Biblia Todo Logo
Bib sou entènèt

- Piblisite -




Aisaia 44:6 - Nobonob Baibel

6 Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Gade chapit la Kopi




Aisaia 44:6
37 Referans Kwoze  

Aun nug digmak haenppanu uɗie, gemu ele danab ah aun aɗi laa ag dokkulagnu, ag aɗi hekkulagnu ib ag madatte bia, nug okkai imu nug doa, uɗat amu oh hekkunu he hette? Aun nug amu oh gumaama daatte? Am da, Yawe. Da digmak haenppa daami. Da haen gog tekku ele, da amuppa daakkul,” awa aum.


Naɗi Kayak Nug inam atte. “Da haen oh daattem; da gemu daattem, anukka daami, dimppa uɗikkulnu ele daattem. Da Dakka Ɠagattag Oh Ele,” awa atte.


Jesus anam awowa, Nug aum. “Da haen oh daattem; da tatam daami, da hanhan daakkul. Anuqakppa, gog takppa ele da daattem. Digmakppa, batakppa ele da daattem.


O danab ah dahilad, ag aib ebehilag hahaɗeb baɗappig. Anukka da ⌊aɗi keeke bekkunu dayom amu,⌋ da amunu mattii, ag iite dooppig? Da ag amelagppa amunu iite ami? Ag am dahilad laa aɗi heehe anttomnu mattiak danab ah daatteb. Da aakkuib am Kayak, ahilag ehanittak, daattem. Da laa anam daattenu ii doottem,” awa atte.


Yawe, Nug ag Israel, ag ahilag qagaiettakppanu eɗua uhuqaknu ehanittak daatte, Nug ag Israel, ahilag Kayak Oppiaawak Ele amu, Nug atte. “Da am Yawe, da ag Israel, ahilag Kayak daattem. Da ag kobol aɗi aɗi am ahilagnu ena, laa oh eɗidtte amu, da kobol amu ippunadttem. Ao, ib ag gokkulagnu daatteb ele amu, da ib amuppa gokkulagnu ulum madattem.


Amu Yawe Nug atte. “Ag Jakop buɗub, ag dahil nai doyeg! Ao, ag Israel danab ah, da ag onilagppa emi ele amu, ag doyeg! Da dakka am Kayak. Da hanhan daattem; anuqakppa, batakppa ele da daattem.


Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!


Da am Yawe, amuam da onil. Da uuppi, dahil binag amahlak oppiaawak ele am kayak hambuppuak laa, nuhigppa ii daama. Ao, da uuppi, kayak hambuppuak dottog laa da binal ii aoma.


Yawe, Nug ag qagaiettakppanu eɗua uhuqaknu ehanittak daatte, Nug he, nid anig ooppa ena mette, amubia nug he, ag Israel ag huu laippu daatteb amu, Nug atte. “Da am Yawe, da keeke oh hemi. Da dakka da hab hemi. Da dakka da wan ele hemi.


O Israel danab ah, ag daulag human doyeg! Yawe Nug ihinig Kayak daatte; Nug nukka Kayak daatte.


Amunu ag imu dabmettanna, ahilag dabmakppa ɠagattag aɗeg! Yawe Nug am wanppan, habppan ele Kayak daatte, kayak laal iitta.


Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.


“O Yawe Nakka Ɠagattag Oh Ele, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Yawe, na aakkuib am wan ohppan Kayak daattem.


Ag Yawe, Nugib am Kayak, kayak laa ii daatte, ag amu dooglagnu Nug keeke amu ippuanatta he anidppig.


Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.


O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.


Nug anam ana, Nug nai tuɗitta aum. “Na nai da attem imu Smerna Kristen tamaniaknu ikki danab, nuhignu inam ye! Nai imu, laa Nug hanhan daatte; anuqakppa, batakppa ele Nug daatte, anukka Nug mauhom, amge Nug gemu bau daatte, nuhigppan uɗitte.


Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.


Aɗinu ag amu hekkulagnu elele daaglag? Laa Nug ag hattom ele, Nug ag gamulag daatte. Nug onig am Yawe Nukka Ɠagattag Oh Ele. Ao, aɗinu ag amu hekkulagnu elele daaglag? Am, Israel dilag Kayak Oppiaawak Ele, Nug ag Juda, ag laa eppelagppa dayaknu qagaiettakppanu eɗua uhuqak ha madatte. Nug wan oh dilag Kayak daatte.


Aun laa nug sipsip dawai enanag mana meɗakkunu nai anan qakkom dayebeb, nug nau laa awa, mana meɗakku am enate? Iitta! nug eheɗ laa awaknu anak waappa daakku! Aɗinu? Da am king okkai; wanppan wan ohnu danab ah ag dahilnu ebehilag oh bodoetta le mekkunu daatteb!” Yawe Nukka Ɠagattag Oh Ele Nug anam atte.


Gemu anam daatte, amge laa Nug qagaiettakppanu eɗua uhuqaknu ehanittak ahilag daatte, Nug am ɠagattag. Laa amu, Nug onig am Yawe Nukka Ɠagattag Oh Ele. Nug Israel, Juda dilag nai hettoɗiakppa elelenab madikku. Nug amu hekkunu diig am, Nug amu heeb, Israel, Juda ele dilag wanppa maɗoɗ daakku, amge Babilon danab ah, ahilag wanppa ag maɗoɗ iitta ele daaglag,” awa atte.


Yawe atte. “Amu laa, Nug danab ah qagaiettakppanu eɗua uhuqaknu ehanittak hette ele amu, nug Sion uɗikku. Ao, laa uɗikku ele, Nug Jakop buɗub oolagppanu aun aɗi ag oolag eɗueb, hipunin ahilag dimettaglag amu, Nug ag ehanadkkunu uɗikku.” Yawe Nug anam awa atte.


Amu haen Rom danab ag danab ad emaitakppa atuladttappig ele, ag aɗi nai ag beɗulagppa yaappig ele, danab ag amu anidkkulagnu, ag ad mahappa yaana, ad emaitakppa atulppig. Aria, Jesusnu amu, ag Nug igippa ad emaitakppa, ag nai imu yaan atulppig. “Imu Jesus, Nug Juda dilag king.”


Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.


Yawe Nug atte. “Ag ⌊kayak hambuppuak, ag⌋ hettoɗiaknu nai ahilag bappaidna mattieg!” Ao, Yawe, Nug Jakop buɗub dilag king daatte amu, Nug atte. “Ag ⌊kayak hambuppuak, ag⌋ nai ag hettoɗiakppa ehanadtte ele bappaidna, miag mattieg!


Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.


Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.


Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.


Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.


Kayaknu neekkakppa wan atu oh anam daatteb amunu, ag danab laa anidna, “Kayak Nug danab amubia daatte,” akkulagnu elelete? Iitta! O ag keeke laan dottog anidna, “Kayak Nug amubia daatte,” akkulagnu elelete? Iitta!


Amu ⌊haen amuppa⌋ wan atu ohppan danab ag ⌊ele⌋ qagmena uɗiglag. Ao, danab ah diig ohnu ag uɗin daaglag. Ag uɗin daaglag, amge ag oolagppanu, o ahilag kayak hambuppuak laa nug keeke bekkun daatte a doomutte? Ahilagppan laa nug digmakppanu uɗia gemu batak, nug haen amu ohppan keeke laanu, keeke amu ii nak haenppa, nug keeke amunu mattie doomutte? Ahilagppan laa nug anam heum dayeb amu, laa nug mattiak amu doyom ele, nug aha, mattieb dootu! Nug anam mattieb amu, laa ag ele ahan, ‘Nug genabib atte,’ akkulagnu elele. ⌊Amge laa anam haknu am iitta.⌋” Yawe Nug anam atte.


O Israel danab ah, ag Yawe Nug ag amelagppa aɗi atte doyeg!


Swiv nou:

Piblisite


Piblisite