Aisaia 43:10 - Nobonob Baibel

¹⁰ Amu Yawe Nug ele atte. “Ag Juda danab ah, ag am da aɗi aɗi hei anidppig amu, ag laa amelagppa amunu mattiglagnu danab ah dahilad daatteb. Laa ele amu, ag am dahil maɗi nid daatteb. Da ag dahil maɗi nid daaglagnu tituanadmi. Ag da dooiɗkkulagnu, ag dahilnu oolagppa genab dooglagnu, ag da am Yawe, ag amunu diignu doyak tutukku aɗaglagnu ele da anam tituanadmi. Da haen oh daami. Kayak laa dayeye, dimppa da ii uɗimi. Iitta! Da haen oh daami. Da malappi, kayak laa ii daama. Iitta! Da haen oh daakkul. Da dakka, da Yawe daattem.

Aisaia 43:10 Referans Kwoze

Aisaia 41:4

Aun nug digmak haenppanu uɗie, gemu ele danab ah aun aɗi laa ag dokkulagnu, ag aɗi hekkulagnu ib ag madatte bia, nug okkai imu nug doa, uɗat amu oh hekkunu he hette? Aun nug amu oh gumaama daatte? Am da, Yawe. Da digmak haenppa daami. Da haen gog tekku ele, da amuppa daakkul,” awa aum.

Aisaia 45:6

Wan atu ohppanu danab ah, ag laa da bia ii daatte dooglagnu amu, da diig amunu ɠagattag medakkul. Da aakkuib am Yawe; Kayak laa ii daatte.

Aisaia 43:12

Da, Yawe, da ag Israel, ag padal memananu ehanadkulnu ami. Da anam awoya, da amu hemi. Kayak hambuppuak atu laihnu anam ii heum. Ag Israel, ag, ‘Da am Kayak,’ ag amu anidna malappig amunu, ag laa amelagppa amunu mattiglagnu danab ah dahilad daatteb.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Pilipai 2:7

Iitta! Nug kobol amu uua, tatam dayom bia daakkunu doyaya ii ha, danab beɗu awa, danab ba, maɗi nid hamu bia dayom.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Aisaia 41:20

Da amu hekkulnu diig am, danab ah oh ag imunu dabmak pehettak aon, diignu tutukku doyak aoglag Amuam, da Yawe, da amu hemi. Ao, da, da Israel dilag Kayak Oppiaawak Ele, da amu hemi.” Yawe Nug anam atte.

Revelesen 1:2

Uɗia ippunitte amu Jon keeke oh anttom ele amu, iikku bukppa yom daatte. Kayak aɗi keeke Jesus ippunitte, Jesus Kristus engel amegppa a, engel Jon ippunittom ele amu iikku yom.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 15:27

Amu ag ele dahil nai mattinna oiglagoitte! Aɗinu? Ag digmakppanu da ele daaut uɗie, gemu ele daattem.

Aisaia 41:8

Wan laappan danab ah ag anam baɗan hetteb, amge Yawe Nug atte. “Ag Israel, ag am dahilad maɗi nid maɗi ah ele daatteb. Ao, ag Jakop buɗub, da ag tituanadmi. Ag am da layal Abraham buɗub.

1 Korint 15:15

Eɗua hibaittak nai am nai genab iitta daatte daalo, aria ig hambuppuak danab daatta, Kayak nai amu mehuqttem. Aɗinu? Ig Kayak he, Kristus eɗua hibaittom, ig nai amu miag atiak mehuqttem. Amge Kayaknu ɠagattagppa mauhak danab ag eɗun ii hippaidmana, nai amuam genab daalo, aria Kristus ele Kayaknu ɠagattagppa eɗua ii hippaidlo.

Revelesen 3:14

Nug anam ana, Nug nai tuɗitta aum. “Na nai da attem imu Laodisia Kristen tamaniaknu ikki danab, nuhignu inam ye! Nai imu, laa Nug nuhigppa Kayaknu mattiak tutukku daatte, Nug oo metta ii uuak kobol dim lamitta, Nug laa aɗi heehe anttomnu mattiak danab dayaya, nai genabib maditte, Kayak keeke hattom amu ele Nug atognoadtte, amu nuhigppan uɗitte.

Kolosi 1:7

Epapras, i lainihnab, nug am Kristusnu maɗi nid ena, ihinih uɗat laippu, nug i ehanita, Kristusnu uɗat hekkunu oo metta ii uuak kobolppa hette ele amu, nug ag Jesusnu Nai Ena ippuanatte, ag dooppig.

Aisaia 55:4

Antteg! Da hei, Dawit nug huu digdig dilag gumitta danab dayom. Ib amuppa, da dahil ɠagattag danab ah huu ohppanu amu ippunadmi.

Duteronomi 4:35

Ag Yawe, Nugib am Kayak, kayak laa ii daatte, ag amu dooglagnu Nug keeke amu ippuanatta he anidppig.

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!

Sam 102:27

Amge O Yawe, na amu, na ii baolittem. Ele amu, nahip dayak am ii iitta mette.

Aisaia 45:5

Da dakka aakkuib am Yawe! Kayak laa ii daatte. Na da ii dooiɗttem, amge da heppi, na ɠagattag daakkut.

Aisaia 48:12

Amu Yawe Nug atte. “Ag Jakop buɗub, ag dahil nai doyeg! Ao, ag Israel danab ah, da ag onilagppa emi ele amu, ag doyeg! Da dakka am Kayak. Da hanhan daattem; anuqakppa, batakppa ele da daattem.

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Hagai 2:23

Amge deɗ amuppa da na, na Serubabel, na Sealtiel bekka na, da na ehanidppi, na ena daakkut. Da heppi, na dahil doyaknu at ringppa daatte bia daan, ena daakkut. Aɗinu? Da na dahil daakkutnu tituanidmi.” Yawe Nukka Ɠagattag Oh Ele Nug anam awa atte.

Eksodas 8:6

Yawe Nug a, Aron nug dudqak hokkat huma attan aɗa, le epponatte amu, og kuɗumnab bena, Isip wan amu oh ambeppig.

Duteronomi 4:39

Amunu ag imu dabmettanna, ahilag dabmakppa ɠagattag aɗeg! Yawe Nug am wanppan, habppan ele Kayak daatte, kayak laal iitta.