Aisaia 43:16 - Nobonob Baibel

¹⁶ Amu Yawe Nug anukka Israel ag yu mataɗkkulagnu Nug he, le naɗi gamagppa ib dayom. Ao, Yawe Nug Israel ag yu mataɗkkulagnu Nug he, le koɗkoɗ qak ele gamagppa ib aakku dayom.

Aisaia 43:16 Referans Kwoze

Aisaia 51:10

Na hee ⌊ib daakkunu⌋, yu okkai, umanab noa ukkak ele, yu ⌊aben amuppa⌋ iite qaɗaiettom. Na amu hena, na danab ah nahipad ag qagaiettakppanu eɗua uhuqak hena mattame ele, na ag laih gokkulagnu na ib laa, yu amu gamagppa iite bappaidme?

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Sam 77:19

Nahip ib am yu gamagppa ukkom. Ao, na ippun am le naɗi gamagppa ukkom. Nahip ib am anam, amge auntai laa na baen abenab anidkkunu elele iitta dayom!

Jeremaia 31:35

Amu Yawe Nug he, aam amunppa amahaltte, Nug a, kalam, hoɗopai ele tuqan amahaltteb. Nug he, yu duban qe, oqotti huana otte. Nug onig am Yawe Nukka Ɠagattag Oh Ele, amu Nug atte.

Aisaia 51:15

Da am Yawe, da am ahilag Kayak. Da hei, yu eheɗnab koɗkoɗ qette,” awa atte. ⌊Laa anam maditte amu,⌋ Nug onig am Yawe Nukka Ɠagattag Oh Ele.

Sam 106:9

Nug he, ib man qaɗaiettak Le Kokoɗppa beum. Nug he, yu unuqagppa wan qaɗaiettak, atu taɗakppa qaɗaiettak daatte bia dayom; amu amuppa Israel danab ah omalattom.

Sam 78:13

Nug ag noolagppanab he, yu obate, laih laih dayeye, amuppa omalattom! Ao, Nug he, le gilil bia heqolag laih laih hippaidya daapiɗ!

Nehemaia 9:11

Na hee, yu obata, laih laih dayom amunu, ig mamenkad aɗi ag wan qaɗaiettakppa le amu mataɗna goppig, amge na hee, Isip dilag daup lamadppig ele ag waeg, yu eɗua abenppa ukka, tonatta auta autanab awom. Ag men yu unuqagnab notte bia nona, yu ooppa daappig.

Revelesen 16:12

Ag oolag ii eɗue, engel ebqak 6 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, Yupretis leppa no, le amu aam bedeppan king ag gona ban hekkulagnu ib bappaidkkunu qaɗaiettom.

Eksodas 14:29

Amge Israel amu, ag wan qaɗaiettakppa ena goppig. Yu nug laih laih ɠagattag gilil bia dayeye, ag gona, laih mataɗna teppig.

Eksodas 14:16

Israel ag geha nona, ena gona, wan qaɗaiettakppa laih tekkulagnu amu, na dudqak hokkat nahip human, yu epponppe, geha yu nug oppata, aɗit laih laih ukka, ɠagattag gilil bia daakku.

Aisaia 44:27

Da le yuppa gotteb, yu ele qaɗaiettaglagnu ai ag qaɗaiedatteb.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Sam 77:20

Na nahipad danab ah sipsip ameg laa diia ukkak bia omaladme. Na Moses, Aron ele ehanate, aa amu hepiɗ.