Aisaia 47:5 - Nobonob Baibel

⁵ Amu Yawe Nug tuɗitta atte. “Ag Babilon danab ah, ag toettan dayeg! Ag gatatuppa dayeg! Aɗinu? Danab ah oh ahilagnu baula, ‘Wan oh dilag okkai aakku,’ ii amana.

Aisaia 47:5 Referans Kwoze

Habakuk 2:20

Kayak hambuppuak ag anam daatteb, amge Yawe Nug nuhig mettid lag nuhignu tituanak daatte, Nug appa daatte. Wan atu ohppan danab ah ag Nug noobppa toettan dayeg!

Aisaia 47:7

Ag Babilon ag kuin laa nug nukka nuhignu, ‘Da hanhan kuin daakkul,’ atte, amubia ag Babilon ag, ‘Ig hanhan wan oh dilag okkai daagnig,’ appig. Ag anam appig, amge ag eheɗ hak ahilag, ag amunu nob nau ii dabmeppig. Ag eheɗ hak ahilag, ag amunu nob nau ahilagppa bekkunu elele amu, ag amunu dabmak nakok laa ii aoppig.

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.

Revelesen 17:18

Aria, na ah anidme ele, nug am aab okkai, nug wanppanu king oh ikkilag daatte,” awa aum.

Jut 1:13

Ag am yu duban qa uɗia koɗkoɗ qa ukka, hipaɗ aha hakkab daatte bia daatteb. Yuppan hipaɗ ahak miag atiak daatte, amubia ahilag uɗa nak kobol miag atiak daatte. Ag hoɗoppai habppa daanna, mauhnoak oitteb bia amunu, Kayak Nug aben gatatu teppu naunab babaittom daatte, geha ag amuppa hanhan daaglag.

Sekaraia 2:13

O danab ah oh ag Yawe noobppa toettan daan, bakkum dayeg! Aɗinu? Nug hab aab, amuam aab oppiaawak ele, Nug appanu uɗitte.

Gayak Nai 1:1

O gadonnab gadon. Jerusalem appa danab ah ii daatteb bia; anukka danab ah ambak Jerusalem daappig, amge gemu appa ii daatteb bia. Anukka danab ah wan atu ohppanu Jerusalem binag meppig, amge gemu Jerusalem am ah qab bia daatte; anukka Jerusalem wan atu ohppa am onig okkai ele, kuin bia dayom, amge gemu nug begbeg maɗi nid bia daatte.

Jeremaia 25:10

Da anam heppi, Juda wanppa, wan laala amu ohppa ele gamag ahak nakok laa ii daama. Danab ah gamag ahak doon, ewau matulak ii aomna. Ah laa nug bret hekkunu ee aeg keeke menppa ii ganuɗma. Laa lam ele ii amotma. Iitta.

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Aisaia 47:1

Yawe Nug atte. “Ag Babilon danab ah ag enub danabnab aɗeg, ah makkun, uug nuhigppa be, nug aben enanag nuhig uua, wan qaɗeppa gappudppa heɗep na daatte, amubia ag ahilag aben enanag uun nona, gappudppa dayeg! Genab, ag Babilon danab ah, ag ah makkun laa, mameg am en naɗi okkai ele, nuhigppa uug be, gemu nug sia enanagppa ii daatte, nug noa wanppa hamu daatte, ag amubia wanppa dayeg! Aɗinu? Laa ag tatam ah makkun amu anidna, nuhignu, ‘Nug iɗu tuqaknab, uɗat laa hekkunu iinab daatte,’ appig, amge gemu nug nauhom daatte amunu, ag anam ii atteb, amubia ag Babilon danab ah, ahilagnu ele anamib bekku.

Aisaia 14:23

Da geha heppi, Babilon am geha ɗu beeb, hipunai ag Babilon daaglag. Da geha heppi, Babilon oh padal ma, iitta mekku.” Yawe Nukka Ɠagattag Oh Ele, Nug anam atte.

Aisaia 14:4

ag Israel ag Babilon dilag king na qeumnu aon aon qettan, ahi imu ettaglag. “Yawe Nug he, danab umu, nug danab laa eheɗ nau hattom ele, nug na qa, iitta meum. Nug eɗua, ig baula eheɗ iinab heigma.

Aisaia 13:10

Amu deɗ amuppa habppan hoɗopai ag amahlak ahilag ii wan mettamna. Am genab, habppa hoɗopai huu mak daatteb, ag amahlak ahilag wan ii mettamna. Aam bau bette am amahlak nuhig wan iinab mettama; kalam nuhig amahlak ele wan ii mettama.

Sam 46:10

Yawe Nug atte. “Danab ah wanppanu, ag toettan daan, ag imu doyeg! Da am Kayak. Da geha wanppan wan anen anen oh dilag king daakkul. Ao, da geha wan ohnu king daakkul.”

Sam 31:17

Da nahipnu unuqidmi amunu, O Yawe, na heppe, da uɗa nak ii doopanu da na oɗ medattem. Amge na heppe, nau hak danab ag uɗalag neeb, ag mauhna, moɗppa oɗelag qamutna niiglagnu unuqidttem.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.

Aisaia 21:9

⌊Nug anam awowa, nug neekke ukke, keeke laa antta eum.⌋ “Antteg! Da danab doɗ attan daan uɗitteb anadttem. Ag hos attan aɗit aɗit daan uɗitteb,” awa aum. ⌊Amu laa nug oɗmak he, laa⌋ nug nob ma, inam aum. “Babilon na qa nauhom. Babilon aakku na qa nauhom. Ahilkad kayak hambuppuak dottolkad amu oh wanppa nena qena, oh aoɗadppig!” awa aum.

Aisaia 23:2

Ag Ponisia danab ah yu ihippa daatteb, amu ag danab ag keeke laihnu awa dadennu mak danab, Saidon daatteb ele amu, ag oh toettan dayeg! Ahilkad yuppa oiyak danab ag yu qaɗeppa umanab wanana,

Gayak Nai 2:10

Juda danab dilag ikki danab ag oɗelag qamutna, wanppa hamu daatteb. Ao, ag wan gappud aon, ikkilkadppa paduduɗeg neeg, ag lamen heɗiag ele tagappig daatteb. Jerusalemnu ah makkun ag gatelag qaun ona, gomelna, iɗulag wanppa meppig, ⌊gemu ele uugppa daatteb⌋.