Aisaia 43:6 - Nobonob Baibel

⁶ Da danab ah ag yawalti uɗitteppanu daatteb, da ag amelagppa, ‘Ag dahilad danab ah paɗadppeg, ag eɗun wanelagppa ukkeg!’ appi dooglag. Amu danab ah yau uɗitteppanu daatteb amu, da ag amelagppa, ‘Ag danab ah dahilad aib aɗualadppig!’ appi dooglag. Da wan ohppa, dahilad danab ah aguppa daatteb ele, da amu amelagppa ag dahilad danab ah omaladppeg, ag eɗun, ahilag wanppa uɗiglagnu appi dooglag.

Aisaia 43:6 Referans Kwoze

Jeremaia 3:14

O Israel danab ah, ag da dimeɗona kayak hambuppuak laala dim lamadppig ele, da Yawe, da ag amelagppa attem. Ag eɗun, dahilppa uɗieg! Aɗinu? Ah nug gamunu daatte, amubia ag am dahilad daatteb. ⌊Ag eɗun, dahilppa uɗiglag dayeb,⌋ ag oolagppan aab anen anennu laippu da nug tituane, omalen, Sion uɗikkul. O ag oolagppanu aab ikki anen anennu aɗit laa da tituanate, da omalatten, Sion uɗikkul.

Aisaia 18:7

Haen amuppa wan laappan danab ah, ag danab ah elab elab; ag beɗulag anttaknu am ena, qa oppiaawaknab, danab wan amuppanu ag am ban danab nau, laa ohbia ag ag baɗadtteb, wan amuam wan ɠagattag, wan amuppan ban danab ag wan laa eɗadtteb, ahilag wanppa amu, le kuɗum wan oppatatte, obatak obatak daatte, amu danab ah huu wan amuppan ag geha keeke ɗo mettak ena amu Sion qaukoppa aon uɗin, Yawe Nukka Ɠagattag Oh Ele, Nug aguppa daatte, ag keeke amu nuhig daakkunu, hamu mettaglag. Ag geha keeke amu aon uɗin, aben laa, aben amuppa Yawe Nukka Ɠagattag Oh Ele, Nug onig aben amuppa daatte amu, ag aben amuppa keeke amu Nug mettaglag.

Sam 107:3

Nug danab ah wan laala ohppanu eɗua aɗalatta uɗiom amu, ag laa amelagppa anam appeg doyeg! Ao, Nug laa ag laih kaɗag uɗitteppanu, qaban uɗitteppanu, yawalti uɗitteppanu, yau uɗitteppanu ele aɗalatta qagmaattom amu, ag amunu mattieg!

Duteronomi 30:4

Am ag laih uma umanab diia ukka laih me dayak danab ah daaglagtai, me Yawe, ahilag Kayak, Nug ag qagmatta, eɗua diia uɗikku.

Aisaia 45:22

Amu ag danab ah oh wan atu ohnu ag padal memananu ag da dim lamiɗna, ehanittak da eppelppanu aweg! Aɗinu? Da aakkuib Kayak daattem. Kayak laal ii daatte.

Aisaia 49:12

Antteg! Dahilad danab ah ag umanabnu uɗiglag. Laa ag yawalti uɗitteppanu uɗiglag, laa ag qaban uɗitteppanu uɗiglag, laa ag yau uɗitteppanu, Aswan appanu uɗiglag.” Yawe Nug anam atte.

Aisaia 49:22

Ag anam akkulag, amge Naɗi Yawe, Nug atte. “Antteg! Da danab laa nug layag keeke dookkunu eppegppa hette, amubia da iitta aɗi ag nid naunau ahilkad diin uɗiglagnu heppi dooglag. Ao, da danab nug laa antta, keeke dookkunu pilak ad attan humatte, amubia da wan laa ohppan danab ag ahilkad nid naunau diin uɗiglagnu pilak humappi dooglag. Da amu heppi, ag ag bekkalkad diin uɗinna, ag ag aɗelkad ele diin uɗiglag.

Aisaia 54:3

Aɗinu? Ag appatna, ag aben eleleppa daaglagnu ag laih laih gona daaglag. Ao, ag buɗulkad ag wan laalappan danab ah lamadna, ahilag wan aona, ag ahilkad aab okkai, hele-ettak daaglag amu, ag aab amu aon daan oiglag.

Aisaia 60:4

Juda danab ah, ag amelag human, laih laih neekkeg! Ahilkad laa ag qagmena, ag gukkuadna uɗiglag. Ag bekkalkad umanabnu uɗiglag. Laa ag aɗelkad eppelagppa mawadna uɗiglag.

Aisaia 60:9

⌊Yawe atte, amubia uub amuam ag wan umanabnu danab ah aon uɗitteb.⌋ Nug atte. “Danab ah wan miagnu, wan umanu ele ag da aniɗna, ehanittak aoglagnu oolag huana hette,” awa atte. Uub tatam uɗitteb amu, ag Tarsisnu. Ag, ag Juda, ag bekkalkad umanabnu aon uɗinna, ag laih appanu danab dilag silwa, gol ele, ag amu ele aon uɗitteb. Ag Yawe, Nug ag Israel, ahilag Kayak Oppiaawak Ele, Nug ag Israel binalag okkainab meum ele amu, ag diig amunu ag silwa, gol amu ele aon uɗin, Nug binag mekkulagnu hetteb.

Aisaia 66:20

Anam daakku amu, danab ah wan ohppan ag Israel, ag awalkad amalkad aɗi huu ohppanu diin, dahil qauko, qauko amuam dahilnu tituanak daatte amu, ag qauko amuppa, ippa Jerusalem uɗiglag. Danab nug keeke enanag dahil daakkunu da hamu meɗatte, amubia ag ag aon uɗin, da meɗaglag. Geha ag hosppa, oiyaknu karisppa, uɗatnu karisppa, miulppa, amu kamelppa ele diin uɗiglag. Amu Israel danab ah ag wit, tappiɗ da, Yawe, dahil neekkakppa dubuttid iitta ele, ag amuppa mena aon, dahil mettid lakka gotteb, amubia ag Israel danab ah wan laappa daatteb amu diin uɗiglag.

Jeremaia 23:8

Iitta. Ag ahilag nai ɠagattag qa anaknu, ag, ‘Yawe Nug genab Israel buɗub ag wan yawalti uɗitteppanu, amu wan laala, Nug he, ag appa gona, diia ukka laih me dayak danab ah daappig amu, Nug appanu ele omalatte uɗippig, genab amubia nai da akkulnu hettem am genab,’ akkulag. Amu haen amuppa da heppi, ag eɗun, ahilag wanppanab aakku daaglag.” Yawe Nug anam awa atte.

Jeremaia 29:14

Ge, ag da anam mattiɗnana, ag da aniɗkkulag. Ag da anam aniɗppeg, da omaladppi, ag wan laa, appan danab ag aɗualatteg, ag ag eppelagppa daatteb amu, da appanu omaladppi, ag eɗun uɗin, wan imuppa daaglag. Da ag wanppan wan oh, da hei, ag gona appa daatteb, da appanu qagmaatten omaladppi, ag wan atu oh, da hei, ag gona diia ukka laih me dayak danab ah daatteb amu, ag appanu eɗun uɗin, iguppa daaglag,” awa atte.

Jeremaia 31:8

Antte, Israelnu wan laa, yawalti uɗitteppanu daatte, da appanu Israel danab ah diie uɗikkul. Yo, da ag wan batakppanu diie qagmaadkkul. Danab ah kuɗumnab, ag uɗiglag. Kuɗum laa ag beɗulag ena ele, amge laala ag amelag gaɗuak ele, laala ag baelag mauhak ele, laala ag ah oolkad ele, laala amu, ag ah nid menuadkkulagnu miag daatteb ele oh uɗiglag.

Esekiel 36:24

Amu Naɗi Yawe Nug inam ele atte. “Da ag Israel, da ag wanppan wan laalappa daattebnu diiadkkul. Ao, da ag Israel ag wan laalappanu qagmatten omalatte, ahilag wanppa eɗue uɗippi, ag ahilag wanppanab daaglag.

Esekiel 37:21

ag amelagppa dahil nai inam appe doyeg! ‘Naɗi Yawe Nug inam atte. Da Israel danab ah ag wanppan wan laalappa gona, ag appa daatteb amu, da ag qagmaatte, wan amu ohppanu omalatte, ahilag wanppanab uɗippi, ahilag wanppa eɗun daaglag.

Joel 3:7

Amge antteg! Ag heeg, danab adebatainu ag dahilad danab ah daden maadna, diin goppig amu, da heppi, dahilad danab ah ag ahan eɗun uɗippeg, da ag Tair, Saidon, Pilistia ele ag dahilad danab ah dilagppa heppig, amubia da ahilagppa hekkul.

Sekaraia 6:6

Karis laa hos hinqak ele, karis amuam yawalti uɗitteppanu gotte. Karis laa hos hakkab ele, karis amuam qaban uɗitteppanu gotte. Karis laa hos ɠagattag, beɗulag otultul ele, karis amuam yau uɗitteppanu gotte,” awa aum.

Aisaia 11:12

Naɗi Nug pilak laa, pilak amuam ad elab attan ukkak galaeg daatte, Nug pilak laa amubia galeb daakku. Nug pilak amu anam meeb, pilak amuam danab ah wan atu ohppanu ag anidna, ⌊pilak amuam Naɗi Nug nuhikkud danab ah ag diia ukka laih me dayak danab ah daatteb, Nug ag eɗua diikku ippunadkku⌋. Nug anam ha, Nug Israel danab ah ag diia ukka laih me dayak danab ah wan laalappa daatteb amu, Nug ag eɗua diikku. Ao, Nug Juda danab ah tamtam gona, aabaab daatteb, Nug ag eɗua diikku. Nug nuhikkud danab ah gona aben ohppanab daatteb eɗua diikku.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.