Aisaia 44:12 - Nobonob Baibel

¹² Danab nug aenppa uɗat haknu doyak okkai ele, nug aen maha awa, aab aɗu eotteppa me gakkaɗe, nug hamappa qeeqe, dottog laa aakku ha bette. Anamnab danab nug doyak amu ele nug hamappa kayak hambuppuak dottog aenppa bappaidtte. Nug eppeg am ɠagattag ele, amu nug eppegppa hama aɗa, uɗat amu hette. Nug hette, amge nug haaha, enug qeeqe, nug beɗu gai-iitta mette. Ao, nug hette, amge nug haaha, nug le baag diie, nug ameg qittintte.

Aisaia 44:12 Referans Kwoze

Aisaia 40:19

Kayak Nug kayak hambuppuak dottog bia iinab daatte. Dottog amuam danab nug uɗat amu haknu doyak okkai ele, nug hette. Nug ha male, keeke golppa hak danab laa nug awa, qaɗeppa gol qataqette. Nug laitta mala, nug silwa awa, sen dottog amu ⌊bala medakkunu⌋ ele hette.

Habakuk 2:13

Yawe Nukka Ɠagattag Oh Ele Nug dabmak awe ɠagattag eppe, inam dabmette. “Wanppan danab ah dilag uɗat okkai am hamu iite iitta mema. Ao, wanppan wannu danab uɗat naɗi okkai hetteb, amge uɗat amu ohnu meu am hamu iite iitta mema?”

Eksodas 32:8

Ag haen elab iitta, pahanab da aɗi hekkulagnunab amelagppa ami amu, ag uuna, golppa makau gaiɗ dottog hewona, ag nug noobppa dup nona binag menana, doɗ main, nug mettana, ag atteb. ‘Doyeg! Imu nug ig Israel, ihinig kayak. Nug ig Isipnu aikka, omaikka uɗiom,’ aon appig.” Yawe nug Moses amegppa anam aum.

Eksodas 32:4

Ag akkan, aon uɗieg amu, nug daulkadppanu gol bala amu awa, aabppa mane ewa, le me, nug makau gaiɗ dottog laa babaittom ele amu, aguppa gokkaɗeg no, nug makau gaiɗ dottog golppa aakku ha mala, babaittak uɗat aakku siselppa heum. Nug anam he, Israel danab ah ag anidna appig. “Doyeg! Imuam kayak ihinig. Nug ig Isipnu aikka, nug ig omaikka uɗiom,” aon appig.

Duteronomi 4:28

Wan laappa ag geha appa kayak hambuppuak, adppa, menppa keeke hattak, kayak amu ag ii neegtteb, ii dootteb, ag keeke ii uɗiqtteb, ii latteb ele amu, ag amu noolagppa dup nona binalag mak kobol hekkulag.

Aisaia 40:20

O danab nug enub iitta, nug gol, silwa ele awa, nuhig kayak hambuppuak dottog laa metteb hekkunu elele iitta amu, danab amu nug ad ena laa, paha ii beɗatte, nug ad amu awa, danab ad hoyak uɗat haknu doyak okkainab ele mattia antta mette, danab amu nug kayak hambuppuak, nuhig dottog am elele hette. Nug ha mala, nug diig eleleppa dottog amu na qemanu ha, aguppa buuidtte.

Habakuk 2:18

Kayak hambuppuak dottog danab nug eppegppa hoitte amu, dottog amuam danab ah attem ehanadkku? Ao, kayak hambuppuak dottog silwappa, o golppa hak, danab ah doyak hambuppuak ippunadtte amu, keeke amuam danab ah attem ehanadkku? Aɗinu? Auntai nug bappaidtte ele amu, nug keeke nugib eppegppa heumnu ooppa genab dootte. Nug hette am keeke nai madikkunu elele iitta.

Sekaraia 1:20

Nug anam a, Yawe he, da danab waɗele aenppa uɗat haknu doyak okkai ele anadmi.