Aisaia 44:25 - Nobonob Baibel

²⁵ Da, Yawe, da hei, propet hambuppuak danab dilag nai am kaboliak daatte. Ao, da hei, danab ah laa ag eman danab dilagnu ag dabmak iittanab ele daatteb anadtteb. Da hei, wanppan doyak dabmak ena ele danab dilag dabmak iitta mette. Ao, da hei, ahilag dabmak am hamunab, kaaka bia daatte.

Aisaia 44:25 Referans Kwoze

Sam 33:10

Yawe Nug danab ah ag aɗi hekkulagnu maittak aotteb ele, Nug ahilag maittak amu he nauhtte. Yo, Nug ahilag dabmak maidtteb amu he, gabotitte.

Jeremaia 50:36

Ag Babilon dilag propet hambuppuak qep elabppa aqeg! Ag amu heppeg, propet hambuppuak ag danab Yawenu dab-ii-mena, ii dim lamidtteb ele daatteb am miag atikku. Ag kekeɗ ag Babilon dilag daup qep elabppa aqeg! Ag aqadppeppeg, ag baɗak eheɗ nau dooglag.

2 Samuel 15:31

Ag ukkaegeg, laa nug Dawit amegppa aum. “Ahitopel nug Apsalom ehanidkkunu, nug nug ele daattep,” awa aum. Nug amu a, Dawit doya, nug Yawe unuqitta, “O Yawe, na heppe, Ahitopel nug Absalom dabmak tutukku iittappa ulum nai medakkunu oɗ medattem,” awa aum.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Aisaia 29:14

Ag anam hetteb amunu, da baula kobol okkai okkai, danab hekkunu elele iitta, da kobol amu heppi, danab ah imu ag ottaikkulag. Da anam heppi, danab doyak, dabmak ena ele, ahilag doyak, dabmak ena ele amuam iitta mekku. Ao, da heppi, danab ag doyak okkai ele, ahilag doyak okkai am iitta mekku, baula ii daama.” Yawe Nug anam atte.

Daniel 4:7

Da anam hei, baɗ mak danab, emaɗ danab, doyak danab, eman danab ele ag da gumiɗna uɗippig, amge da tul niien aɗi anidmi ai doon, ag tul niiak amunu meu appeg dookkulnu elele iitta.

Daniel 1:20

Ag kingnu ikki danab daaeg, king nug aɗi doyak dabmak ena elenu keeke, o diignu doyak tutukkunu keeke, nug amunu oɗ mattom amu, ahilag oɗmak nob amunu am ena, elelenab. Wan amuppan baɗ mak danab digdig, ag ele oɗmak amunu nob king medappig, amge ahilag nob, amunu meu am huppu nakokib awom. Daniel laikkud ele dilag nob am meu okkainab king ippunittom. Kingnu ɗo maɗoɗ ohppan danab amu, ag oh anamib.

Jeremaia 49:7

Edomnu amu, Yawe Nukka Ɠagattag Oh Ele, Nug inam atte. “Teman appa amu, danab laa nug doyak dabmak ena ele iittate? Appa laa nug eheɗ bemanu dabmak awa dabmak amu dim lamittak kobol dim lamitta, okkai danab ulum nai ena iite medatte? Teman danab ah dilag doyak dabmak ena ele am iitta meumte?

2 Stori 18:34

Amu Aram ban danab, Israel ban danab ele ag deɗ amu ohppa ban huan eheɗ heppig. Amu King Ahap nug deɗ amu ohppa karisppa anam ehanittakppa dayaya, nug neekke, Aram dilagppa ukke dayeye ukka, tueb me, aam noono, Ahap mauhom.

2 Stori 18:11

Sedekaia nug anam a, propet laa oh ele ag anamib madippig. Ag propet nai inam King Ahap amegppa appig. “Na aab Ramot, Gileat wanppanu baneb gona, ban hena, genabnab genab aab amu na geha aokkut. Yawe Nug geha na ehanitteb, Aram eɗadkkut,” aon appig.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

2 Samuel 16:23

Haen amuppa danab ah ag Ahitopelnu ulum nai, ag nai amunu, “Kayaknu uɗitte amunu, nai nuhig am enaib,” dooppig. Dawit, Apsalom ele oh, aa ele anam doopiɗ.

Eksodas 9:11

Am Isip dilag baɗ mak danab ag Moses gumidna uɗiglagnu elele iitta. Aɗinu? Ag beɗulag mamattin he nauhom; ihilag ele. Isip danab ah laa oh ihilag mettom, amubia ag ele ihilkad ele,

1 King 22:37

Amu King Ahap nug mauhe amu, ag nug gaɗa aon gona, Samaria appa boumppig.

Hosea 9:7

Israel dilag bu awak haen aakku uɗitte. Ao, ahilag noob awak haen aakku uɗitte. Israel danab ah ag amu doyeg! Ag Israel, ag hipunin kuɗum henana; ag Kayak, nuhikkud danab ele dilagnu kekeɗ mattan daatteb amunu, ag propet dilag, “Ag am ootot,” atteb. Ao, danab Kayak Ouɗi ehanatte, ag nai maditteb ele, ahilagnu ag, “Ag kaaka,” atteb.

Maika 3:7

Propet hambuppuak, ag uɗalag nekku. Ao, eman hak danab ag uɗa nak nau guittak ele dooglag. Da Kayak, da nai nakok laa ii madapa. Anam amunu, propet hambuppuak ag uɗa nak doon, ag iɗulag hautkkulag,” awa atte.

Namba 23:23

Emaɗ hak laa Jakop buɗub qeeb nekkunu elele iitta. Ao, eman laa Israel danab ah aqakkunu elele iitta. Danab ah laa ag Yawe Nug Jakop buɗub, am Israel danab ah ele amu, Nug amu dilagppa hette anidna, ag akkulag. ‘Kayak heum umu antteg!’ aon akkulag.

Aisaia 19:3

Isip danab ah ag anam henana, dabmak kuɗum aoppeg, ag oolag na qeebeb, da geha heppi, Isip dilag maittak keeke laala hekkulagnu kaboliak dayeb, ag anam daanna, ag geha ahilkad kayak hambuppuak dottolkad ag ehanadkkulagnu oɗ mattanna, ag gona, mauhak ele gamag danab, mauhak ele mattiak danab ele gumadna gona, dabmak ahilag aoglagnu ele oɗ mattaglag.

Sekaraia 10:2

Kayak hambuppuak dottolkad danab ag laulkadppa maatteg daatteb, ⌊amu dilag eman danab⌋ ag nai hambuppuak danab ah madatteb. Ao, eman danab ag tulegleg danab ah ib hambuppuak ippunadtte anidna, nai maditteb. ⌊Danab amu⌋ ag tul niiak hambuppuak anidna, amu danab ah amelagppa amunu atteb. Ao, ag amu anidna, danab ah hambuppualadna, keeke oh enaib daakkunu maditteb, amge amuppa danab ah ag ehanittak genab ii aotteb. Ag amu hetteb amunu, danab ah dahilad ag amu dilag nai oolagppa genab doon, sipsip qettoɗna, hamu oitteb bia oitteb. Ao, sipsip ag sipsip gumak danab iitta ele ag mauhnoak oitteb, amubia dahilad danab ah ag gumak danab genab iitta amunu, ag uug digdig anidna oitteb.