Aisaia 48:19 - Nobonob Baibel

¹⁹ Ag anam helob amu, ag buɗulkad ag yu ihippan abuɗ bia daalob. Ag dimulagppa uɗiglag amu, ebqak ahilag am abuɗnu ebqak bia daalob. Ag anam helob am da heppi, laa ag uɗin heppeg, ahilag wan am padal ii melo. Da noolppa iitta ii melo,” awa atte.

Aisaia 48:19 Referans Kwoze

Aisaia 10:22

Amu O Israel danab ah, danab ah oɗo yaak daaglag, agib eɗun uɗiglagnu diig am, Yawe, Nug haen oh kobol genab tutukku ele dim lamidtte amu, Nug amu dim lamittatta, ag bu eheɗ matteb nauhkkulagnu aum daatte amunu, ag gemu huanaknab yu ihippa abuɗ niitte, ag amubia daatteb. Amge geha laippu laippuib, ag oɗo yaak daaglag. Daanna, ag eɗun Yawe gumidna uɗiglag.

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Rom 9:27

Aria, Aisaia nug Israel dilagnu Kayak naippa inam yom daatte. “Israel danab ag yu ihippa, abuɗ niitte bia, ebqak ahilag anam daaglagtai, amge Kayak Nug geha ebqak honapib, oɗo yaak daaglag, Nug agib eɗua diikku.

Hosea 1:10

Anam aakku, me geha haen laa uɗieb, Israel am wan laa onig okkai ele daakku. Deɗ amuppa nuhig danab ah geha yu ihippa abuɗ huanak daatte, amubia ag huanak daaglag. Geha huanaknab, ebaqaknu elele iitta daaglag! Amu aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.

Jeremaia 33:22

Da heppi, dahil maɗi nid Dawit buɗub, amu Lewi buɗub, ag dahil ɗo maɗoɗnu uɗat da noolppa hetteb ele amu, ag appatna daaglag. Ahilag ebqak am hoɗoppai habppa daatteb, o yu ihippa abuɗ niitte bia, ag amubia daaglag.’ ” Yawe Nug Jeremaia nai amu mettom.

Sepanaia 1:4

Amu Yawe Nug inam atte. “Da danab ah Jerusalem daatteb, Juda danab laa oh ele bu okkai madakkul. Ao, da heppi, auntai laa nug kayak hambuppuak Bal noobppa dup noa binag mette, aria Bal dottog, nug noobppa dup noa binag mak hekkunu keeke oh ele amu, amunu keeke laa nakok laa ii daama. Da kayak hambuppuak dilag mana mettak danab aqappi mauhkkulag. Ao, da amu heppi, danab ah laa ag amu dilagnu baula ii dabmemana, ag daulagppa ele ii daama; ag wanppa ii daappig bia daakku.

Aisaia 66:22

Yawe Nug ele atte. “Amu hab bau, wan bau da hekkul ele amu, keeke aɗit amu hanhan da noolppa daaglah, amubia amu, ag Israel ag onilag am hanhan dayebeb, ag buɗulkad ele am iitta ii memana.

Aisaia 56:5

Ag nid ele daalob, nid amu ag daappeg ukkeb, ag buɗulkad, ahilkad nid oolagppan dokkulag amu, ag ahilagnu daulag atikku. Ag anam helob, amge kobol da hekkul amu, ag nid ag anam aolob, am kobol amu eɗidkku. Amuam da onig okkai madappi, danab mettid lag dahilppa uɗat hetteb, dahilad danab ah laa oh ele ag ahilagnu daulag ii atima. Onig da ag madakkul amu, onig amuam hanhan daakku; laa ii tuqa aoma,” awa atte.

Aisaia 48:9

Ag Juda ag eheɗ amu hetteb, amge da, da onilnu dabmak anuqak awewe, da ag Juda, da ag paha eheɗ ii hadattem. Ao, danab ah ag dahil hak pehettak doon, ag hak amu binag mekkulag amu, ag binag mak amu hekkulagnu da dabmak anuqak awewe, da bu elele paha ii madattem. Da ahilag haknu nob elele mattalom amu da hadappi, ag iitta melob, amge da amu bemanu da paha nob anam ii madattem.

Aisaia 14:22

Yawe Nukka Ɠagattag Oh Ele, Nug inam atte. “Da geha ag eheɗ hadakkulnu ahen, Babilonnu amu, da heppi, nug bekkod nid danab, nug alakkud, nug buɗupud aɗi oh, ahilagppa onig Babilon daatte amu, ag oh iitta mekkulag.

Aisaia 9:14

Ag anam hekkulag amunu, Yawe Nug Israel wan amu heeb, nauha auta aokku. Nug deɗ laippuppa Israel ikki, boob ele oh otaɗkku.

Sam 109:13

Da na heppe, nug buɗub ag mauhna malaglagnu oɗ medattem. Ag mauhppeg, ag dimulagppa menuak laippu laa doppeg, danab ah amu, ag oolagppa danab amu buɗub laippu laa bau ii daamanu unuqidttem.

Sam 9:5

Na wanppanu wan anen anennu danab ah ag daulag batan, na nau hak danab hattai nauhppig. Ao, danab ah ag geha baula danab ah amu, ag ahilagnu ii dabmemana.

1 King 9:7

da geha ag Israel danab ah da wan ag mattami imu amu, da wan imuppanu lamatten, mettid lag imu, da onil aguppa daakkunu dahilnu tituana meɗak daakkunu hemi amu, geha da baula amunu ii dabmepa. Am laa ele, wan atu ohppa, danab ah ag Israel ag nau bekkunu at daatte dabmena, ag aon aon aqaglag.

Rut 4:10

Laa ele, Moap ah Rut, nug gamu Malon mauhom amu, da nug dahil ah daakkunu ele aomi. Kobol amuppa amu, Malon buɗub iitta ii mema, amu nuhig wan ele ag eppelagppa daakku. Malon onig am aab imunu bukppa iitta ii mema. Ag aakku gemu amu anidna malappig,” awa aum.

Josua 7:9

Kanan danab, amu danab laala wan imuppa daatteb ele amu, ag imu beum doon, ag oo mekkan, ig iqappeg mauhkkunig. Ag amu hekkulag, amge O Yawe, amu anam beeb amu, na onin okkai, amuppa am attem bekku?” awa unuqittom.

Genesis 13:16

Da heppi, na buɗunad appatnana, kuɗumnab, ebaqak ahilag am wan kalu bia bekkulag. Danab laa nug wan ohppan kalu ebaqa dookkunu elele daatte dayeb amu, nug Abram buɗub ebaqakku.

Job 5:25

Na nahipad nid ag kuɗumnab daaglag dookkut. Ge, na buɗunad ag gikkiɗah wan qaɗeppa daatte bia daaglag dookkut.

Aisaia 44:3

Aɗinu ⌊ag ii baɗamnanu attem⌋? Da heppi gu huana wan qaɗaiettakppa na, leppu medakku. Ao, da heppi, gu huana neeb, le naunau kuɗum wan qaɗaiettakppa gokkulag. Da anam hekkul amu, anamib da dahil Ouɗi ag buɗulkad madakkul. Ao, da dahil itittak ena ag buɗulkad madakkul.

Aisaia 44:4

Ag buɗulkad ag gikkiɗah wan uɗem enappa bette bia bekkulag. Ao, ag ad popla le naunau daugppa betteb bia daaglag.

Aisaia 54:3

Aɗinu? Ag appatna, ag aben eleleppa daaglagnu ag laih laih gona daaglag. Ao, ag buɗulkad ag wan laalappan danab ah lamadna, ahilag wan aona, ag ahilkad aab okkai, hele-ettak daaglag amu, ag aab amu aon daan oiglag.

Duteronomi 9:14

Ag anam daatteb amunu, da geha heppi, danab ah imu ag iitta mena autna aoppeg, hab waappa amu, danab laa nug baula imu dilagnu dab-ii-memanu, na uuppe, da hei! Da anam hein, da heppi, na buɗunppan danab kuɗum daan, ag ɠagattag okkai ele daaglag. Na buɗunad ag danab ah imu gemu daatteb dilag ebqak eɗadna, ɠagattagnab, gemu daatteb dilag ɠagattag eɗattak daaglag,” awa aum.