Aisaia 47:10 - Nobonob Baibel

¹⁰ Ag nau hak kobol ahilag dimugppa, guppiɗ dimugppa dayak bia, ag anam daanna, ag, ‘Laa ii anigtte,’ adappig. Ahilag doyak dabmak ena ele, ahilag doyak ele am eheɗ dayaya he, ag ib ena apiɗidna, eheɗ gonana, ‘Igib danabnab daattem. Laa oh am hamu. Ig bia laa ii daatteb,’ appig.

Aisaia 47:10 Referans Kwoze

Aisaia 5:21

Danab ah aun aɗi ag inam anana, “Ig amu, ig doyak dabmak ena ele,” atteb, ahilagnu am gadonnab gadon. Ao, aun aɗi ag inam anana, “Ihinig dabmak ignab ehanigkkunu elele,” dabmetteb amu, ahilagnu am gadonnab gadon. ⌊Ag padal mekkulag.⌋

Aisaia 29:15

Laa ag akka ahilag dabmakppa keeke hekkulagnu maittak aona, Yawe Nug amu doomanu ag dabmak ahilag amu lokkumkkulagnu uɗat okkai hetteb. Ao, ag ahilag hak gatatu ooppa henana, ag “Aun anigtte?” anana, o “Aun dookku?” atteb amu, ahilagnu gadonnab gadon.

Rom 1:22

Amu ag hibguitta hena, inam appig. “Ig am doyak dabmak ena ele,” appig, amge ag danab nug Kayak dab-ii-maama ii dim lamidtte elenu kobol dim lamitte,

Sam 52:7

“Danab nug Kayaknu padal mak eɗitteb ena dayaknu ehanittak daatte ii dabmette ele amu, nuhigppa bette umu antteg! Nug nuhig en okkai nug ehanidkku dabmeum, ⌊amge ii ehanittom⌋. Yo, nug nuhig eheɗ hak nug ehanidkku dabmeum, ⌊amge ii ehanittom⌋,” aon akkulag.

Esekiel 8:12

Ag anam heegeg, Kayak Nug da amelppa aum. “Danab bekka, na Israel dilag ikki danab ag lokkumakppa attem hetteb, ag anen anen ag ahilag kayak hambuppuak noolagppa dup nona binalag metteb amu, na aakku anidme. Ag amu hettebnu diig am, ag atteb. ‘Yawe Nug wan imu uua ukkom. Nug ig ii anigtte,’ aon atteb,” awa aum.

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

1 Korint 3:19

Aɗinu? Wanppanu doyak dabmak ena ele, amuam Kayak noobppa dabmak tutukku iitta. Kayak naippa, nai laa daatte amubia. Nai amuam inam. “Danab wan imuppan dabmak doyak ena ele laala ag doyak dabmak ena ele amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb.”

Esekiel 9:9

Da anam ai, Nug nob ma, da amelppa aum. “Israel wanppan danab ah, Juda wanppan danab ah ele ag hipunin okkainab heppig daatteb. Juda wan ohppa layag duug wak kobol am ambak daatte. Ge, aab okkai imuppa nai doya mala hettoɗia epeɗia elele mettak ii dim lamittak kobol am ambak aakku daatte. Amunu diig am, Israel ag atteb. ‘Yawe Nug wan imu uua, ippa ii daatte. Ig hettem amu, Nug ii anidtte,’ aon atteb.

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Eklisiastis 8:8

Danab laa nug ulah attem attem hekkunu ɗo medakkunu elele iitta; amubia danab laa nug mauhkkunu deɗ nuhig ii gumatte. Ban haenppa danab okkai nug laa amegppa, “Na oot heeb, na eɗun lakka gona, hamu daakkut,” ii atte; amubia danab nug hak naunu ena doya, doyaya tuɗidib heebeb, hak nau amuam danab amu ii paɗama.

Sam 64:5

Ag kobol nau hekkulagnu, nug ɠagattag qedatteb. Danab ag mattiak oh laippu hena, ag doɗ aoglagnu pelem metteb bia henana, ag danab eheɗ laa ii heppig ele aqaglagnu maittak aotteb. Ag nug oɗ mettan atteb. “Aun nug ig anigkku?

Aisaia 28:15

Ag atteb. “Ig Mauhak ele nug tituanta nai qakkamut. Ao, ig mamak aben ele nai mattita, nug tituanta nai qakkamut amunu, uug nau okkainab laa ihinigppa bekkunu haaha, ii iqama. Iitta! Qe-eɗikka gokku,” atteb. Ag laa ele atteb am, “Ig heut, kayak hambuppuak ag ihinig padal mak eɗitteb ena dayaknu ehanittak daatteb. Ao, ig heut, kayak hambuppuak ag ihinig lokkuma dayaknu aben bia daatteb, ⌊amunu uug nau, okkainab amuam ihinigppa ii bema⌋,” aon atteb.

Sam 10:11

Am nau hak danab ag akka ag ahilagnu, “Kayak Nug danab ah amunu ii dabmette. Nug ig ahilagppa aɗi heutut amu, Nug ii anigtte! Nug amunu aɗitai ii ama!” atteb.

Aisaia 47:8

Ag Babilon danab ah ag ah okkai laa bia daatteb. Ah amu nug keeke enaib aokkunu wagai ma hette. Nug uug laa nuhigppa bekkunu dab-ii-maama, nug nukka nuhignu, ‘Da dakka okkai daattem. Laa nug okkai da bia ii daatte. Laa nug danab dahil heeb nauhkkunu ib iitta. Laa nug nid naunau dahilad hatteb nauhkkulagnu, o diin gokkulagnu ele, elele iitta,’ atte. Ag Babilon ag anam daan dabmena, ag kobol eheɗ henana, dabmak eheɗ ele aotteb, amge ag gemu ag dahil nai imu doyeg!

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.