daatteb. Aɗinu? Ag amu ambak aoglag.

Aisaia 45:19

Da aben lokkumak ele, da aguppa dayeye, nai ii mattimi. Wan amuppa gatatu daatte amu, da gatatu amu ooppa daye, nai ii mattimi. Da Jakop buɗub ag aben danab ah ii daattebppa da aniɗna dim lamiɗkkulagnu mattiɗkkulagnu ii ami. Da, Yawe, da genab madittem. Da kobol tutukku aakkuib ippunadttem,” Yawe Nug anam atte.

Sam 24:6

Danab ah ag anam daan oitteb amu, ag Kayak anidna dim lamidkkulagnu Nug maditteb. Yo, danab ah ag na, Kayak, na Jakopnu Kayak, ag na anidna dim lamidkkulagnu na mattidtteb amu, ag anam daan oitteb. Sila.

Sepanaia 2:3

Ag Juda danab ah laa ag akka ag onilag qeeg ne, ag Yawenu haknunab anak dim lamidtteb ele amu, ag Yawe ehanadkkunu ii daye daye Nug oɗ metteg! Ag genab tutukku hak kobolnu ippu, laa nukka onig qeeb nak kobolnu ippu ele anidkkulagnu mattieg! Ag amu hekkulag dayeb amu, deɗ Yawe Nug danab ah bu madakku, deɗ amuppa Nug ag guppiɗ qalakppa maatteb, ena daaglagtai.

Aisaia 55:6

Gemu ag Yawe anidna dim lamidkkulagnu mattiglagnu elele daatteb amunu, ag Nug anidna dim lamidkkulagnu Nug mattieg! Ao, gemu, Yawe Nug ag gukkuattak daatte amunu, ag Nug unuqitteg!

Aisaia 51:4

Amu Yawe Nug atte. “Ag danab ah dahilad amu, ag dahil nai doyeg! Ge, ag huu dahil amu, ag daulag human, dahil nai doyeg! Aɗinu? Da heppi, danab ah ag ɗo dahil dooglag. Ao, da heppi, dahil nai doya mala hettoɗia epeɗia elele mettak kobol am danab ah oh dilag amahlak daakku.

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.

Aisaia 65:10

Danab ah dahilad ag da dim lamiɗkkulagnu oolag hette amu, da ahilagnu dabmein heppi, dahil wan ooppa laih onig Saron am sipsip dilag ee lanak aben enanag daakku. Ao, Akornu oolnu noak aben amuppa makau ag wana, hik aon daaglagnu aben daakku.

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

2 Stori 15:4

Ag anam henan daappig, amge uug nau bak haenppa ag eɗun Yawe, Israel dilag Kayak, ag Nug anidna dim lamidkkulagnu mattiegeg, Nug he, ag Nug anidppig.

Aisaia 48:1

Ag Juda, ag ahilag nai ɠagattag qettaglagnu henana, ag Yawe onigppa ɠagattag qedatteb. Ao, ag ahilag nai ɠagattag qettaglagnu henana, ag Israel dilag Kayak onigppa hetteb. Ag amu hetteb, amge ag doyak diig genabib, ag amuppa ii hetteb. Ge! Ag kobol genab tutukkuppa ii hetteb. Amu ag Jerusalem, aab amuam Yawenu tituanak daatte amu, ag aab amunu, “Am ihinig aab okkai,” atteb. Ag anam anana, ag Yawe Nukka Ɠagattag Oh Ele, ag nuhig ehanittakppa ena oittebnu ele atteb. Ag amu hetteb, amge O Jakop buɗub, laa ahilagnu Israel atteb amu, ag doyeg! Ao, ag Jakop buɗub, ag alalag Juda amu, ag doyeg!