Aisaia 43:7 - Nobonob Baibel

⁷ Da danab laa amu, da ag danab ah dahilad, da onil ahilagppa daatte amu, da danab ah amu ag dahilad danab ah ohnab omaladppeg uɗiglagnu appi dooglag. Da dahilad danab ah dahil hakppa hattami. Da eppelppa ag hattami. Ao, da danab ah dahilad ag genab dahilad daan, dim lamiɗppeppeg, danab ah laa ag anidna dooiɗna, binal mekkulagnu hattami.

Aisaia 43:7 Referans Kwoze

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Aisaia 43:21

Da Israel danab ah ag dahil hak ena anidna, ag amunu danab ah laa amelagppa akkulagnu da hei, ag huu laa aakku daan, dahiladnab daatteb.

Epesus 1:12

Nug ig Kristusnu anuqta, nuhignu oonigppa genab doot Nug dim lamidttem amu, ig Kayak onig okkai humagnignu, ig binag amahlak oppiaawak ele nug mettagnignu tituanikkom.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Rom 9:23

Nug amu heumnu diig am, amuppa Nug laa Nug ahilagnu oo gai-iita doya oo metta ehanittak kobol dim lamittom, Nug ag anukka Nug ele daaglagnu tituanattom amu, Nug nuhig binag amahlak oppiaawak okkainab ele ippuanattom.

Jon 15:8

Haen ag meulkad huanak otteb amu, ag dahil ippunittak awak danab genab daatteb. Amu amuppa da Mamel Nug binag amahlak oppiaawak ele aotte.

Aisaia 56:5

Ag nid ele daalob, nid amu ag daappeg ukkeb, ag buɗulkad, ahilkad nid oolagppan dokkulag amu, ag ahilagnu daulag atikku. Ag anam helob, amge kobol da hekkul amu, ag nid ag anam aolob, am kobol amu eɗidkku. Amuam da onig okkai madappi, danab mettid lag dahilppa uɗat hetteb, dahilad danab ah laa oh ele ag ahilagnu daulag ii atima. Onig da ag madakkul amu, onig amuam hanhan daakku; laa ii tuqa aoma,” awa atte.

Aisaia 48:11

Amu da diilnu dabmak anuqak awewe, da ag qagaiettakppanu eɗuen diiadkkul. Ge! Da, da diilnu dabmak anuqak awewe, da ag qagaiettakppanu eɗuen diiadkkul. Aɗinu? Da laa uuidppi, nug heeb, laa ag da onilnu, ‘Am keeke hamu,’ dooglagnu elele iitta. Ao, da laa uuidppi, nug dahil binag amahlak oppiaawak ele awa, nug onigppa qataqekkunu iinab hepa.” Yawe Nug anam awa atte.

Aisaia 43:1

Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.

Sam 100:3

Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Aisaia 29:23

Aɗinu? Da heppi, Jakop buɗub ag huana apatppeg, nid ahilkad kuɗumnab daappeg, ag amu anidna, haen amuppa amu, ag da onil oppiaawak ele dabmenana, ag dahil nai dim lamidkkulag. Ag da, da am Jakop buɗub dilag Kayak Oppiaawak Ele amu, ag da oppiaawak daattem doon autna aon, anan oiglag. Ao, ag da noolppa, da am Israel dilag Kayak amu, ag da noolppa ebehilag oh bodoetta le meebeb oiglag.

Revelesen 3:12

Aun laa nug ban eɗidkku amu, da nug dahil Kayak, nuhig mettid lagppa anuqak laa meppi daakku; nug haen oh lag uua dimittim ii wama. Da nug qaɗeppa dahil Kayak onig amu dahil Kayaknu aab okkai onig ele yaakkul. Aab okkai amuam Jerusalem bau, am dahil Kayak toppanu attannu nette. Am da onil bau ele nug qaɗeppa yaakkul.

Jeremaia 33:16

Aria, haen amuppa da Juda danab ah ehanadppi, ag padal ii memana. Ao, haen amuppa da heppi, Jerusalem danab ah ag baɗak iittappa daanna oiglag. Ag anam daan oippeppeg, danab ah wan ohppanu ag Jerusalem onig laa ele ataɗkkulag. Onig amuam, ‘Yawe Nug am Ihinig Kobol Genab Tutukkunu Diig Daatte,’ akkulag.

Jems 2:7

Am Kayak Nug Kristus onig ag mattom amu, danab amu ag aakku onig amu dappidna maditteb.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

Galesia 6:15

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Kayak Nug he, ig danab Kristusnu uɗat okkaippa bau menuak aot daattem amuib am keeke ena, keeke genabnab daatte.

Aposel 11:26

antta, nug omale Antiok ukkaeh, maɗ laippu Kristen tamaniak appanu ele daanna, aa danab ah kuɗumnab Kayak nai ippunadpiɗ. Antiok appa danab ag tatam digmena, danab ag Jesusnu oolagppa genab dooppig, ag ahilagnu, Kristen appig.

Aisaia 63:19

Ig danab ah na deɗ laa ig ii gumigme bia bemut daattem. Ao, ig danab ah ag na onin waappa deɗ laa ii daappig, ig amubia daattem.

1 Pita 4:14

Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Aisaia 44:23

Yawe Nug keeke okkai heum amunu, ag habppanu, ag oo gamag ahak okkai doon, ahi etteg! Ag wanppa daatteb, ag huana eig! Yawe Nug Jakop buɗub hipuninnu qagaiettakppanu eɗua uhuqak ha mattom; Nug nuhig binag amahlak oppiaawak ele Israel oolagppa he, miag atiom amunu, wanppan keeke oh Yawe hattom ele amu, ag ahi etteg!

Aisaia 46:13

Da hei, danab nug da noolppa genab tutukku daakkunu kobol aakku miag uɗiom daatte; am uma ii daatte. Ao, dahil padal ii memanu ehanittak am paha uɗikku; laa nug heeb, ib am keldoak ii daama. Da danab ah Sion daatteb ehanadppi, ag padal iinab memana; da heppi, dahil binag amahlak oppiaawak ele am okkainab Israel oolagppanu miag atikku.” Yawe Nug anam atte.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Jeremaia 14:9

o na danab laa, nug uug laa bekkunu ii dabmette, amge laippun be, aɗittai laa hekkunu elele iitta, na danab amubia daattemnu, o na ban danab laa, nug ɠagattag nuhig oh iitta me, nug laa ehanidkkunu elele iitta, na amubia daattemnu diig appe dookkulnu oɗ medattem. O Yawe, na ig oonigppa daattem. Na onin ihinigppa daatte. Na uuigna gomananu oɗ medattem,” awe unuqidmi.

Daniel 9:18

O Kayak dahil, na daut human, dahil unuqittak dookkutnu oɗ medattem. O Kayak, na neegppe ukkeb, aab okkai na onin amuppa daatte amu, na aab amu nauhakib daatte anidkkutnu oɗ medattem. Ig genab tutukku hak danab ah amunu, ig oɗmak imu ii hettem. Iitta. Ig danab ah tutukku iitta, amge na danab ah dilagnu oot gai-iitta doon, oot mattan ehanadttem amunu, ig oɗmak hettem.

Daniel 9:19

O Naɗi, na dahil unuqittaknu dookkutnu oɗ medattem. O Naɗi, na ihinig hipunin uhuqna megakkutnu oɗ medattem. O Naɗi, na dahil unuqittak doon, ehanigkkutnu oɗ medattem. O Kayak dahil, laa ag na oninnu anuqak dooglagnu, na paha ehanigkkutnu oɗ medattem. Aɗinu? Na onin am aab okkai nahip-ppa, amu danab ah nahipad eleppa daatte.” Da anam unuqidmi.