Aisaia 48:16 - Nobonob Baibel

¹⁶ Ag Israel danab ah, ag gukkuiɗnanab uɗin, dahil nai doyeg! Anukkanab digmak haenppanu uɗie, gemu ele da keeke bekkunu daatte amu, da lokkumakppa dayeye ii mattimi. Ao, keeke bekkunu daatte mattimi, haen amu uɗie, gemu ele da iikku daattem,” awa atte. Yawe Nug anam atte, amu gemu Naɗi Yawe, Nug nuhig Ouɗi da meɗa, Nug da meiɗe, ⌊nai imu madikkulnu⌋ uɗimi.

Aisaia 48:16 Referans Kwoze

Jon 18:20

Oɗ mette amu Jesus Nug oɗeppa awa inam aum. “Da Juda danab ah qagmettebppa, ag amelagppa miag atiakppa nai mattimi. Da nai doyak lag kuɗumppa, amu mettid lag ooppa ele ippunittak maadttami. Da lokkumakppa laa ii mehuqttami.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Aisaia 45:19

Da aben lokkumak ele, da aguppa dayeye, nai ii mattimi. Wan amuppa gatatu daatte amu, da gatatu amu ooppa daye, nai ii mattimi. Da Jakop buɗub ag aben danab ah ii daattebppa da aniɗna dim lamiɗkkulagnu mattiɗkkulagnu ii ami. Da, Yawe, da genab madittem. Da kobol tutukku aakkuib ippunadttem,” Yawe Nug anam atte.

Luk 4:18

“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,

Aisaia 41:1

Yawe Nug atte. “Ag danab ah wan miagnu, wan umanu ele, ag uɗippeg, ig oh hettoɗiak abenppa daatta, ag da noolppa daanna, oɗelag qamutna, toettan daan, dahil nai doyeg! Ag daanna, ag akka akka ag oolag ɠagattag aqan, ag da ele nai mattignignu bappaidna, ag da noolppa uɗin daan, ag ahilag nai madippeg doyei! Ig oh qagmeta, aun nug nai genab maditte amu, ig anidtu!

Aisaia 34:1

Danab ah wan atu ohppanu ag gumiɗna dona, nai doyeg! Ao, ag wan atu ohppan danab ah, ag daulag human, nai doon, dabmetteg! Ag wanppan danab ah oh, wanppan keeke laa oh ele ag doyeg! Ao, wan atu ohppa danab ah, wanppan keeke ele, ag doyeg!

Aisaia 43:13

Ge, keeke laa oh ii dayom haenppa, da Kayak daami. Aɗi da eppelppa daatte amu, aun laa nug amu aɗila aokkute? Da aɗi keeke hettem ele amu, aun laa nug heeb, keeke da hemi ele am eɗua, tatam dayom bia daakkute?” Yawe Nug anam atte.

Aisaia 57:3

Yawe Nug atte, “Ag danab ah eheɗ hetteb ele, ag uɗin, dahil nai doyeg! Ag emaɗ hak ah bekkod bia daatteb. Ag danab ag ahilkad ah uuadna ah laa ele oitteb aɗelkad bekkalkad bia daatteb. Ag am ib baag ah ele aɗelkad bekkalkad bia daatteb.