Aisaia 47:11 - Nobonob Baibel

¹¹ Amge uug naunab ahilagppa bekku. Beebeb amu, ag eman hakppa amu bemanu ib keldokkulagnu ib laa ii anidmana. Ao, uug naunab ahilagppa bekku. Beebeb amu, ag en mettakppa qagaiettakppanu uhuqak aoglagnu elele iinab daamna. Ge! Uug naunab, ag amu ii nak haenppa dabmekkulagnu elele iitta amu, uug naunab nau amu ahilagppa laippun, paha bekku.

Aisaia 47:11 Referans Kwoze

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Revelesen 3:3

Amunu amu, na nai enanu mattiak na doome ele, nai amu na dautppa dob, na oot eɗueb, nai amu dim lamitte! Na amen ii oppateb daappe amu, da yabhok danab uɗitte bia nahip-ppa wakkul. Da haen adekkuppa nahip-ppa wakkul amu, na ii doomna.

Luk 12:59

Meitteb amu da na amenppa attem. Na maniguittakppa daanna, nahip eheɗ hak nob ohnab eɗun medappe, ag od matulppeg, dimittim dokkut. Na ii mettak haenppa iinab dimittim uɗima,” awa aum.

Sam 50:22

Ag laa ag da dimeɗan, dahilnu ii dabmetteb ele amu, da ag bu naunab madappi, auntai laa ag ehanadkkunu laa ii daamanu, ag dahil nai imu doyeg!

Nehemaia 4:11

Ag amu aegeg, kekeɗ ag ihinignu, “Ag ii anigppeppeg, ig lokkumta wata, ag oolagppa gota oitta, ag aqapput mauhppeg, uɗat imu na qekku,” aon appig.

Matyu 18:34

Aria, danab naɗi nug oo nauhe, nug maɗi nid amu maniguittak gumak danab eppelagppa me, ag nob nau medappeppeg, nug anam dayaya, danab okkaippanu lon awom, nug lon amunu daden nob oh eɗua mettowa, nug eɗua dimittim dokkunu aum.

Aisaia 37:36

Yawe Nug anam aum dimppa nuhig engel nug aha ukka he, Asiria dilag daup daappig ele, ag oolagppanu danab 185,000 ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Luk 17:27

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, amu heegeg ukke, Noa uubppa teum. Danab ah ag anam heegeg, le hiɗ naɗi ba, danab ah amu ohnab diie padal meppig.

Sam 35:8

ag laippun padal mekkulagnu ool daatte! Ag da awiɗkkulagnu pelem meppig amu, ag amuppa tekkulagnu na oɗ medattem. Ao, ag moɗ laa da amuppa noin qekkulnu buuppig, amuppa ag nona qena, mauhkkulagnu unuqidttem.

Sam 55:15

Dahil kekeɗ ag hanhan kobol nauib hetteb amunu, ag dab-ii-menana mauhkkulagnu ool daatte. Ao, ag paha moɗppa nokkulagnu ool daatte.

Sam 73:19

Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Prowerb 13:21

Uug nug hipunin danab ah dim lamatta, aben oh ag gottebppa ele gotte; amge genab tutukku hak danab ag ena aon daatteb.

Aisaia 13:6

⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.

Aisaia 29:5

⌊Ahilagppa anam bekku,⌋ amge Yawe Nug heeb, kekeɗ ahilkad ameg naɗi amu, ag am gappudnu kalukal bia daaglag. Ao, kekeɗ ameg naɗi amu, ag oo doyak ii doon nau hetteb ele, Nug heeb, ag ee aeg dappunkkeg, ulah iwale gotte bia daaglag. Yawe Nukka Ɠagattag Oh Ele, Nug pahanab ha,

Aisaia 30:13

ahilag hipunin amu heeb, ag nauhkkulag. Men gilil attannab nug gai-iitta, aoɗak ele dayaya, laippun na qette, amubia ag nena qekkulag.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Aisaia 47:9

Uug pahanab, deɗ laippuppa, laippun ahilagppa bekku. Uug amuam laa ag uɗin, ah gamu heeg mauhe, bekkod ele aqaeg mauhtteb, diin ele gotteb, uug amubia ahilagppa bekku. Ag, Babilon, ag uug amu bemanu emaɗ hak digdig henan, baɗ mak uɗat ɠagattag digdig ele hekkulag, amge amuppa ag ehanittak ii aomna. Iitta. Uug amu anam ba, okkai elelenab ma tonadkku.

Aisaia 48:8

Anukkanu, gemu ele ag dahil nai dooglagnu uun, ag amunu dabmak ii aoppig. Ag daulag hanhan ituakib daatte. ⌊Da gemu keeke bau imunu madittem, anukka ag amelagppa ii ai dooppig amu, amunu diig am⌋ da doottem, ag paha da dimeɗan, laa binag mekkulagnu hetteb. Ag digmak haenppanu, gemu ele ag da waalppa daamnanu, dahil nai tabappeg nekkunu henan oitteb.

Aisaia 57:1

Genab tutukku hak danab ag mauhegeg, laa ag amu diignu ii dabmetteb. Ao, laa ag Yawenu oo metta ii uuak kobol dim lamidtteb ele amu, laa ag diia ugekke, danab ah laa ag amu anidna, ag amu diignu doyak tutukku ii aotteb. Kobol amunu diig am, Yawe Nug genab tutukku hak danab amu, ag uug naunab ahilag haenppa bekku, ag uug amu anidmananu Nug ag diia gotte.

Jeremaia 51:8

Amge Babilon na qa, aoɗa nauhkku. Babilon guittak amu aokku amunu, ag Babilonnu mahieg! Ag marasin laa awa, guittak okkai doomanu metteg! Nug eɗua ena daakkutai.

Jeremaia 51:29

Yawe Nug Babilon wan heeb nauhaknab dayeb, danab laa appa ii daamanu dabmeum, dabmak amu ɠagattag eppom daatte. Nug amu hekku amunu, danab guittak okkai naɗi doya, beɗu hahaɗeɗe, buɗibɗib oitte, Babilon amubia hekku.

Jeremaia 51:43

Babilonnu aab ag hele-ettak daaglag. Babilon am atu taɗak, qaɗaiettak daakku. Babilon wan nauheb, appa danab ah laa ii daama. Laa laih gokkunu ele appa ii oima.

Gayak Nai 1:21

Danab ah ag ihinig aiqakkak dooppig, amge ag ehanigppeg, oonig mekkunu kobol nakok laa ii heegeg daattem. Ihinkad kekeɗ ag uug nau na, Yawe, na hee, ihinigppa beum doon, ag gamag ahak okkai dootteb. Ag oolag gamag ahatte, amge na ag ele uug nau dooglagnu ame amunu, ag ig daattem bia daaglagnu, na heppe, haen amu bekkunu oɗ medattem!

Esekiel 7:26

Uug nau uɗitteb oh am nug dim lamittak uɗippeg ⌊Israel ag⌋ anidkkulag. Ulah nai am ulah nai laa nug dim lamittak uɗippeg dooglag. Israel danab ah ag propet danab ag tulegleg laa Kayaknu anidna, amunu nai ag mattaglagnu akkulag, amge propet ag elele iitta daaglag. Mana mettak danab ag dahil ɗo nai mehuqkkulagnu elele iitta daaglag, amu ikki danab ag Israel danab ah ulum mettak nai laa mattaglagnu ele, elele iitta daaglag.