Aisaia 48:13 - Nobonob Baibel

¹³ Da eppelppa wan hemi. Da eppelppa hab ele hemi. Gemu amu, keeke amu oh dahil ɠagattagppa tutukku ena daatteb.

Aisaia 48:13 Referans Kwoze

Aisaia 40:26

Ag attan neegna, habppan keeke antteg! Aun nug keeke amu oh heum? Laa Nug keeke amu oh gumaama, Nug keeke amu oh onilkad dootte ele, Nug heum. Nug am ɠagattag okkai naɗi ele amunu, habppan keeke oh am hanhan anamib daatte. Laa iinab qettoɗtte.

Aisaia 45:18

⌊Keeke amu oh am anamib bekku.⌋ Aɗinu? Yawe, Nug hab heum, Nug nukka am Kayak. Ao, Yawe, Nug wan heum amu, Nug wan ɠagattag daakkunu babaittom. Nug danab ag wanppa daaglagnu wan babaittom. Nug wan danab ah appa ii daamnanu ii babaittom. Iitta! Nug danab ah aguppa daaglagnu babaittom. Amu Yawe Nug atte. “Da am Yawe, laal ii daatte.

Sam 102:25

Keeke oh digmak haenppa, na wan heme. Ao, na eppenppa hab ele heme.

Eksodas 20:11

Aɗinu? Da Yawe, da deɗ eblaih laippu ele uɗat hei ukke, hab, wan, yu ele, amu keeke oh amuppa daatteb ele hattami, amge da deɗ ebqak eblaih aɗitppa, da hik aomi. Da keeke amu oh deɗ amuppa hein maloya, da deɗ eblaih aɗitppa hik aomi amunu, da deɗ ebqak eblaih aɗit ele, amuam Sabat aakku, da deɗ amu itittak ena mettoya, dahil daakkunu tituanmi.

Aisaia 42:5

Kayak, Nug Yawe, Nug hab ha, abenppa me daatte; Ao, Nug wan ele ha, wanppan keeke bau daatteb oh ele heum. Nug wanppan danab ah oh bau dayak madatte. Ao, Nug aun aɗi wanppa oitteb amu, nug ag ouɗi madatte. Amu Kayak, Nug Yawe, Nugib nuhig maɗi nid amegppa geha atte.

Aisaia 40:12

Aun yu, le oh ele eppegppa gokkaɗe ukke, gane daatte doyom? Aun nug habnu elab dookkunu nug eppeg melemel daakkunu ha ma ukke, habnu okkai aakku doyom? Aun wan ohnu gappud awa, kalegppa ina aɗom? Aun nug qauko oh dilag uug dookkunu, qauko amu oh skelppa maattom? Aun nug qauko nakok oh dilag uug dookkunu qauko nakok amu oh skelppa maattom?

Aisaia 40:22

Kayak Nug sia kingppa wan imu attan dayaya, wan imu oh gumatte. Danab ah wan imuppa oitteb ele, ag nuhig neekkakppa keeke nagnag, tap bia daatteb. Nug danab lamen okkai naɗi taietta otala mette, Nug amubia hab otala taiettom. Ao, danab nug aguppa daakkunu peh lag nuhig bappaidtte amu, Kayak Nug hab taietta babaittom.

Sam 147:4

Nug hoɗoppai ebaqa, Nug onilag anen anen ele diitte.

Job 37:18

Na anam daattem amunu, na Kayak ehanidppe, Nug hab taiedakkute? Ao, na ehanidppe, Nug hab taietteb, hab ɠagattag, keeke brasppa hak bia anam daakkute?

Rom 4:17

Amuam Kayak naippa, nai Abrahamnu inam daatte bia. “Da heppi, na wanppan wan laala kuɗum mamelag daakkut.” Abraham, nug Kayaknu ooppa genab doyom, amu Kayak Nug nuhignu, nug am ig oh ig mamenig daatte dabmette. Kayak Nugib danab mauhppig ele bauklel madatte amu, Nug keeke ii beppig ele, keeke beppig bia onilagppa ette.

Aisaia 40:21

⌊Danab kayak hambuppuak binag metteb ele ag anam hambuppun hetteb, amge ag wanppan danab ah oh⌋ ag imu iite dooppig? Ag imu iite daulagppa dooppig? Laa nug digmak haenppanu uɗie, gemu ele imunu iite a dooppig? Ge, ag Kayak Nug wan imu heum haenppanu uɗie, gemu ele ag imu diignu doyak tutukku iite aɗappig?

Aisaia 45:12

Da, laa iitta, da wan hemi. Da hein, da danab ah aguppa daan oiglagnu ele hattami. Da eppelppa hab hein, da aam kalam hoɗoppai ele appa daatteb ele hattami.

Aisaia 51:13

Aɗinu ag anam baɗadna, ag da Yawe, da ag hattami amu, ag dahilnu daulag atitte? Da hab hein, da wan ele hemi. Aɗinu ag danab ag ahilagnu oppoɗi bak nau doon, ag ag waalagppa daaglagnu wagai mena, ag hadappeg nauhkkulagnu dabmetteb ele amu, aɗinu ag amu dilag hanhan deɗ oh eheɗ nau baɗan oitteb? Ag anam baɗan oitteb, amge amu dilagnu ag gemu adeppa daatteb?

Aisaia 44:24

Yawe, Nug ag qagaiettakppanu eɗua uhuqaknu ehanittak daatte, Nug he, nid anig ooppa ena mette, amubia nug he, ag Israel ag huu laippu daatteb amu, Nug atte. “Da am Yawe, da keeke oh hemi. Da dakka da hab hemi. Da dakka da wan ele hemi.

Jeremaia 51:15

Yawe Nug nuhig ɠagattagppa wan heum. Nug doyak dabmak ena ele nuhigppa wan ha, abenppa meum. Ao, Nug diignu doyak tutukku nuhigppa ele ha, hab nuhig abenppa meum.