Aisaia 49:5 - Nobonob Baibel

⁵ Yawe Nug da anil ooppa, Nug da nuhig maɗi nid meiɗa, Nug da Jakop buɗub, ag nuhigppa eɗue diie uɗikkulnu heiɗom. Yo, Nug da Israel danab ah ehanadppi, ag eɗun, nuhigppa uɗiglagnu heiɗom. Yawe Nug da binag okkai meɗatte. Ao, dahil Kayak Nug ɠagattag meɗatte.

Aisaia 49:5 Referans Kwoze

Jon 3:35

Mame Kayak Nug Bekkanu oo mauhtte amunu, keeke oh Nug eppegppa meum.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.

Rom 15:8

Da inam attem. Kristus, Nug Kayaknu nai ig alankad amelagppa qakkatta aum amu, nai amuam genab miag atikkunu, Kristus Nug Juda dilag maɗi nid beum.

Luk 19:42

Nug aum. “O gadon, ag maɗoɗ daaglagnu ib ii dootteb. Uug awak haen ahilag am miagnab, amge ag attemun maɗoɗ daaglagnu ib amu anidlob, ag uug amu ii anidlob, amge ib amuam ag amelagppa lokkumak daatte.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Matyu 15:24

Ag anam aeg amu, Jesus Nug aum. “Israel padal meppig, amu dilagnuib Kayak Nug he, da uɗimi,” awa aum.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Aisaia 56:8

Amu Naɗi Yawe Nug nuhikkud danab ah Israelnu wan laalappan qagmatta, omalatteb, ahilag wanppa uɗiglag ele amu, Nug geha danab ah huu laalappanu ele diia uɗieb, ag laa daaglag, ag amu ele oh daaglag.

Aisaia 52:13

Yawe Nug atte. “Antteg! Dahil maɗi nid nug doyak dabmak okkai ele dim lamitta, nuhig hak hekku. Nug onig okkai, binag okkai ele aokku.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Aisaia 49:1

Danab ah wan miagnu, wan umanu ele, ag nai dahil doyeg! Ao, ag danab ah wan atu umanu, ag doyeg! Anai da ii menuiɗom haenppa, Yawe Nug da onilppa eum. Ao, da anai ooppa niiiyi, Yawe Nug da onil diiom.

Aisaia 43:4

Da ag Israel, ahilagnu da ool madattem, ag dahil neekkakppa ag binalag ele; da ahilagnu ool mauhtte. Anam amunu, da heppi, danab laa ag oulag daappeppeg, ⌊da amuppa eɗuen, ag aben enappa maadkkul⌋. Ao, ag Israel, ag mauhmananu da heppi, danab ah ag oulag daappeppeg, ⌊amuppa da ag ehanadppi, ag ena daaglag⌋.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Aisaia 11:12

Naɗi Nug pilak laa, pilak amuam ad elab attan ukkak galaeg daatte, Nug pilak laa amubia galeb daakku. Nug pilak amu anam meeb, pilak amuam danab ah wan atu ohppanu ag anidna, ⌊pilak amuam Naɗi Nug nuhikkud danab ah ag diia ukka laih me dayak danab ah daatteb, Nug ag eɗua diikku ippunadkku⌋. Nug anam ha, Nug Israel danab ah ag diia ukka laih me dayak danab ah wan laalappa daatteb amu, Nug ag eɗua diikku. Ao, Nug Juda danab ah tamtam gona, aabaab daatteb, Nug ag eɗua diikku. Nug nuhikkud danab ah gona aben ohppanab daatteb eɗua diikku.

Aposel 10:36

Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Aisaia 27:12

Amu haen amuppa am inam bekku. Yawe Nug le Yupretis appanu uɗia uɗia, le onig Isip Le, le amuppa batak Nug danab nug ee aeg, dappunkkeg ele oh laippu daamanu, nug danab ee aeg mumuɗe, piɗe piɗe daattep, amubia Nug Israel danab ah epeɗia, otiatta heeb, laippu ippanu, laippu appanu amu, ag eɗun, ahilag wanppa daaglag.

Jeremaia 1:5

“Jeremaia, da na anin ooppa heidmi, amge haen da na ii heidmi, haen amuppa da na tituanidmi. Ao, na anin nug na ii menuittom, haen amuppa da na uɗat laa hekkutnu otidmi. Da na otidmi, na propet daanna, dahil nai wan atu ohppa mehuqkkutnu na oninppa emi,” awa aum.

Sekaraia 6:13

Nug Yawenu mettid lag hekku. Da heppi, nug danab dagom onig ɠagattag ele daakku. Nug nuhig sia kingppa dayaya, danab ah gumadkku. Mana mettak danab laa nug danab amunu sia king heqo laih dayaya ehanittebeb, aa oh maɗoɗ, dabmak laippu ele uɗat hekkulah.” Yawe Nug nai amu da meɗom.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.