Aisaia 5:25 - Nobonob Baibel

²⁵ Diig amunu amu, Yawe Nug nuhikkud danab ah dilagnu oo nauhak naɗi dootte. Ge! Nug eppeg humom dayeye, Nug makkuɗadtte. Nug eppeg e, qauko oh uɗaltteb. Nug eppeg e, kuɗum mauheg, ag gaɗalkad aab okkainu ibppa kinipan bia niitteb. Anam, amge amuppa Nug nuhig oo nauhak amu iinab bodoettom. Iitta. Nug ⌊bu tuɗitta madakkunu⌋ eppeg humom daatte.

Aisaia 5:25 Referans Kwoze

Aisaia 10:4

Ag am keeke laa hekkulagnu ib iittanab iitta. Geha kekeɗ ag ag aqaglag, o iitta ag aɗualadppeg, ag ag eppelagppa daaglag. Anam, amge amuppa Yawe Nug nuhig oo nauhak am iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Aisaia 9:21

Manase buɗub ag ahan, Epraim buɗub tappadppeg nokkulagnu hebeppeg, Epraim buɗub ag ahan Manase buɗub tappadppeg nokkulagnu hekkulag. Amu aa oh anam heyaya, aa oh ahai, Juda tabapeɗ nokkunu hekkulah. Anam, amge amuppa Yawe Nug nuhig oo nauhak amu iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Aisaia 9:17

⌊Ikki danab aɗi ag anam hetteb,⌋ diig amunu ⌊Israel danab ah oh⌋ ag Kayaknu, nuhig haknu ele uuak doon, ag nau hak kobol henana, nai uɗig wak ele oɗelagppa anan oitteb. Anam amunu, Naɗi Nug Israel dilag nid bau dilagnu gamag ahak laa ii dootte. Diig amunu Nug ah qab, amu nid ag mamelkad mauhppig ele, Nug amu dilagnu ele oo ii madatte. Anam, amge Naɗi Nug nuhig oo nauhak amu iinab bodoettama. Iitta! Nug ⌊bu tuɗitta madakkunu⌋ eppeg huma daakku.

2 King 9:37

Laa nug Jesebel gaɗa antta, “Imuam Jesebel,” amananu, nug gaɗa am geha Jesril aab okkai dimittim, appa dadppa doɗ biig wan qaɗeppa daatte, nug gaɗa am amubia daakku,’ aum,” awa aum.

Daniel 9:16

O Naɗi, na genab tutukkuib hanhan hettem amunu, na amubia gemu ele henana, na Jerusalemnu danab ah, ⌊Juda danab ah oh ele⌋ dilagnu oot nauhom daatte, na amu dilagnu oppoɗi bak doottem amu, na amu uukkutnu oɗ medattem. Jerusalem am nahip aab, am aab amu am qauko nahipnu tituanak daatte, am amuppa daatte. Ig nahipad danab ah, ig, amu ig mamenkad aɗi ele ig hipunin heut, na bu eheɗ mekkame amunu, danab ah wan atu ig taliligna daatteb ele, ag ig, aab Jerusalem ele, ag ihinignu, ‘Keeke hamunab,’ dootteb.

Jeremaia 4:24

Da neekki ukke, qauko ele anadmi, amu qauko okkai ag uɗalegeg, qauko nakok ag danab ameg uuette, pehettak ii daatte, ag amubia heppig anidmi.

1 Tesalonaika 2:16

Danab amu ag Kayak Nug iitta aɗi eɗua diikkunu oolag ii daatte amunu ig Nai Ena, iitta aɗi amelagppa mehuqkkunignu ib oo nekkulagnu hetteb amunu amu, ag ahilag hipunin okkainab meegeg, Kayaknu oppoɗi bak miagnab ag qaɗelagppa daatte.

Nahum 1:5

Yawe Nug oiyeye, qauko ag uɗaltteb. Ao, qauko nakok am keeke le ma, noa gotte bia hetteb. Nug dayeye, wan oh uɗaltteb. Ao, keeke oh amuppa daatteb ele hahaɗtteb.

Jeremaia 16:4

“Ag oɗe naunabppa mauhkkulag. Ag mauhppeg, laa ag ii mahimna, ii boumadmana ele. Ag gaɗalag hamu kinipan bia wanppa niiglag. Ele amu, kekeɗ ag qep elabppa ag aqappeg mauhppeppeg, ag enugppa ele mauhkkulag. Ag mauhna, ag gaɗalag am ai hab waappa hagagaɗna oitteb, doɗ dakkuɗ wanppa oitteb ele dilag ee daaglag,” awa atte.

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Sepanaia 1:17

Amu Yawe Nug atte. “Danab ah ag da, Yawe, ag dahilppa hipunin heegeg uɗie, gemu ele hetteb amunu, da uug nau madakkul. Ao, da heppi, ag danab ameg gaɗuak ele ib antta, wana gokkunu ib maditte bia henan daaglag. Kekeɗ ag aqappeppeg, ag tiilag huanak, wanppan nekku. Ge, ag aqappeppeg, ag biilag am wanppa doɗ biiak bia daaglag,” awa atte.

Habakuk 3:10

Ao, na wanppa nee, qauko ag uɗalppig. Le ui eheɗ oum. Yo, yu huana koɗkoɗ qe, oqotti okkai oum.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Hosea 14:4

Amu Yawe Nug ⌊danab anam unuqidkkulagnu dimppa inam akkunu⌋ atte. “Dahil oo nauhak am iitta ma, qeta awom. Qeta awom amunu, da heppi, ag baula da di-ii-meɗona, kayak hambuppuak laala ii dim lamidmana. Ao, da oo qak iittappa ahilagnu ool mauhkku,” awa atte.

Gayak Nai 5:22

Aɗinu? Antte! Na ig uuigna aut autnanab aome. Ge, na oo nauhak huanaknab ihinignu doome.

Jeremaia 15:3

Amu Yawe Nug atte. “Da heppi, kekeɗ nau waɗele ag Juda danab ah, ahilagppa bekkulag. Laa am ban haenppa kekeɗ ag qep elabppa aqappeg mauhkkulag. Laa am qai ag laa gaɗalag eeɗadna, laih gokkulag. Laa am ai ag uɗin, gaɗalag lakkulag. Amu laa am doɗ dakkuɗ ag ag gaɗalag qai, ai ele ii lappig ele, ag lakkulag.

Jeremaia 9:22

Yawe Nug da nai imu appi dooglagnu da amelppa aum. “Yawe Nug inam awa atte. ‘Qinob, haen amuppa, danab mauhppig ele, ag gaɗalag am dad okkaippa kinipan bia niiglag. Ag danab ee aeg awewe, gumu kuɗum wanppa nena qetteb, ag gaɗalag am amubia daaglag. Ag anam daappeg, laa diin boumadkkulagnu laa ii daama. Iitta,’ ” awa atte.

Jeremaia 8:2

ag wanppa hamu maadppeg daaglag. Juda danab ah amu ag anukka bau daanna, ag aam kalam hoɗoppai ele dilagnu, ‘Ihinig kayak,’ anana, ag keeke amu noolagppa dup nona binalag mena, ag amu dilag oolag mauhak doon, ag amu dilag mana mettak danab dilag nai doon dim lamidna, ahilagppanu aɗi aɗi hekkulagnu nai ele aoppig. Juda danab ah ag amu heppig amu, haen amuppa ag ebehilkad am wan qaɗeppa kinipan bia daappeg, laa ag qagmena, moɗppa ii memana.

Jeremaia 4:8

Anam bekku amunu, ag lamen heɗiag ele takkanna, ag mahia, gayak okkai ele heig! Aɗinu? Ihinig hipunin haknu amu, Yawenu oo nauhak huanaknab aakku daatte. Ii iitta meum,” awe ami.

Sam 114:7

Yawe noobppa amu, wan uɗalaɗ! Ao, Jakopnu Kayak noobppa amu, wan uɗalaɗ!

Sam 106:40

Ag anam heppig, diig amunu Yawe Nug danab ah nuhikkudnu oo huana nauhom. Ag nuhikkudnab, amge ag hipunin anam aakku heeg, Nug ahilagnu ooppa uuaknab doyom.

Sam 83:10

Na Sisera, Jabin ele, amu ahilti daup ele Endor guguittak appa hatte nauheg, ban danab ahilti beɗulag oh amu wanppa kinipan bia niippig.

Sam 78:38

Ag amu heppig, amge Kayak Nug ahilagnu oo gai-iitta doya oo matta ehanatta, Nug ahilag hipunin uhuqa mattom. Nug ag oh ii hatte nauhppig. Haen kuɗum Nug oo nauhak nuhig aɗom. Ao, haen kuɗum Nug ahilagnu oppoɗi bak doyom, amge Nug aɗaɗa, ag bu madakkunu dayom bia ii bu mattom.

Sam 77:18

⌊Genab,⌋ hakkaɗ am habppa huana qaaqa ukkom. Amemɗi awa, wan oh amahlom. Wannu amu, wan hahaɗaɗa, uɗalom.

Sam 68:8

Na, na Kayak Sinai appa nahipad danab ah gumadna neme amu, na anam hee, na noomppa wan uɗalom. Ao, na, Israel dilag Kayak, na anam hee, na noomppa gu neum.

2 King 13:3

Nug anam he amu, Yawe Nug Israel dilagnu oo huan nauhe, Nug Aram dilag king Hasael, aria dimppa Hasael bekka Benhadat, nug Aram dilag king be, Yawe Nug nug ele, Nug aa uuate, aa haen kuɗum Israel banppa eɗadpiɗ.

1 King 21:24

Aria, Ahap baekkudppa dilagppanu danab laala ag aab okkai ooppa mauhkkulag amu, geha qai ag gaɗalag lakkulag. Laala ag aab okkai dimittim mauhkkulag amu, geha ai ag gaɗalag lakkulag.” Elaiya nug Ahap amegppa anam aum.

1 King 16:4

Amu nahipad laala ag aab okkai ooppa mauhkkulag amu, qai ag gaɗalag lakkulag. Amu laala ag aab okkai dimittim mauhkkulag amu, ai ag gaɗalag lakkulag,” awa aum.

1 King 14:11

Am Jeroboam baegppan danab laala ag aab okkai ooppa mauhkkulag amu, qai ag gaɗalag lakkulag. Am laa ag aab okkai dimittim, aben laalappa mauhkkulag amu, ai ag gaɗalag lakkulag.’ Yawe Nug anam awa aum. Amu anam bekkunu diig am, Yawe Nug anam ana malom,” awa aum.

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.

Eksodas 7:19

Amu geha Yawe Nug Moses amegppa inam aum. “Na ⌊Paro amegppa anam awona, na⌋ Aron amegppa appe, nug dudqak hokkat nuhig amu awa, Isip le okkai oh, le nag oh, le ameg oh ele, amu epponattaɗ! Nug anam heeb, le amu oh eɗun, tiig daaglag. Le amu tiig eɗuglag amu, haen amuppa Isip oh dilagppa le tappiɗ, adppa hoippigppa daatte, am nippud menppa heppigppa daatte ele, le amu oh ele eɗun, tiigib daaglag.” Yawe Nug Moses amegppa anam aum.

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Aisaia 14:19

King laala oh ag matmatppa anam niitteb, amge laa nug na gaɗan matmatppa ii meum. Iitta. Na gaɗan am hamu, miag daatte; doɗ laa mauha beɗeɗe, danab anidtte, amge nug keeke laa ii hette, na gaɗan am amubia daatte. O na gaɗan am ban haenppa kekeɗ ag ban gudkkudppa o latppa danab kuɗum aqaeg mauheg, laa ag mauhak gaɗalag amu moɗ hamuppa akkaeg nona daatteb, na gaɗan amubia daatte. O na gaɗan amu danab laa banppa oiye oiye, qeeg mauha, na qa wanppa niieye, ban danab laa ag baelagppa danab mauhom amu tappanna gotteb, na gaɗan am anam bia daatte.

Aisaia 23:11

Yawe Nug yu qaɗeppa eppeg humom daye, wan oh uɗaltteb. Nug ⌊kekeɗ ag⌋ Ponisia, ⌊amuam Tair Saidon aɗi, ag amu⌋ dilag aab aɗ ɠagattagnab ele hadappeg nauhkkulagnunab aum.

Aisaia 25:11

Moap ag am geha danab nug yu gamagppa padal memanu baɗa, yu ihippa langppa gokkunu wagai ma mutui ma gotte, ag amubia hekkulag. Ag geha keeke digdignu uug mawak nau amu eɗidkkulagnu hekkulag, amge Yawe Nug geha ahilag doyak, am ahilag ɠagattag ele tappeb nokku amunu, ag aɗi keeke laa ag ehanadkkunu hekkulag am geha ehanadkkunu elele iitta.

Aisaia 42:25

Israel ag anam heppig amunu, Yawe Nug ahilagnu oo nauhak huanaknab be, Nug he, ban nau ag wanelagppa neum. Ban amuam aab aɗu danab oh diia ewadkkunu hette bia dayom, amge ag nau amu beumnu diig ii dooppig. Ao, ban amuam aab aɗu danab ewa iitta mette bia dayom, amge ag amunu dabmak tutukku ii aoppig.

Aisaia 51:20

Ahilkad nid danab ag gai-iitta daatteb. Ag ib oɗatleppa doɗ pelemppa teum daatte bia niitteb. Yawe Nug oppoɗi bak doyeye, ag eheɗ aotteb. Ao, ag Israel, ahilag Kayaknu oppoɗi bak ahilkad nid dilagppa ambak daatte.

Aisaia 64:3

Tumai aɗi na nena, keeke laala, danab nug amu antta, nug ebehi oh bodoetta le mette ele, na keeke amu, ig na anam hekkutnu dab-ii-memut ele amu, na amu heme. Na amu heme, qauko aakku huanak uɗalppig.

Aisaia 66:15

Aɗinu ⌊ag amu dooglag⌋? Antteg! Yawe Nug aab aɗu eleppa uɗikku. Nug ban danab bannu karisppa dayaya ulah kilibob gotte bia gotte, Nug anam bia uɗikku. Nug oppoɗi huana beebeb, danab ah eheɗ hetteb ele bu eheɗ madakku. Ao, nuhig oppoɗi bak am aab aɗu bia dayaya, Nug ag bu okkai madakku.

Aisaia 66:24

Amu dahilad danab ah ag aab dimittim gona, ag danab ah ag da waalppa daaglagnu uun, dahil nai tappaeg neum ele, ag danab ah amu gaɗalag anadkkulag. Amu ag gaɗalag niiglagppa amu, gawat naunau ag hanhan daatteb, aab aɗu aguppa daatte ele ii qauhtte. Danab ah oh ag gaɗalag amu anidna, ag eheɗ nau, gahag bak bia ele dooglag.” Yawe anam awa atte.

Jeremaia 17:4

Ag beɗulagppa ag wan ahilag, da wan amu ag aulag daakkunu ag mattami amu, ag beɗulagppa ag wan amuppa ii daamna. Ag hipunin anam heeg, oo nauhak dahil am aab huana ewewe, laa qauhkkunu elele iitta bia daatte amunu, da heppi, ag kekeɗ waalagpa, ahilag begbeg maɗi nid daan, ag wan laappa, ag amu ii dootteb ele, ag aguppa anam daan oiglag,” awa atte.

Esekiel 6:14

Da heppi, uug naunab ahilagppa beeb, wan ahilagppa tom adeppa adeppa daatte, am nauhakib daakku; amuam yau uɗitteppanu tomppa, appa am atu taɗak nau, tom amuppan ukka, yawalti uɗitteppanu tomppa aab onig Dibla daatteppa, tom amu batak am atu anamib daakku. Da amu heppi, ag dooglag, da am Yawe.” Yawe Nug anam awa atte.

Esekiel 30:25

Da heppi, Babilon dilag king nug ɠagattag daakku, amge Paro eppeg laih laih oh am gai-iitta dayaya, qe nakib, hamu daaglah. Da Yawe, da dahil qep elab Babilon dilag king eppegppa meppi, nug Isip ele ban hekkulahnu humeb, Isip ag dooglag, Da am Yawe.

Amos 8:8

Hipunin ag heppig ele amu, ahilag wan oh amunu iite uɗalkku; danab ah oh appa daatteb amu, ag iite mahiglag. Le Nil, amuam Isipnu le okkai, am titiɗa ba, ebehi ele ugakka, eɗua hiɗatte; amubia Israel wan oh am uɗalak nau awowa, na qekku.

Duteronomi 31:18

Da ag uuatte, dimadakkul. Aɗinu? Ag nau henana, kayak laala noolagppa dup nona binalag mekkulag.

Job 9:13

Kayak Nug he, nuhig oo nauhak bodo-ii-ettom daatte. Ao, yuppan doɗ nau onig Rahap, nuhikkud ehanittak, ag Kayak baeg waappa hahaɗnan daappig.

Aisaia 9:11

Anam amunu, Yawe Nug ⌊Israel dilagnu oo nauheb⌋ heeb, kekeɗ ag Israel aqaglagnu uɗiglag. Nug heeb, ahilag kekeɗ ag ahan uɗiglag.

Aisaia 9:16

Ikki danab ag ib ena, ib tutukku, amu kobol ena ele danab ah ii ippuanatteb, amuppa danab ah ag ib ena apiɗidna ⌊ag padal metteb⌋.

Aisaia 9:20

Danab ah oh anen anen ag henana, mudippan lailkad heqo laih daatteb amu, ag amu dilag keeke aɗualadkkulag, amge ag enug qak doon oiglag. Ag mudippan lailkad laih laa daatteb amu, ag amu dilag keeke aɗadna lakkulag, amge ag oolag iinab aɗama. Ag anam henana, ag anen anen oh ag bekkalkad aɗelkad aɗi aakku lattaglag.

Aisaia 29:2

amge da heppi, kekeɗ ag uɗin, Jerusalem oo mattan, danab aqadkkulagnu daan, appan danab ah ag guittak okkai aon, ag gaanna, mahiak okkai hekkulag. Jerusalem am danab mana mettaknu qaɗab qaɗeppa doɗ tiig gokkaɗeg laidtte, am amubia daakku.

Jeremaia 6:12

Da eppel bahien, Juda danab ah bu madakkul amunu, da Juda laulkad diien, da amu laa, ahilag daaglagnu ag madakkul. Da Juda danab dilag wan anen anen, ahilkad ah ele diien, laa madappi, ahilkad daaglag,” awa aum.

Esekiel 15:6

Anam amunu, Naɗi Yawe, Nug inam atte. “Da danab ah ag atuppan ad oolagppanu muɗi eppeg aab aɗuppa meppeg eokkunu ag mattami daatte, amubia da Israel danab ah Jerusalem daatteb eheɗ hadakkul.