Aisaia 45:11 - Nobonob Baibel

¹¹ Amu Yawe, Nug am Israel dilag Kayak Oppiaawak Ele, Nug he, Israel ag huu laippuppa daatteb, Nug kobol amunu inam ele atte. “Da butti aɗi dahilad nid dilagnu attem heppi amu, ag da amunu, ‘Amuam ena iitta. Na inam helom am ena,’ akkulagnu ib iitta. Ao, da dahilad nid dilagnu attem hettem amu, ‘Na inam he!’ akkulagnu ib iitta. ⌊Ag hekkulag dayeb amu ag hambuppun hekkulag.⌋

Aisaia 45:11 Referans Kwoze

Aisaia 48:17

Yawe, Nug ag Israel, ag ahilag qagaiettakppanu eɗua uhuqaknu ehanittak daatte, Nug ag Israel, ahilag Kayak Oppiaawak Ele amu, Nug atte. “Da am Yawe, da ag Israel, ahilag Kayak daattem. Da ag kobol aɗi aɗi am ahilagnu ena, laa oh eɗidtte amu, da kobol amu ippunadttem. Ao, ib ag gokkulagnu daatteb ele amu, da ib amuppa gokkulagnu ulum madattem.

Mak 11:24

Amunu ag keeke laa bekkunu unuqidnana, ag aottebnu oolagppa genab doonna, ag unuqidppig amubia ag aoglag.

Esekiel 36:37

Amu Naɗi Yawe Nug inam ele atte. “Da paɗadppi, Israel danab ah ag unuqiɗppeg, da unuqittak ahilag amu doye heppi, anamib bekku. Da heppi, ag eheɗ appatna, kuɗumnab daaglag, sipsip huanak amubia.

Jeremaia 33:3

‘Juda danab ah, ag da unuqiɗppeg, da unuqittak ahilag nob matten, da keeke okkainab, ag ii dootteb ele, danab ah ag ahilag dabmakppa mattin anidkkulagnu elele iitta, da keeke okkainab amu ag ippunadkkul,’ ” awe attem.

Aisaia 29:23

Aɗinu? Da heppi, Jakop buɗub ag huana apatppeg, nid ahilkad kuɗumnab daappeg, ag amu anidna, haen amuppa amu, ag da onil oppiaawak ele dabmenana, ag dahil nai dim lamidkkulag. Ag da, da am Jakop buɗub dilag Kayak Oppiaawak Ele amu, ag da oppiaawak daattem doon autna aon, anan oiglag. Ao, ag da noolppa, da am Israel dilag Kayak amu, ag da noolppa ebehilag oh bodoetta le meebeb oiglag.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Hosea 1:10

Anam aakku, me geha haen laa uɗieb, Israel am wan laa onig okkai ele daakku. Deɗ amuppa nuhig danab ah geha yu ihippa abuɗ huanak daatte, amubia ag huanak daaglag. Geha huanaknab, ebaqaknu elele iitta daaglag! Amu aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Aisaia 43:21

Da Israel danab ah ag dahil hak ena anidna, ag amunu danab ah laa amelagppa akkulagnu da hei, ag huu laa aakku daan, dahiladnab daatteb.

Josua 10:12

Amu Yawe Nug Israel ag ehanatte, Amo eɗadppig, deɗ amuppa Josua nug Israel danab oh noolagppa Yawe unuqittom. Nug aum. “Da na unuqidttem. Na heppe, aam nug Gibeon amahalittak dayebeb, kalam nug oolnu noak onig Aiyalon, nug amu amahalittebeb daakkunu oɗ medattem,” awa unuqittom.

Hosea 12:4

Am genab, nug engel ele wagai mak heya, wagai maknu ii uuom; nug gaya, itittak ena aokkunu ɠagattag oɗ mettom. Betel appa amu nug Kayak ele nug uɗa teya, appa Kayak nug ele nai madipiɗ.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Aisaia 43:15

Da am Yawe, da ag Juda, ahilag Kayak Oppiaawak Ele daattem. Da ag Israel hatten, da ahilag king daattem,” awa atte.

Aisaia 43:7

Da danab laa amu, da ag danab ah dahilad, da onil ahilagppa daatte amu, da danab ah amu ag dahilad danab ah ohnab omaladppeg uɗiglagnu appi dooglag. Da dahilad danab ah dahil hakppa hattami. Da eppelppa ag hattami. Ao, da danab ah dahilad ag genab dahilad daan, dim lamiɗppeppeg, danab ah laa ag anidna dooiɗna, binal mekkulagnu hattami.

Aisaia 43:3

Ag anam ii nauhmana. Aɗinu? Da Yawe, ahilag Kayak, da am ag Israel, ahilag Kayak Oppiaawak Ele; da am ahilag padal memananu ehanittak daattem. Da heppi, Isip danab ah ag, ag oulag daappeg, ag Israel, ag qagaiettak ii daamna. Ao, da heppi, Kus, Seba danab ah ele ag, ag Israel danab ah oulag daappeg, amuppa da ag Israel eɗuen, aben enappa maadkkul.

Genesis 32:26

Maɗog apiɗitte, danab amu nug aum. “Wakkaɗom amunu, paɗailppe da gokkul!” awa aum. Nug anam a amu, Jakop nug aum. “Da na ii paɗaidpa! Tatam na itittak ena meɗappe, na paɗaidppi gokkut,” awa aum.

2 Korint 6:18

geha da ag Mamelag daakkul; ag am da bekkalad aɗelad daaglag. Da Naɗi Dakka Ɠagattag Oh Ele, da anam awe attem.”

Daniel 2:18

Daniel nug ag amelagppa mattia mala, nug daup ag nug, nug laikkud ewam, Babilon dilag doyak danab laa oh ele aqamnanu, Daniel nug laikkud ewam ag Kayak, hab attan daatte, ag Nug oo doyakppa unuqidppeg, Nug ahilagnu oo gai-iitta doya oo matta ehanatta, Nug Daniel kingnu tul niiak ippunidkkunu aum.

Esekiel 39:7

Amu da heppi, dahilad danab ah Israel ag dooglag, da am Yawe, da am oppiaawak ele. Da heppi, Israel danab ah, ag ahilag hak nauppa heppeg, danab ah laa ag da onil oppiaawak elenu am keeke hamu bia ii dabmemana; amu wanppan wan ohppan danab ah ag dooglag, da am Yawe, da am oppiaawak daattem, da Israel dilag Kayak daattem.

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Aisaia 19:25

Yawe Nukka Ɠagattag Oh Ele, Nug ag itittak ena inam madakku. “Isip danab ah, ag am danab ah dahilad, Asiria danab ah, da ag hattami, Israel danab ah amu, ag dahiladnab daatteb. Anam amu, ag oh ag itittak ena aon malappig,” awa ana itittak ena madakku.

Jeremaia 31:1

Amu Yawe Nug atte. “Dimppa, haen laappa amu, da Israel dilag aab ikki ohnu Kayak daappi, ag am dahilad danab ah daaglag,” awa atte.

Ikki Danab 16:23

Samson nug anam daye, Pilistia dilag ikki danab ag deɗ laa gamag ahak okkai hena, ag doɗ kuɗum manadna, ahilag kayak Dagon mettanna, ag nug humidnana appig. “Ihinig kayak nug he, ig kekeɗ ihinig Samson eɗidmut!” aon appig.

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!

Aisaia 45:10

Laa nug aha, mameg amegppa ‘Na aɗinu menuiɗme? ⌊Na eheɗ heme⌋,’ atte amu, nuhignu gadonnab gadon. Ao, laa nug aha, anig amegppa, ‘Aɗinu na da dokkulnu guittak doome? ⌊Na nau heme,⌋’ atte amu, nuhignu gadonnab gadon.” Yawe Nug anam atte.

Aisaia 54:5

Aɗinu ag amu hekkulagnu elele daaglag? Laa Nug ag hattom ele, Nug ag gamulag daatte. Nug onig am Yawe Nukka Ɠagattag Oh Ele. Ao, aɗinu ag amu hekkulagnu elele daaglag? Am, Israel dilag Kayak Oppiaawak Ele, Nug ag Juda, ag laa eppelagppa dayaknu qagaiettakppanu eɗua uhuqak ha madatte. Nug wan oh dilag Kayak daatte.

Aisaia 43:1

Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.