Aisaia 50:1 - Nobonob Baibel

¹ Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Aisaia 50:1 Referans Kwoze

Duteronomi 32:30

Gadonnab! Laa Nug hanhan ɠagattag daatte, Nug ag uuattom. Ge! Yawe Nug ag kekeɗ eppelagppa mattom. Anam iitta dayeblob amu, kekeɗ laippu nug Israel danab 1,000 ii lamadlo. Ao, kekeɗ aɗit aa Israel danab 10,000 ii lamadlop.

Jeremaia 3:8

Juda ag Israel da dimeɗona kayak hambuppuak laala dim lamadppig anidna, ag da danab nug ah nuhig ewau pakkua gappai hette, diig amunu lamidtte bia, da Israel danab ah ahilag eheɗ haknu nob nau matten lamadmi anidppig, amge Juda danab ah, ag da ippunadmi bia, da dim lamiɗkkulagnu uun henana, ii baɗappig. Iitta. Ag ele ah gamu uuitta ukke, danab laa ele oittep bia, ag da uuiɗna, kayak hambuppuak kuɗum noolagppa dup nona binalag meppig.

Matyu 18:25

amge nug lonnu nob eɗukkunu elele iitta. Amunu king nug nuhikkud daup ag danab amu, ah nuhig, nug bekkod aɗekkud, amu nuhig keeke oh ele ee oɗiak abenppa maadppeg, danab laala ag daden meppeg, king nug amuppa lonnu nob eɗua aokkun aum.

Nehemaia 5:5

Ag anam anam anana, ag tuɗidna appig. “Juda dilag okkai, ig ele oh am tiinig laippu. Ig oh Juda. Ig bekkankad am Juda buɗub, ahilkad bia, amge Juda okkai ag eheɗ heegeg, ig Juda, amge daɗek bia daattem, ig ihinkad nid danab, ihinkad nid ahin hepput, begbeg maɗi nid daaglagnu daattem. Ig oonigppan laala ag aɗelkad aakku meeg, laa daden meeg, ahilkad begbeg maɗi nid aakku daatteb. Anam, amge am ig keeke laa haknu ib iitta. Ig am ɠagattag iitta. Aɗinu? Laa ag ihinkad wan aon, ihinkad grep dad ele aon malappig,” aon appig.

2 King 4:1

Amu ah laa, gamu nug propet huu ameg laa, nug amuppa daya mauhom, danab amu qappu amu, nug Elisa gumitta uɗia, nug inam amegppa aum. “Danab okkai, danab dahil nug am nahip maɗi nid, nug mauhom. Na doottem, nug haen oh Yawenu ebehi oh bodoetta le mettom. Amge gemu danab nug lon mekke, eɗut ii mettamut ele aokkunu hette, amge da men doɗo iitta. Nug nid dahilaɗ aɗit amu diiata ukka heeb, nuhig begbeg maɗi nid daaglahnu uɗiom,” awa aum.

Aisaia 52:3

Aɗinu ag anam hekkulag? Yawe Nug amunu inam atte. “Kekeɗ ag uɗin, ag Juda danab ah hamu diin goppig. Ag men doɗo ii meɗappig. Gemu amu da ele men doɗo kekeɗ amu ii matten, da ag Juda ag kekeɗ eppelagppa dayaknu qagaiettakppanu eɗua uhuqak dayaknu hekkul,” awa atte.

Jeremaia 4:18

O Juda danab ah, ag eheɗ henan daappig amunu, ag beɗulagppa uug imu ahilagppa bekku. Imuam ahilag bu awak aakku. O gadonnab gadon, am mua naunab ele. Bu amuam ag meulagnab guittak medakku.” Yawe Nug anam awa atte.

Jeremaia 3:1

Amu Yawe Nug atte. “Danab ah aa ewau daattep, ah nug ⌊gappai heeb,⌋ danab nug nuhig ah amu lamitteb, ah nug ukka, danab laa awa, ⌊baula gappai heeb,⌋ danab amu ele nug ah amu lamitteb, danab nug tatam ah amu awa lamittom amu, nug eɗua, ah amu baula aokku am enate? Kobol augigiak amuppa wan am Kayaknu neekkakppa dubuttid tak ele iite daama. Anam, amge ag Juda, ag kayak hambuppuak kuɗum noolagppa dup nona binalag meegeg uɗie, gemu ele hetteb. Ag ib baag ah nug danab kuɗum ele niiglagnu hette, ag amubia hetteb. Ag anam hetteb, amge da tuɗitten, ag eɗue diiadkkulnu onilagppa ettem.

Sam 44:12

Danab nug keeke enanag laa daden maknu ma heeb, laa nug men doɗo honapnab metta aokkutai. Anam bekkunu elele, amu na ihinignu anambia heme anidttem. Ao, na ihinig kekeɗ uuatte, ag ig eɗigna awigna meikkeg, laa ag ig awigppig, amge na keeke laa ihinignu ii aome.

2 King 17:17

Ag bekkalkad, aɗelkad ele aqadna, kayak hambuppuak dilag mana mettak henana, eman hak danab ele eman henana, emaɗ kobol ele heppig. Israel ag kobol eheɗib ahilag ɠagattag ohppa hekkulagnu dabmenan oinna, ag Yawenu neekkakppa eheɗ nau heppig. Amu Yawe Nug ahilag kobol nau amu antta, ahilagnu oo huana nauhom.

Esta 7:4

Aɗinu? Danab ah dahilad, amu da ele ig am danab ag iqaglagnu daden meigna eppelagppa meigppig daattem. Ig begbeg maɗi nid maɗi ah ele daagnignu aakkuib daden meiglob amu, da aɗitai laa ii alom. Keeke amuam keeke nakokib, laa nug king, keeke nakok amunu uug medakkunu am ena iitta. Am elele iitta amunu, am anam daalo amu, da aɗitai laa ii alom,” awa aum.

1 King 21:25

Haen Ahap nug king dayom amu, Nug Kayaknu neekkakppa genabnab genab nug kobol eheɗib nuhig ɠagattag ohppa hekkunu dabmaama oiya, amu haknu danab laa oh eɗattom. Yawe Nug nuhig neekkakppa kobol amunu am nauib dootte. Aria, nug wau Jesebel amu, nug anam hekkunu duttunak ele heum.

Eksodas 21:7

Am danab laa nug aɗeg nug danab laan wau amge waunab iitta daakkunu meeb, laa daden meeb, nug anam dayebeb, maɗ eblaih aɗit uueb amu, nuhig okkai nug nid danab maɗi nid daatteb bia uhuqak ii mettama.

Lewitikas 25:39

Am na layap, Israel ted laa, nug daɗeknab daya, nug nukka nug nahip maɗi nid daakkunu heeb, na daden mekkut dayeb, na nug begbeg maɗi nidnab bia aib hettame.

Aisaia 1:28

Amge hipunin danab, danab ah ag Yawe waappa dayaknu uun, nuhig nai tappaeg nette ele amu, Yawe Nug hatteb, padal mekkulag. Yo, aun aɗi ag Yawe uun dimedatteb, geha ag mauhkkulag.

Aisaia 27:8

Nug heeb, Israel ag guittak aoglag, amge ag nauhna autnanab ii aomna. Nug heeb, kekeɗ ag uɗin, Israel eɗadna, diin gona maadppeg, Israel ag diia ukka laih me dayak danab ah wan laappa daaglag. Ge! Nug heeb, kaɗag ɠagattagnab uɗia, ad uɗug keeke iwale gotte, amubia Israel ag wan laappa maniguittak bia anam gona daaglag.

Aisaia 43:27

Ag mamelag tatamnu amu, nug hipunin heum. Ahilag ikki danab ag da oɗel tappaeg neum.

Aisaia 46:8

⌊Kayak hambuppuak ag anam daatteb, amge da am anam iitta amunu,⌋ ag danab ah ag da waalppa ii daan, dahil nai tappaeg ne oitteb ele, ag imu daulagppa dob, ag aɗan, tutukku dabmenan oiyeg!

Aisaia 54:6

Amu danab nug wau ⌊eheɗ he,⌋ uuitte, wau nug nukka laih oo uug nau elenab dayeye, gamu nug onigppa e, eɗua do, ewau daattep, amubia Yawe Nug ag Juda, ag onilagppa ekku. Ao, ah makkunnab gamu awa, ⌊eheɗ heum⌋ amunu, gamu uuitte, ah ukke, nukka dayeye, gamu nug onigppa e, eɗua do, ewau daattep, amubia Yawe Nug ag onilagppa ekku. Amu ahilag Kayak Nug atte.

Aisaia 54:7

“Haen tutunab aakkuib da uuatten, laih daami, amge da ool huana matten, ehanatten heppi, ag eɗun dahilppa dokkulag.

Aisaia 58:1

Yawe Nug atte. “Ag laa, ag dahil nai mattiglagnu daatteb, ag Israel danab ah ag dahil nai dooglagnu nai amu huana eppeg doyeg! Ag qinonob aib madippig! Trampet huana gaatte bia eppeg doyeg! Ag dahilad danab ah, ag da waalppa daaglagnu uun, dahil nai tappaeg neene oitteb, ag amunu appeg doyeg! Ao, ag Jakop buɗub, ag hipunin digdig henan oitteb amu, ag amunu appeg doyeg!

Aisaia 64:6

Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.

Hosea 4:5

Ag amunppa, tuqanppa ele taataɗ qedatteb, amu propet ag ele anamib hetteb amunu, da geha ag Israel, da ahilag wan heppi nauhkku.