Aisaia 43:2 - Nobonob Baibel

² Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Aisaia 43:2 Referans Kwoze

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Sam 66:12

Na uuikke, ihinkad kekeɗ ag ig ikkinkad tappaladppig. Ig danab ag aab ewak ooppa, o iitta le ui oowo, wana gotteb bia anam oimut. Anam, amge uɗat amu ohppa na daanna, amu gemu na ig omaigna, aben enanagppa uɗie daattem amunu, ⌊ig bau ena daattem. Ig neta ii qemut daattem⌋.

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Hibru 11:29

Israel danab ag Kayaknu oolagppa genab dooppig amunu, ag wan qaɗaiettakppa oittem, amubia ag le kokoɗ mataɗna laih wappig. Amge Isip ag anam hekkulagnu heegeg, le tonatte ag oh mauhppig.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Sam 66:10

Am genab, O Kayak, na ma anttak ig mekkame. Ao, danab nug silwa babaitta epeɗia awak daakkunu uɗat hette, amubia ig enanag bekkunignu, na hee, uug ihinigppa beum.

Eksodas 14:29

Amge Israel amu, ag wan qaɗaiettakppa ena goppig. Yu nug laih laih ɠagattag gilil bia dayeye, ag gona, laih mataɗna teppig.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Aisaia 30:27

Yawe Nug umanunab uɗitte. Nug oo nauhak huanak aab ewewe, aab kah tette, amubia dootte. Yawe Nug nai uug naunab, oppoɗi bak ele maditte. Ao, Nug lemaɗu am aab aɗu, keeke oh ewadtte, amubia daatte.

Aisaia 29:6

Nug am ag Juda danab ah gumatta tula bekku. Hakkaɗ qeebeb, mim neebeb, oqotti huanak oobob, ulah kilibob heebeb, ulah laa ele huanak uɗiebeb, aab ewa naɗi dittia, keeke ewebeb, Nug tula bekku.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Eksodas 3:12

Amu Kayak Nug inam aum. “Da na ele daagnih. Amu geha na da, da na Israel ehanadkkutnu meitti gome ootppa genab dookkutnu at am, haen na Israel danab ah omaladppe, ag Isip uuglag, haen amuppa ag oh uɗin, ag qauko imuppa da noolppa dup nona binal mekkulag,” awa aum.

Sam 32:6

Amunu O Yawe, danab oh ag genab tutukku hak kobol dim lamidtteb ele, ag uug bette haenppa na unuqidkkulag am ena. Ao, ag na unuqidkkulag dayeb amu, uug okkai, le naɗi hiɗ bette bia beeb, uug amu ii tonadma.

Aisaia 43:5

Ag aib baɗappig. Aɗinu? ⌊Da heppi, ag laih laih mattatun gona daaglag, amge⌋ da ehanadppi, ag aam bedeppanu, aam nodeppanu ele eɗun uɗiglag.

Jeremaia 42:11

Ag gemu Babilon dilag king baɗidtteb, amge ag nuhignu aib baɗappig. Da ag ele daatta, da ag ehanadppi, ag padal ii memana. Da ag ehanadppi, Babilon dilag king ahilagppa eheɗ laa ii hema amunu, ag nug aib baɗidppig,’ awa atte.

Jeremaia 46:28

Anam amunu, O Jakop buɗub, ag dahilad maɗi nid amu, ag aib baɗappig. Aɗinu? Da ag ele daattem. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Daniel 3:23

Daup ag nid ewam buɗiatteg, aab eheɗ gakkaɗomppa teegeg, daup mauhegeg, nid ewam ag hippalattak ɠagattag ele aab ewa huanaknab gakkaɗomppa tena noppig.

Hagai 1:13

Danab ah ag amu digmen heegeg, Yawenu nai awa ukkak danab Hagai, nug Yawenu nai imu danab ah mattom. “Yawe Nug inam atte. ‘Da ag ele daattem,’ awa atte,” awa aum.

Job 5:19

Kayak Nug baubau ehanitteb, na qagaiettakppa ii daamna. Ge, haen kuɗum uug nahip-ppa bekkunu daakku, amge nahip-ppa ii bema.