Aisaia 5:14 - Nobonob Baibel

¹⁴ Diig amunu amu, mauhaknu aben nug oɗe aaheum daatte. Ge, mauhaknu aben nug nuhig oɗe okkainab, huanak aaha daatte. ⌊Mauhaknu aben anam daatte⌋, amu Jerusalemnu danab okkai aɗi, amu Juda danab ah laa kuɗumnab ele, ag mauhak abenppa nokkulag. Ao, Juda danab ah ag gemu gamalag ahehe, hobul henana, muttub qetteb ele amu, ag am geha mauhak abenppa nokkulag.

Aisaia 5:14 Referans Kwoze

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Habakuk 2:5

Anam amu, wain am danab amu he, na qette. Ao, beɗuppa tak danab amu nug toetta ii daatte. Mauhak aben am, ‘Elele! Danab mauhppig baula imuppa aib uɗippig,’ attete? Iitta! Ge, mauhak am, ‘Da hei, danab ah elele mauhppig,’ attete? Iitta! Anam amunu, amubia danab amu ⌊am Babilon dilag okkai amu⌋, nug wanppan wan ohnu danab ah nug waappa daaglagnu diiakib diiadtte. Ao, nug atu ohppan danab ah diiatte, nug eppegppa daatteb.

Prowerb 30:16

Laa am mauhak aben, Laa am ah mattoi, nid ii menuak ele, Laa am wan qaɗaiettak, gu elele ii aotte, Aria, laa am aab dittiak huanaknab hette ele.

Matyu 7:13

Ag ib laa, ib amu oɗeppan od hogogdoak ele, ag amuppa noig! Aɗinu? Ib okkai padal mak abenppa gotte ele amu, nuhig od am okkainab, am danab ah kuɗum ag ib amu dim lamidtteb.

Prowerb 27:20

Mauhak am danab daalo, padal mak ele danab daalo, aɗit amuam baubau danab ah diilopnu doolop; amubia, danab ag keeke baubau aoglagnu oolag hette.

Sam 55:15

Dahil kekeɗ ag hanhan kobol nauib hetteb amunu, ag dab-ii-menana mauhkkulagnu ool daatte. Ao, ag paha moɗppa nokkulagnu ool daatte.

Aisaia 30:33

Amu bekkunu diig am, danab mauhe, ag gaɗa aab aɗuppa heeg ewa iitta mette, amubia Yawe Nug anukkanab he, Asiria dilag king, ⌊Asiria ele⌋ iitta mena autnanab aoglagnu babaittom daatte. Ao, Yawe Nug matu ⌊Asiria,⌋ ahilag king ele aab ewakppa iitta mekkulagnu babaittom daatte. Amuam laa ag danab gaɗa maiglagnu aben okkai, uma noa ukkak bapaidna, aab huanak akkaeg te, aben akka eɗitta te, gaɗa amu qaɗeppa meeg dayeye, kalu laa huana eotte onig salpa le nag gotte bia uɗia aab amote, aab gakkaɗaknab ewawa, gaɗa ewe iitta mette, amubia Yawe Nug heeb, Asiria dilag king, ⌊Asiria ele ag⌋ iitta mekkulag.

Aisaia 14:9

⌊O Babilon dilag king,⌋ danab mauhna gona, nami aabppa daatteb amu, ag na ele nug uɗa tekkulagnu ahan, muttub qetteb. Mauhak danab appalag am ⌊danab hette bia haaha⌋, mauhak aɗi ag na humidkkulagnu, nug danab mauhppig dottolkad maɗatte, na anidkkulagnu aakku daatteb. Ameg amu, haen ag wanppa bau daanna, ag wanppan danab okkai daappig. Ge, mauhak danab appalag ⌊danab hette bia haaha⌋, danab mauhppig dottolkad, ahilag sia kingppanu ahaglagnu maɗatte, ag na anidkkulagnu aakku daatteb. Ameg amu ag anukka ii mauhppig daanna, ag wanppan king daappig.

Luk 17:27

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, amu heegeg ukke, Noa uubppa teum. Danab ah ag anam heegeg, le hiɗ naɗi ba, danab ah amu ohnab diie padal meppig.

Aisaia 21:4

Da keeke Yawe tulelegppa ippuniɗe anidmi am he, da dabmak iwe, amel qittinene, beɗul baɗeɗe ottaittem. Da aam paha paha noa tuebnab ma, uudoa, ⌊maɗoɗ daakkulnu⌋ ool huan hanhan dayom, amge iitta, da Yawe ippuniɗom am he, da amel iɗuak doottem.

Prowerb 1:12

Ag anam awona amu, ag inamtai tuɗidna akkulag. “Danab nug bau dayaya, laippun oɗe awa mauha, gaɗa moɗppa notte, amubia ig moɗ bia daat, danab aotu! Ao, mauhak danab moɗppa noa daatte, amubia ig laa aopput, ig eppenigppaib dayaɗ!” akkulagtai.

Sam 49:14

Danab ah amu amu, ahilag gumak danab Mauhak, nug omalattebeb, ag sipsip mauhtteb bia mauhna, moɗppa gokkulag. Butti aɗi, Kayak Nug genab tutukku hak danab ah ehanattak haenppa amu, haen amuppa genab tutukku hak danab ah ag gumadkkulag. Danab ah amu ag mauhppeg, beɗulag moɗppa beɗakku. Ag laulkad ena ena amuppa ii daamna. Moɗ ahilkad amu, ag laulkad guguittak ii daamna.

Daniel 5:30

Anam, amge tuqan amuppanab Midia, Persia ele dilag daup ag aab naɗi Babilon amu aon, ag Babilon dilag king Belsasar qeeg mauhom.

Nahum 1:10

Aɗinu? Ag danab muɗi qaun ele ooppa dayeye, qaun nug aɗatteb bia daaglag. Ao, ag ahilag wain labeppeg, kaaka aqakku. Ge, gikkiɗah qaɗaiettak huana eotte bia, Yawe Nug heeb, ag nauhna, padal mekkulag.

Aisaia 14:11

Danab ag na binan, onin okkai humaegeg oime ele amu, binag amu ele ippa, danab mauhak appalag imuppa uɗiom. Danab ah ag harp qena, ag musik nahip heeg doon gaman ahom ele amu, musik amu ele ippa uɗiom. Nahip balal, na amuppa niikkutnu amu, balal amuam ag doɗ teppu beɗaknu mamat gokkaɗna, ag amuppa bappaidna heppig. Ao, beɗun laidna niikkutnu lamen amu, lamen amuam gawat aakkuib.

Aisaia 24:8

Ag gamalag ahak muttub qena, tambarinppa musik iinab hemana. Laa ag gamag ahak huanak dootteb ele amu, ahilag muttub qak iinab daama. Harp-ppanu musik gamag ahak ele amu, amu ele iitta mekku.

Esekiel 7:12

Ag Israel, ag bu aoglagnu haen aakku gogppa teum. Deɗ amu aakku uɗiom daatte. Laa nug keeke daden mette ele, nug aib gamag ahak doyom. Laa nug keeke me, laa daden mette ele amu, nug mahiak aib doyom. Aɗinu? Danab ah imu ag ohnab bu aoglagnu haen aakku oqiom daatte.