Aisaia 43:5 - Nobonob Baibel

⁵ Ag aib baɗappig. Aɗinu? ⌊Da heppi, ag laih laih mattatun gona daaglag, amge⌋ da ehanadppi, ag aam bedeppanu, aam nodeppanu ele eɗun uɗiglag.

Aisaia 43:5 Referans Kwoze

Duteronomi 30:3

Yawe, ahilag Kayak, Nug ag diia, ahilag wanppanab eɗua maadkku. Nug ahilagnu oo gai-iitta doya oo metta ehanittak ha, Nug ag matatuatta, wan laalappa mattom, Nug amuppan eɗua diia, qagmaadkku.

Luk 13:29

Amu geha danab ah ag aam bedeppanu, aam nodeppanu, yau uɗitteppanu, yawalti uɗitteppanu ele uɗina, ag Kayaknu ɗo maɗoɗppa nona, hobulppa daaglag.

Aisaia 49:12

Antteg! Dahilad danab ah ag umanabnu uɗiglag. Laa ag yawalti uɗitteppanu uɗiglag, laa ag qaban uɗitteppanu uɗiglag, laa ag yau uɗitteppanu, Aswan appanu uɗiglag.” Yawe Nug anam atte.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Sekaraia 8:7

Am Yawe Nukka Ɠagattag Oh Ele Nug inam atte. “Genabnab da dahilad danab ah ehanadppi, ag kaɗag uɗitteppanu, qaban uɗitteppanu ele eɗun uɗin, ahilag wanppa bena daaglag.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 41:8

Wan laappan danab ah ag anam baɗan hetteb, amge Yawe Nug atte. “Ag Israel, ag am dahilad maɗi nid maɗi ah ele daatteb. Ao, ag Jakop buɗub, da ag tituanadmi. Ag am da layal Abraham buɗub.

Sam 106:47

O Yawe, ihinig Kayak, ig na, na onin am oppiaawak ele, ig na amenppa, “Ena heme,” akkunignu, ge, ig gamag ahak okkai doot, na onin humagnignu, na ehanigppe, ig padal mematanu unuqidttem. Ao, na ehanigppe, ig qagaiettakppa ii daapput, wanppan wan laalappanu qagmeigppe, ig ihinig wanppa daagnignu oɗ medattem.

Jon 10:16

Da am sipsip laa, sipsip aɗ imuppan iitta, amu ele dahilad, da amu ele diikkuloitte. Diippi, ag da baal dooglag, amu ag oh sipsip ameg laippuib daaglag; ahilag gumak danab ele laippuib daakku ⌊amuam da⌋.

Maika 2:12

Yawe Nug tuɗitta atte. “O Jakop buɗub, genab da ⌊ag bu madakkul, amge dimppa da⌋ ag oh qagmaadppi, ag eɗun daaglag. Ao, da genab heppi, Israel danab ah ag oɗo yaak daaglag amu, ag eɗun laippu daaglag. Da am sipsip gumak danab sipsip aɗ ooppa qagmaadtte bia, da Israel danab ah qagmaadkkul. Ao, sipsip gumak danab nug gikkiɗah dad okkai sipsip gikkiɗah lattebppa, nug appa qagmaadtte bia, da Israel danab ah qagmaadkkul. Da anam heppi, ⌊dahilad⌋ danab ah ag appatppeg, wan imu ambak daakku.

Sam 107:3

Nug danab ah wan laala ohppanu eɗua aɗalatta uɗiom amu, ag laa amelagppa anam appeg doyeg! Ao, Nug laa ag laih kaɗag uɗitteppanu, qaban uɗitteppanu, yawalti uɗitteppanu, yau uɗitteppanu ele aɗalatta qagmaattom amu, ag amunu mattieg!

Aisaia 41:9

Da umanabnu diiatti, ag iguppa daatteb. Ao, da wan batakppanu diiatte hei, ag uɗin, iguppa daatteb. Da ag amelagppa, ‘Ag am dahil maɗi nid,’ ami. Da ag tituanadmi. Da ag ii geɗadmi.

Aisaia 43:1

Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.

Aisaia 49:18

Ag Juda, ag amelag human, laih laih neegna, ag bekkalkad oh ag qagmena, eɗun ahilagppa uɗippeg anadkkulag! Da Yawe, da attem. Da genab bau daattem, genab amubia amu, nid ahilkad ag ah nug bala enanag me, beɗunu neekkak enanag daatte amu, nid ahilkad ag ahilagppa amubia daaglag. Ao, ah nug danab aokkunu haaha, beɗu bappaidtte amu, nid naunau ag ahilagppa bala anam bia daaglag.

Aisaia 54:3

Aɗinu? Ag appatna, ag aben eleleppa daaglagnu ag laih laih gona daaglag. Ao, ag buɗulkad ag wan laalappan danab ah lamadna, ahilag wan aona, ag ahilkad aab okkai, hele-ettak daaglag amu, ag aab amu aon daan oiglag.

Aisaia 54:7

“Haen tutunab aakkuib da uuatten, laih daami, amge da ool huana matten, ehanatten heppi, ag eɗun dahilppa dokkulag.

Aisaia 61:9

Wan atu ohnu danab ah ag dahilad danab ah buɗulkad dooglag. Ge, wan atu ohnu danab ah ag dahilad danab ah dilag menuattak dooglag. Ag amu dooppeg, aun aɗi ag dahilad danab ah buɗulkad anadna amu, ag inam dooglag. ‘Danab amu ag Yawenu danab ah. Yawe ag itittak ena mattom.’ ” Yawe Nug anam atte.

Jeremaia 23:8

Iitta. Ag ahilag nai ɠagattag qa anaknu, ag, ‘Yawe Nug genab Israel buɗub ag wan yawalti uɗitteppanu, amu wan laala, Nug he, ag appa gona, diia ukka laih me dayak danab ah daappig amu, Nug appanu ele omalatte uɗippig, genab amubia nai da akkulnu hettem am genab,’ akkulag. Amu haen amuppa da heppi, ag eɗun, ahilag wanppanab aakku daaglag.” Yawe Nug anam awa atte.

Jeremaia 29:14

Ge, ag da anam mattiɗnana, ag da aniɗkkulag. Ag da anam aniɗppeg, da omaladppi, ag wan laa, appan danab ag aɗualatteg, ag ag eppelagppa daatteb amu, da appanu omaladppi, ag eɗun uɗin, wan imuppa daaglag. Da ag wanppan wan oh, da hei, ag gona appa daatteb, da appanu qagmaatten omaladppi, ag wan atu oh, da hei, ag gona diia ukka laih me dayak danab ah daatteb amu, ag appanu eɗun uɗin, iguppa daaglag,” awa atte.

Jeremaia 42:11

Ag gemu Babilon dilag king baɗidtteb, amge ag nuhignu aib baɗappig. Da ag ele daatta, da ag ehanadppi, ag padal ii memana. Da ag ehanadppi, Babilon dilag king ahilagppa eheɗ laa ii hema amunu, ag nug aib baɗidppig,’ awa atte.

Jeremaia 51:46

Ag Yawe amu hekkunu ameg menana, ag maɗ laappa ulah nai, “Babilon wanppa nug qak naɗi daatte,” dooglag. Maɗ laappa, “Babilon dilag okkai nug okkai laa umu eɗidkkunu hette,” dooglag. Ag anam anam aakku dooglag, amge ag ulah nai amu doon, ag aib ottaippig, aib baɗappig.

Joel 3:7

Amge antteg! Ag heeg, danab adebatainu ag dahilad danab ah daden maadna, diin goppig amu, da heppi, dahilad danab ah ag ahan eɗun uɗippeg, da ag Tair, Saidon, Pilistia ele ag dahilad danab ah dilagppa heppig, amubia da ahilagppa hekkul.

Jeremaia 3:18

Haen amuppa Juda danab ah, Israel danab ah ele ag oh qagmena, wan laa yawalti uɗitteppanu daatte, ag wan amuppanu ahan uɗin, wan da ag mamelkad aɗi ag aulag daakkunu mattami ele, ag uɗin, wan amuppa daaglag.

Jeremaia 23:7

Amu Yawe Nug atte. “Amu haen laa uɗitte, haen amuppa danab ag ahilag nai ɠagattag qa anaknu, ag baula, ‘Yawe Nug genab Israel danab ah Isip wanppanu omalatte beppig, genab amubia nai da akkulnu hettem am genab,’ ii amana.