Aisaia 49:7 - Nobonob Baibel

⁷ Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 49:7 Referans Kwoze

Matyu 26:67

Anam ana, ag Jesus iɗuppa hununna, amu eppelkad bitakkana makkuɗppig. Laa ag eppelag oohap tena, mataɗnana

1 Pita 2:4

Naɗi Jesus Nug am men laa bauklel daatte bia daatte. Nug men anuqak bia anam daatte; danab ah ag Nug uuppig, amge Kayak Nug nukka tituana, nuhignu am enanag dootte. Nug anam daatte, amu ag nuhigppa uɗiegeg,

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Aisaia 48:17

Yawe, Nug ag Israel, ag ahilag qagaiettakppanu eɗua uhuqaknu ehanittak daatte, Nug ag Israel, ahilag Kayak Oppiaawak Ele amu, Nug atte. “Da am Yawe, da ag Israel, ahilag Kayak daattem. Da ag kobol aɗi aɗi am ahilagnu ena, laa oh eɗidtte amu, da kobol amu ippunadttem. Ao, ib ag gokkulagnu daatteb ele amu, da ib amuppa gokkulagnu ulum madattem.

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Aisaia 49:1

Danab ah wan miagnu, wan umanu ele, ag nai dahil doyeg! Ao, ag danab ah wan atu umanu, ag doyeg! Anai da ii menuiɗom haenppa, Yawe Nug da onilppa eum. Ao, da anai ooppa niiiyi, Yawe Nug da onil diiom.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Aisaia 52:15

Ag dabmak huanaknab aoglag, amubia danab ah wan atu kuɗumnu ag ottaikkulag. Anam amu king ag nuhignu oɗelag qamutna, dabmak kuɗum aoglag. Aɗinu? Keeke ag nuhignu ii dooppig amu, ag anidkkulag. Ge, laa ag nuhignu keeke laalanu a ii dooppig ele amu, ag amu doon, ag amu diignu doyak tutukku aɗaglag.” Yawe Nug anam atte.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Jon 19:15

Anam a amu Juda ag eppig. “Heppe nug mauhaɗ! Heppe nug mauhaɗ! Ad emaitakppa atule!” aon eppig. Anam eeg am Pailat oɗ mattom. “Ahilag King amu da ad emaitakppa atulkkulnu oolag daattete?” awa aum. Pailat nug anam a amu, mana mettak danab okkai ag inam appig. “Ig king laa iitta; Sisar aakkuib!” aon appig.

Luk 23:35

Danab ah ag hippaidna daanna anttegeg, ikki danab ag nug aon aon qettan appig. “Nug danab laala ehanattom amunu, Nug genab Kayak Bekka, Kayak tituanom dayeb amu, Nug nugakka Nug ehanittaɗ!” aon appig.

Luk 23:23

Pailat nug anam aum, amge Juda ag wagainab mena, huanak ɠagattagnab enana, Pailat nug Jesus ad emaitakppa atulkkunu eppig. Ahilag ewak am Pailat nai aum, am amu eɗittom

Aisaia 60:10

Amu Yawe Nug atte. “⌊Haen amuppa⌋ wan laihnu danab ag Jerusalemnu aɗ eɗun bappaidkkulag. Amu wan laappan danab dilag king ag, ag Juda danab ah dilag maɗi nid bia daaglag. ⌊Keeke aɗit amu bekkulah,⌋ amunu diig am, ag Juda danab ah ag hipunin heeg, da ool nauhom amunu, da ag bu madakkul, amge da ag ool matte, da ii helom bia me, da ag ehanadkkul.

Aisaia 60:3

Juda danab ah, amahlak Yawenu ahilagppa uɗitte amu, wanppan wan ohppan danab ag ahilag amahlak, amuppa uɗiglag. Ao, king ag aam buttua ba, wan atu oh amahlak medatte, amubia king ag amahlak okkai ahilag am anidkkulagnu uɗiglag.

Aisaia 50:6

Haen danab ag da gomel mataɗppig amu, da gomel ag mattami. Yo, ag da akkaɗil hiɗaegeg, da ag iɗul mattami. Ge, ag da eheɗ aon aon iunna, hunu iuppig amu, da iɗul ii lokkummi.

Aisaia 48:7

Keeke bau da akkulnu hettem am genab keeke baunab. Gemuib da digmein hei betteb. Da anukkanab ii hemi. Gemuib da digmein hei betteb, Anam amunu, ag deɗ laa ag da hettemnu nai nakok laa ii dooppig, ag amunu ag oolagppa laa nug, ‘Ao, da anukka amunu doomi,’ anaknu elele iitta.

Sam 68:31

O Kayak, na anam heppe, dimppa Isip danab ah ag nagattoppa uɗiglag. Na anam heppe, dimppa Kus danab ah ag uɗin, na noomppa dup nona binan mekkulag.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.

Jon 19:6

Anam a amu mana mettak danab okkai, ahilkad daup ele ag Jesus anidna, huanak ena appig. “Ad emaitakppa atule! Ad emaitakppa atule!” aon appig. Anam aeg amu Pailat nug aum, “Ag akka aon, ad emaitakppa atuleg! Da am nuhigppa ɗo tippalak laa ii anidmi,” awa aum.

Jon 18:40

Nug anam aum, amge ag qalan appig. “Nug iitta! Barabas uhuqna mekke!” aon appig. Barabas nug am ban haaha, keeke yab awak danab.

Luk 22:27

Nug anam awowa, Nug baula aum. “Wannu kobolppa amu, aun nug am anuqak? Laa nug balalppa dayaya ee latte, nug am anuqakte, o iitta maɗi nid nug laa balalppa daatteb ele, nug ag ee madatte amu, nug am anuqaktai? Iitta. Laa balalppa ee latte, danab amuam anuqak daatte, amge da amu ag oolagppa maɗi nid bia ag ehanatten daattem amunu, amuppa ag dootteb, danab nug anuqak daakku, nug maɗi nid bia dayaɗ!

Aisaia 60:16

Ag Juda, ag nid nug anignu huh latte, amubia ag wan atu laihnu keekeppa ena daaglag. Ao, nid nug anig huhugppa huh latte amu, amubia laa ag ena daaglagnu keeke mattaglag. Ag amu hekkulag amunu, ag imu dooglag. Da, da am Yawe. Amu laa nug ag ehanatte, ag padal ii metteb amu, amuam da. Laa nug ag qagaiettakppanu eɗua uhuqak ha madatte amu, amuam da. Da am Laa Ɠagattag Okkai ele, Jakop da binal meum ele.

Sam 69:19

Na doottem, dahilad kekeɗ ag dahilnu, “Keeke hamunab,” doon, ag da uɗa nak, amu uɗa nak nau guittak ele meɗatteb. Na dahilad kekeɗ oh, na doon malame.

1 Korint 1:9

Kayak, Nug nukka ag Nug bekka Jesus Kristus, ihinig Naɗi, Nug ele laippu daaglagnu tituanattom amu, Nug oo metta ii uuak kobol dim lamidtte.

Genesis 27:29

Wanppan wan laalappanu danab ag na waatppa daaglagnu ool daatte. Ao, na amap, amu nug buɗuppud ele ag na waatppa daaglagnu ool hette. Danab laa nug na eheɗ laa anak waappa daakkutnu akku amu, nug eheɗ laa awaknu anak waappa daakkunu ool daatte. Amge danab laa nug itittak ena medakku amu, nug itittak ena aokkunu ool hette.” Aisak nug anam awa aum.

Duteronomi 7:9

Yawe Nug anam aakku heum amunu, ag Yawe, ahilag Kayak, Nug am Kayak, ag anam doon autna aweg! Nug amu Kayak, Nug oo metta ii uuak kobol hette. Nug nuhig nug tituana nai qakkak nai ii okkultte. Nug danab ah ag oolag Nug mettan, nuhignu oolag mauhtte, nuhig ɗo ele dim lamittegeg, Nug he, ag Nug ele nug oo mauhaknab doyaknu nug tituana nai qakkak hetteb amu, Nug nug tituana nai qakkak amu dim lamitta ukkeb ukkeb, Nug ag buɗulkad menuattak huu laippu bia 1,000 dimppa bekkulag amu, Nug haen amu oh nug tituana nai qakkak amu dim lamidtte.

Sam 47:9

Wan atu ohppanu danab okkai ag danab ah Abrahamnu Kayak dim lamidtteb ele, ag Nug ⌊binag okkai mekkulagnu⌋ uɗin, Kayaknu danab ah ele laippu qagmena daatteb. Aɗinu? King laa oh ag ele Kayak waappaib daatteb, Nug ag gumadtte. Kayak Nug attannab daatte. Nug keeke laa oh eɗadtte.

Aisaia 14:1

⌊Yawe Nug geha Babilon heeb nauhkku.⌋ Aɗinu? Yawe Nug Israel danab ah dilagnu oo doya, oo madakku. Nug anukka ag nuhig danab ah daaglagnu Nug tituanattom, anamib geha Nug baula tituanatteb, ag nuhig daaglag. Amu Nug heeb, Israel ag eɗun gona, wan ahilagppanab daaglag. Ag daappeg, wan laihnu danab ag geha uɗin, Israel oolagppa daaglag. Daanna, Jakop buɗub bia bena daaglag.

Aisaia 19:21

Am Yawe Nug geha heeb, Isip ag Yawe Nugib am Kayak dooglag. Isip danab ah ag Nug am Yawe doyona, haen amuppa ag Nug noobppa dup nona binag menana, ag doɗ, ee aegnu ofa ele aon main, Nug mettaglag. Ag amu henana, ag keeke laala genabnab hekkulagnu nai anan qakkaglag amu, ag amuib hekkulag.

Aisaia 19:23

Haen amuppa geha ib okkai laa Isip wanppanu Asiria wanppa ukkeb, Asiria danab ag ahan Isip wanppa gobeppeg, Isip danab ah ag ahan, Asiria wanppa gokkulag. Isip danab ah, Asiria danab ah ele oh laippu qagmena, ag Yawe noobppa dup nona binag mekkulag.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Aisaia 49:26

Laa ag Juda ahilagnu eheɗ hetteb ele amu, da heppi, ag akka akka ag teppulag lakkulag. Da heppi, ag akka akka ag tiilag lawona, danab nug wain la, kaaka qette bia daaglag. Da anam hekkul amunu, danab laa oh ag da Yawe, ag dahilnu, da am ag Juda, ahilag padal memananu ehanittak danab dayeye, da ahilag qagaiettakppanu eɗua uhuqaknu ehanittak dayeye, da am Yawe, da Laa Ɠagattag Okkai Ele, Jakop da binal meum ele amu, da anam daattem dooglag.” Yawe Nug anam atte.

Aisaia 66:23

Am inam bekku. Kalam baunu qagmak gamag ahak ele anen anen ohppa, amu Sabat deɗ anen anen ohppa amu, danab ah wanppanu wan ohppanu ag uɗin, da noolppa dup nokkulag.