Aisaia 49:16 - Nobonob Baibel

¹⁶ Antteg! Da ag onilkad da eppelppa yen malai daatteb. Da Juda danab ah, danab nug Jerusalemnu aɗ guguittak dayaya, hanhan andatta dabmette, amubia da ahilagnu hanhan dabmettem.

Aisaia 49:16 Referans Kwoze

Hagai 2:23

Amge deɗ amuppa da na, na Serubabel, na Sealtiel bekka na, da na ehanidppi, na ena daakkut. Da heppi, na dahil doyaknu at ringppa daatte bia daan, ena daakkut. Aɗinu? Da na dahil daakkutnu tituanidmi.” Yawe Nukka Ɠagattag Oh Ele Nug anam awa atte.

Aisaia 62:6

Juda danab ah, aɗi uɗitte anittak danab ag aab okkai Jerusalem ena daakkunu aab amunu aɗppa daan, ehanidnana, maɗi ahilag hetteb amu, amubia da ag ena daaglagnu ahilag ehanittak danab maatti daatteb. Ahilag ehanittak amu ag amunppa, tuqanppa ele toettan ii daamna. Ag Yawe unuqidkkulagnu ii uumna. O danab ah ag Yawe unuqidtteb ele amu, ag hik aon daaglagnu aib heppig!

Aisaia 60:18

Da amu heppi, ag wanelagppa laa nug layag eheɗ ii hetama. Ao, laa nug ag oolagppa danab, o keeke laa heeb ii nauhma. Amu ii daama, kobol enaib daakku. Ag aab okkainu aɗ onig, ‘Yawe Nug ehanikke, ig padal ii memut,’ ataɗkkulag. Amu ag aɗnu od onig, ‘Ig Yawe binag metu!’ ataɗkkulag.” Yawe Nug anam atte.

Solomonnu Ahi 8:6

Amu nahip doyaknu at stemp-ppa daatte, keeke amuam na momonppa aihak daatte amu, da anambia daakkulnu ool daatte. Ao, nahip doyaknu at stemp-ppa daatte, keeke amuam na eppenppa qakkak daatte amu, da anambia daakkulnu ool daatte. Aɗinu? Oo mauhak am keeke ɠagattagnab. Ao, laanu oo hak huanak am keeke uug naunab ele eɗidkkunu elele. Oo mauhak am aab ewak bia; am aab ewa auta autanab aotte bia.

Aisaia 26:1

Geha dimppa haen laa uɗieb, danab ah Juda wanppa daatteb, ag geha ahi imu ettaglag: Ig am aab okkai ɠagattagnab ele. Yawe Nug he, Padal ii maknu ehanittak nuhig am aab amunu aɗ, wan buue te aɗ itak ele daatte.

Eksodas 13:9

Aria, Bret Yis Iitta Lanaknu Hobul Nakok, amuam geha danab nug aɗi keeke dabmekkunu oo hette ele, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, hobul amuam, ag Yawe Nug ahilagnu uɗat naɗi heum dabmekkulagnu, nuhig ɗo nai ele dabmena mattiglagnu at amubia daakku. Aɗinu ag Yawenu ɗo dabmena, amunu mattiglag? Yawe Nug uɗat naɗinab ha, Isipnu diia omalatte uɗippig.

Aisaia 54:12

Da heppi, ag bannu lag aɗppa daatteb ele, ag amu men enanag onig rubi, ag amuppa hekkulag. Aɗnu od oh am men daden nob okkainab ele, amuppa henana, ag aɗ ele amubia hekkulag,” awa atte.

Jeremaia 22:24

Amu Yawe Nug atte. “Jehoiakim bekka Jehoiakin, na Juda dilag king, da Yawe, da na amenppa attem. Da genab bau daattem, genab amubia na dahil doyaknu at ringppa daatte da eppelppa daalom amu, da ring amu uɗidlom. Na am tuɗidna ii daalom.

Aisaia 62:7

Iitta! Ag Yawe unuqidppeg ukkeb ukkeb, Nug heeb, Juda danab ag Jerusalem eɗun kalan, ag eɗun uɗin, ahilag wanppa daappeg, Yawe Nug heeb, wan atu ohppan danab ah ag Juda huu binag mettaglag batak. Yawe Nug hik awa dayaya, amu ii hemanu amu, ag ii daan henan, Nug unuqitteg!

Jeremaia 17:1

Amu Yawe Nug atte. “Danab nug aen maha laa, o men ɠagattag laa awa, amuppa nai laa men laappa otaɗtte, laa nai amu hamu obikkunu elele iitta daatte. Nai anam daatte, amubia Juda dilag hipunin am ag oolagppa yaak daatte. Ao, nai amuam doɗ mana mettaknu qaɗab ahilag anen anen qeqeɗi daug waɗeleppa daatteb, qeqeɗi amuppa yaak daatte.