Aisaia 49:21 - Nobonob Baibel

²¹ Haen amuppa ag Israel, ag akka akka oolagppa ag akkulag. ‘Aun nid imu oh dahilad menuattom? Da uug naunab nauppa dayeye, ah gamu iitta bia daami. Da am diia ukka, laih me dayak danab piɗe, wan laappa daami, laa oh dahilnu, “Am nau,” dooppig. Aun he, nid imu oh ena meppig? Da piɗe dakkanab daami amunu, imu amu, ag adeppan uɗippig?’ aon akkulag.” Yawe Nug anam atte.

Aisaia 49:21 Referans Kwoze

Galesia 3:29

Amu ag Kristusnu daatteb dayeb amu, aria ag am Abraham buɗub aakku daatteb amunu, ag aakku Kayak Nug anukka Abraham amegppa keeke laa heeb bekkunu nai qakka aum amu, ag amu aoglag.

Rom 11:24

Doyeg! Ag iitta aɗi ag anukka amu ag olip ad dakkuɗ eppekkud daaegeg, Kayak Nug olip ad amuppanu ag otakkatta diia, dattanu olip ad, amuppa tuɗittom. Ad amuam ahilagnab iitta. Israel ag am dattanu olip ad eppekkudnab bia amunu, Kayak Nug ag diia, eɗua tuɗitteb daaglagnu elelenab daatte. Kobol Kayak heum am adppanab nukka hamu anambia ii bette, amge Kayak nug ag iitta aɗi, ahilagppa kobol adppa ii bette, Nug ahilagnu amubia he beum.

Aisaia 64:10

Kekeɗ ag nahipad aab okkai, nahipnu tituanak daatteb, ag amu hatteg nauhppig, atu taɗak bia daatteb. Sion ele anamib. Ge! Ag heeg, Jerusalem am nauhakib dayeye, danab ah appa ii daatteb bia.

Aisaia 62:4

Haen amuppa, wan laappan danab ag baula ahilagnu, “Kayak Nug danab ah umu uuattom,” ii amana. Yo, ahilag wanppanu, huu laappan danab ah ag, “Yawe Nug he, danab ah qainqainib daaeg, wan am nauhakib daatte,” anam ii amana. Amu laa ag ahilagnu onig, “Hepsiba,” ataɗkkulag. Yo ag, ag Judanu amu, ag onig, “Biula,” ataɗkkulag. Aɗinu? Yawe Nug ahilagnu enanagnab dookku. Amu Nug heeb, danab ah ewau matulak aoya, enanag daattep, amubia ahilag wan am ena daakku.

Aisaia 60:15

Am genab, da hei, laa ag ahilagnu nau ninig ele doon, ag uɗin heeg nauheg, laa nug laih gokkunu ippa uɗia, haen tutu dayaya ii ukkom. Iitta. Ib laa awa, laih ukkom. Anam, amge da heppi, Jerusalem babaittak dayeb, danab ah ag Jerusalemnu enanagnab, aab bala enanag dooglag. Ag Jerusalemnu oo gamag ahak okkai hanhan dooglag.

Aisaia 52:2

Ag Juda danab ah, ag gappudppan aheg! Ag ahan, ag abenlagppanab dayeg! Ao, ag Juda danab ah, laa ag aɗalatte, ag nug eppegppa daatteb ele amu, ag sen ag baalagppa qakkak daatte uhuqna, qakkak iitta oiyeg!

Aisaia 5:13

Anam amunu, genabnab genab geha kekeɗ ag uɗin, ag dahilad danab ah, ag Yawe ɗonu, nuhig kobolnu ele doyak pehettak iitta amu, diig amunu kekeɗ ag ag diin, uma goppeg, ag diia ukka laih me dayak danab ah, wan laappa anam daaglag. Danab okkai okkai enugnu mauhkkulag. Danab ah laa ag le ele iitta daappeg, ag lemaɗulag qaɗaiedakku.

Aisaia 3:26

Aab Sion na eheɗ gaan, mahiak hekkut. Kekeɗ ag heppeg, danab ah Sion appa iinab daamna. Sion am na qa daakku.

Aisaia 1:8

Kekeɗ ag heeg, Sion nukkaib daatte. Nug grep dadppan peh ⌊uɗat malak haenppa⌋ nukka, hamu daatte amu, nug amubia daatte. Ao, nug dadppan peh ⌊uɗat malak haenppa⌋ nukka, hamu daatte amu, nug anam bia daatte. Nug kekeɗ ag aab okkai laa talilidna, oo mettaeg, aab amu nukka, piɗe daatte, amubia Jerusalem nukka ⌊laa nug ehanidkkunu iitta⌋ aakku daatte.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Aisaia 27:10

Amu Israelnu aab okkai ɠagattag aɗ ele am hele-ettak daaglag. Appa danab ah ii daamna. Makau gaiɗ ag appa ee lanan daan, appa ele niiglag. Ag ad eppegppan uɗug aon lappeg,

Aisaia 29:23

Aɗinu? Da heppi, Jakop buɗub ag huana apatppeg, nid ahilkad kuɗumnab daappeg, ag amu anidna, haen amuppa amu, ag da onil oppiaawak ele dabmenana, ag dahil nai dim lamidkkulag. Ag da, da am Jakop buɗub dilag Kayak Oppiaawak Ele amu, ag da oppiaawak daattem doon autna aon, anan oiglag. Ao, ag da noolppa, da am Israel dilag Kayak amu, ag da noolppa ebehilag oh bodoetta le meebeb oiglag.

Aisaia 60:8

⌊Uub okkai umu uɗitteb amu,⌋ ag lombig ulah yeeye, paha paha laih gotte, o uppuɗil beɗulag nakok nug eɗua teɗppa tutukku gotte, ag amubia gotteb amu, ⌊uub⌋ amuam attemun?