Aisaia 44:9 - Nobonob Baibel

⁹ Danab aun aɗi ag kayak hambuppuak dottolkad hadatteb ele, ag ahilag dabmak am kabolia auta autanab awak daatte. Keeke ag oolag huana hette ele am keeke hamunab. Danab laa ehanidkkulagnu elele iitta. Laa ag kayak hambuppuak binalag metteb ele, ag danab nug ameg gaɗue, keeke ii anidtte, ag amubia dabmak genab iitta ele. Ag dabmak iitta, amu amuppa ag uɗa nak aoglag.

Aisaia 44:9 Referans Kwoze

Aisaia 41:24

Amge ⌊ag elele iitta⌋. Ag keeke ii daatte bia daatteb. Ag keeke laa hekkulagnu elele iittanab. Aun nug ag dim lamadkkunu dabmak awa dim lamadtte amu, Yawe Nug ⌊kobol amunu⌋ ooppa uuaknab dootte,” awa atte.

Aisaia 41:29

Antteg! Kayak hambuppuak ag oh am keeke genab iitta. Ahilag hak laa ii daatte. Ag dottolkad ele am keeke genab iitta, ag am ulah bia,” awa atte.

Sam 97:7

Amu danab ah ag kayak hambuppuak dottolkad noolagppa dup nona binalag metteb ele, ag uɗa nak dooglag. Ao, danab ah oh ag ahilag kayak hambuppuak binalag metteb, ⌊ag uɗalag nekku⌋. Ag kayak hambuppuak oh, ag Nug noobppa dup nona binag meig!

Epesus 5:8

Anukka ag gatatuppa daadttappig, amge Naɗi Nug gemu ag amahlakppa maattom. Amahlaknu meu am kobol ena, genab tutukku hak kobol, amu doyak diig genabib ele amunu, ag kobol Kayak Nug amunu oo hette ele amu doon aonna, ag amahlaknu danab oitteb, amubia ag amahlakppa oiyeg!

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

1 Korint 8:4

Aria, doɗ teppu main kayak hambuppuak dottolkad madatteb, lanak amunu da inam attem. Ig doottem, kayak hambuppuak amuam keeke genab iitta; danabnu dabmak aakkuib. Amunu ag dottolkad hetteb am keeke laa genab ii ippunigtte. Kayak laippu aakkuib daatte.

Rom 1:22

Amu ag hibguitta hena, inam appig. “Ig am doyak dabmak ena ele,” appig, amge ag danab nug Kayak dab-ii-maama ii dim lamidtte elenu kobol dim lamitte,

Daniel 11:38

Nug kayak laa oh, Kayak genab ele ii dabmema, amge nug kayak laippuib binag mekku; amuam kayak laa aab aɗ ɠagattagnab ele ehanadtte atteb, kayak hambuppuak amu nug binag mekku. Nug mamekkud aɗi ag kayak amu ii dooppig. Nug kayak amu binag maama, gol, silwa, men daden nob okkainab ele, amu laa, nuhig daakkunu keeke, daden nob okkainab ele, am nug medakku.

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Jeremaia 14:22

Wan laalappan kayak hambuppuak dottolkad ag heeg, gu nettete? Ge, hab nug nukka he, gu nakok laa nettete? Iitta! Na, Yawe, ihinig Kayak, na hee, gu nette amunu, ig naib neekkidttem. Aɗinu? Naib keeke amu oh hettem amunu, ig naib dabmedattem.

Jeremaia 2:11

Ag neegna, ag danab ah laa ag ahilkad kayak uuadnana, kayak laa dim lamadtteb, o iitta antteg! Israel danab ah ag amubianab aakku heppig. Kayak laa oh am kayak genab iitta, amge dahilad danab ah ag da uuiɗna, ag kayak hambuppuak laa, kayak amu ag ag ehanadkkulagnu elele iitta, ag dottolkad amu noolagppa dup nona binalag madatteb.” Yawe Nug anam awa atte.

Aisaia 45:20

Yawe Nug imu atte. “Ag danab ah wan atu laih laihnu, ag banppa ii mauhppig ele amu, ag qagmena uɗin, da noolppa daanna, ⌊dahil nai doyeg⌋! Aun aɗi ag kayak hambuppuak dottolkad maon oin, binalag metteb ele, ag am dabmak iitta. Ag kayak hambuppuak amu unuqadtteb, amge kayak hambuppuak amu ag ehanadkkulagnu elele iitta.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Aisaia 44:18

Danab ag anam hetteb ele, ag dabmak iitta. Ag keeke laa ⌊unuqagnu⌋ diignu doyak tutukku iittanab. Aɗinu? Ag danab nug ameg hautaknab, keeke iinab anidtte, ag amubia keeke genab anidna dooglagnu elele iitta. Od manak dayeye, danab nug lag ooppa gokkunu ib iitta, amubia dabmak tutukku ahilag dabmakppa gokkunu ib iitta amunu, ag diignu doyak tutukku laa aoglagnu elele iitta.

Aisaia 43:8

Ge da, ‘Ag laa ag danab ah dahilad, ag amelag ele, amge ag keeke ii anidtteb, ag daulag ele, amge ag keeke ii dootteb, ag danab ah laa ag danab ah amu omaladna uɗieg!’ appi dooglag.

Aisaia 42:18

Yawe Nug anam mattia mala, Nug nai tuɗitta aum. “Ag daulag ituak ele, ag nai doyeg! Ag amelag gaɗuak ele, ag neegna antteg!

Sam 135:18

Laa ag hadatteb, aria laa oh ag ahilagnu oolagppa genab dootteb ele, ag oh ag bia daaglag.

Sam 115:8

Anam amu, laa oh ag dottolkad hadatteb ele, amu laala oh ag keeke amu dilagnu oolagppa genab dootteb ele ag, ag oh geha dottolkad amu bia daaglag.

Epesus 4:18

Iitta aɗi amu, ahilag dabmakppa am gatatuib. Ag dabmak ena iitta, ag oolag ɠagattag eppe, Kayak dimettanna, Nug dim lamidkkulagnu oolag ii daatte amunu, ag Kayaknu bau ena iinab aoppig.

Ikki Danab 10:14

Ag gona, kayak ag ag ahilag kayak daaglagnu tituanadppig ele, ag amu dilagnu gayeg! Heppeg, kayak amu ag ehanadppeg, ag kekeɗ eppelagppa gemu daaegeg, eheɗ hattaegeg, uug nau dootteb amu, ag eppelagppa baula aib daappig!” awa aum.

Duteronomi 27:15

“Laa nug kayak hambuppuak dottog aɗi keekeppa ha, lokkumakppa qabatte amu, nug eheɗ laa awaknu anak waappa dayaɗ! Kayak hambuppuak dottolkad danab uɗat amu haknu doyak okkai ele amu, Yawe Nug dottog amunu ooppa uuaknab dootte,” aon akkulag. Ag anam aon appeg, danab ah oh ag, “Genab, anam dayaɗ!” akkulag.

2 King 19:18

Genab, ag wan amu ohppan kayak am akkaeg, aab aɗuppa teeg ewatte, iitta meppig, amge ag amu heppignu diig am, kayak amu, ag am kayak genab iitta; ag am men, ad ele hoiyak aakkuib. Danab ag kayak amu eppelagppa heppig.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Aisaia 42:17

Da anam aakku hekkul, amge danab ag kayak hambuppuaknu oolagppa genab dootteb, ag da heppi nauhna, ag uɗalag nekku. Ao, laa oh ag dottolkad amelagppa, ‘Ag am ihinkad kayak,’ atteb ele, ag da heppi nauhna, ag uɗalag nekku.” Yawe Nug anam atte.

Aisaia 43:9

Amu ⌊haen amuppa⌋ wan atu ohppan danab ag ⌊ele⌋ qagmena uɗiglag. Ao, danab ah diig ohnu ag uɗin daaglag. Ag uɗin daaglag, amge ag oolagppanu, o ahilag kayak hambuppuak laa nug keeke bekkun daatte a doomutte? Ahilagppan laa nug digmakppanu uɗia gemu batak, nug haen amu ohppan keeke laanu, keeke amu ii nak haenppa, nug keeke amunu mattie doomutte? Ahilagppan laa nug anam heum dayeb amu, laa nug mattiak amu doyom ele, nug aha, mattieb dootu! Nug anam mattieb amu, laa ag ele ahan, ‘Nug genabib atte,’ akkulagnu elele. ⌊Amge laa anam haknu am iitta.⌋” Yawe Nug anam atte.

Aisaia 44:11

Danab ag amunu doyak ele, ag dottolkad amu hetteb ele amu, ag oh uɗalag nekku. Danab ag uɗat amu haknu doyak okkai ele, ag danabib. Ag akka akka ehanadnana, ɠagattag daaglagnu ag qagmena, laippu dayeg! Ag anam hekkulag, amge Yawe Nug heeb, ag nena qena, ag uɗa nak nau doon, ag eheɗ nau baɗaglag.

Aisaia 45:16

Anam, amge laa ag kayak hambuppuak hetteb ele, ag oh am uɗa nak aon daanna, laa noolagppa uɗa nak nau guittak ele dooglag. Ao, laa ag kayak hambuppuak hetteb ele, ag uɗa nak nau guittak ele doon oiglag.

Aisaia 65:13

Ag nau amu hetteb amunu, Naɗi Yawe Nug inam atte. “Dahilad danab ah, ag am dahilad maɗi nid maɗi ah ele amu, ag ee lakkulag, amge ag nau hetteb ele, ag enug aqakku. Dahilad danab ah ag le oug lakkulag, amge ag nau hetteb ele, ag le baalag diikku. Dahilad danab ah ag oolag gamag ahakku, amge ag nau hetteb ele, ag uɗalag nekku.

Duteronomi 4:28

Wan laappa ag geha appa kayak hambuppuak, adppa, menppa keeke hattak, kayak amu ag ii neegtteb, ii dootteb, ag keeke ii uɗiqtteb, ii latteb ele amu, ag amu noolagppa dup nona binalag mak kobol hekkulag.

Sam 115:4

Ahilag kayak hambuppuak amu silwa, golppa ele hattak. Danab ag eppelagppa hadatteb.

Aisaia 57:12

Ag ahilag dabmakppa, ag, ‘Ig genab tutukkuib hettem,’ atteb, amge da heppi, ahilag hak, ahilag dabmak amu ele am miagib daakku. Da anam heppi, ahilag hak amu oh ii ehanadma.

Jeremaia 2:26

Amu Israel oh ag uɗa nak nau guittak eleppa daatteb. Haen polis ag yab danab aɗaeg, uɗa nak nau guittak ele dootte, uɗa nak ahilagppa anamib daatte. Ag, ahilag king, ahilag ehanittak anuqak danab, ahilkad mana mettak danab, amu ahilkad propet danab ele, ag oh anamib.