Aisaia 46:4 - Nobonob Baibel

⁴ Amu da hemi bia da tuɗitten heppi ukkeb, ag kaino iitta, ag ikkilag uɗug umimi iitta daappeg ukkeb, ag kainonab daanna, ag ikkilag uɗug umimi ele, haen amuppa ele da ag ehanadkkul. Laa amu hette am daib, laa iitta. Da ag huu laippu daaglagnu hemi amu, da ag mawadkkul. Da ɠagattag matten, uug haenppa da ag ehanadppi, ag qagaiettakppa ii daamna.

Aisaia 46:4 Referans Kwoze

Sam 71:18

O Kayak, gemu da kaino mei umimil beum; na da paɗailmananu unuqidttem. Na heppe, da menuak laippu da dimulppa doppig imu amelagppa nahip ɠagattagnu appi dooglagnu oɗ medattem. Yo, na heppe, da laa oh ag anilkad butti aɗi menuadkkulag ele amu, da ag amelagppa nahip ɠagattagnu appi dooglagnu unuqidttem.

Sam 48:14

Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.

Hibru 13:8

Amu Jesus Kristus Nug attem daatte amu, Nug tumai, gemu, hanhan ele anamib daatte.

Sam 92:14

Am ad, ag aben laa enappa eppaeg ba dayaya, meu otte, amubia genab tutukku hak danab ag ena daaglag. Ao, ad nug ba, hokkua mette, me enaib dayaya, meu wawaib daatte, amubia genab tutukku hak danab ah ag ena hekkulag.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Hibru 1:12

Geha na danab lamen elab mapitteb bia hatakkut. Amu geha na danab lamen baolin, laa metteb bia hatakkut, amge na amu, na ii baolittem. Ele amu, nahip dayak am ii iitta mette.”

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

Malakai 3:6

Yawe atte. “Da am Yawe, da baoliak ii hettem, diig amunu Jakop buɗub, ag nauhna, iittanab ii meppig.

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Aisaia 41:4

Aun nug digmak haenppanu uɗie, gemu ele danab ah aun aɗi laa ag dokkulagnu, ag aɗi hekkulagnu ib ag madatte bia, nug okkai imu nug doa, uɗat amu oh hekkunu he hette? Aun nug amu oh gumaama daatte? Am da, Yawe. Da digmak haenppa daami. Da haen gog tekku ele, da amuppa daakkul,” awa aum.

Aisaia 43:13

Ge, keeke laa oh ii dayom haenppa, da Kayak daami. Aɗi da eppelppa daatte amu, aun laa nug amu aɗila aokkute? Da aɗi keeke hettem ele amu, aun laa nug heeb, keeke da hemi ele am eɗua, tatam dayom bia daakkute?” Yawe Nug anam atte.

Malakai 2:16

Yawe, Israel dilag Kayak, Nug atte. “Da ewau pakkuak kobolnu amu, da nau ninig ele doottem! Ge, danab nug lamen aɗuitteb nokkunu uug ii dootte, amubia laa nug laa guittak nau mauhnoak mettaknu uug laa ii doya, nug wau lamidtte amu, da kobol amunu nau ninig ele doottem amunu, na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!” Yawe Nukka Ɠagattag Oh Ele Nug anam atte.

Duteronomi 1:31

Am anamib Yawe, ahilag Kayak, Nug nid mameg nuhig nid atognotte bia, Yawe Nug atu taɗakppa ag tuɗid ele mawatta atognoattatta, diiatta, aben imuppa uɗiom ag anidppig bia hekku.” Da ag amelagppa anam ami.

Sam 68:19

Ig Naɗi, Nug am ihinig Kayak, ihinig Padal ii maknu ehanittak, ig Nug binag metu! Nug deɗ oh ihinig uug maotte. Sila.

Sam 71:9

Gemu da kaino memi; na da dimeɗamnanu oɗ medattem. Yo, gemu da kaino mein bodoettami; na da uuiɗmananu unuqidttem.

Aisaia 48:12

Amu Yawe Nug atte. “Ag Jakop buɗub, ag dahil nai doyeg! Ao, ag Israel danab ah, da ag onilagppa emi ele amu, ag doyeg! Da dakka am Kayak. Da hanhan daattem; anuqakppa, batakppa ele da daattem.