Aisaia 42:8 - Nobonob Baibel

⁸ Da am Yawe, amuam da onil. Da uuppi, dahil binag amahlak oppiaawak ele am kayak hambuppuak laa, nuhigppa ii daama. Ao, da uuppi, kayak hambuppuak dottog laa da binal ii aoma.

Aisaia 42:8 Referans Kwoze

Aisaia 48:11

Amu da diilnu dabmak anuqak awewe, da ag qagaiettakppanu eɗuen diiadkkul. Ge! Da, da diilnu dabmak anuqak awewe, da ag qagaiettakppanu eɗuen diiadkkul. Aɗinu? Da laa uuidppi, nug heeb, laa ag da onilnu, ‘Am keeke hamu,’ dooglagnu elele iitta. Ao, da laa uuidppi, nug dahil binag amahlak oppiaawak ele awa, nug onigppa qataqekkunu iinab hepa.” Yawe Nug anam awa atte.

Aisaia 43:11

Da, yo da, da am Yawe daattem. Da aakkuib, da danab ah padal memananu ehanittak daattem. Laa iitta.

Eksodas 34:14

Aɗinu? Da Yawe, da onil laa am Dahil Doya Laa Aomanu Doyak Aɗeɗe Daattem; da am Kayak, da dahilad dilagnu dahil doya laa aomanu doyak aɗe daattem amunu, ag kayak hambuppuak laa noobppa dup nona binag aib meppig.

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Eksodas 4:5

Yawe Nug anam a, Moses nug anam he, Yawe Nug aum. “Na Israel gumadna gona, na heme imu bia ele hekkut. Amu na anam hekkutnu diig am, Israel danab ah ag anidna, ag da Yawe, da genab na gumitte nemi oolagppa genab dooglagnu hekkut. Da am Yawe, da ag mamelkad aɗi dilag Kayak, amuam da am Abrahamnu Kayak, am Aisaknu Kayak, amu Jakopnu Kayak ele,” awa aum.

Jon 8:58

Anam aeg, Jesus ag oɗelagppa awa aum. “Da genabnab genab ag amelagppa attem. Abraham ii dayom haenppa da daami, gemu daattem, butti aɗi daakkul,” awa aum.

Duteronomi 28:58

Yawe, ahilag Kayak, Nug binag amahlak oppiaawak ele, danab ag nuhignu dabmenana, ag ebehilag oh bodoetta le mette ele amu, ag nuhignu anam ii dooglag dayeb, ag nuhig ɗo nai buk imuppa yaak daatteb, ag amu tutukku ii dim lamidkkulag dayeb amu,

Sam 66:2

Nug am binag amahlak oppiaawak ele amunu, ag amunu ahi etteg! Yo, ag Nug binag okkainab metteg!

Aisaia 43:3

Ag anam ii nauhmana. Aɗinu? Da Yawe, ahilag Kayak, da am ag Israel, ahilag Kayak Oppiaawak Ele; da am ahilag padal memananu ehanittak daattem. Da heppi, Isip danab ah ag, ag oulag daappeg, ag Israel, ag qagaiettak ii daamna. Ao, da heppi, Kus, Seba danab ah ele ag, ag Israel danab ah oulag daappeg, amuppa da ag Israel eɗuen, aben enappa maadkkul.

Daniel 5:4

Ag wain lanana, ag ahilkad kayak gol, silwa, bras, aen, ad, menppa dottolkad hak ele, ag amu binalag meppig.

Aisaia 48:5

Anam amunu, da keeke imu bekkunu anukkanab ai dooppig. Ao, keeke imu ag ii beppig haenppa da ai dooppig. Da amu heminu diig am, da anam ii helom, ag, ‘Dahil kayak dottog, nug he beum,’ alob. Ao, da anam ii helom amu, ag, ‘Dahil kayak dottog adppa hoiyak, laa aenppa ele hak amu, aa anam bekkunu aeh, aakku beppig,’ alob.

Aisaia 48:6

Da keeke digdig bekku amu, da ii bak haenppa ai dooppig. Ao, da ai doyeg beppig amu, ag amelagppa anadppig amunu, ‘Yawe Nug amu ii heum,’ akkulagnu iite uuglag? Ge, ag nai genab, ‘Yawe Nug amu bekkulagnu ana, he beppig,’ iite akkulag?” ⌊Yawe Nug anam ana mala, Nug nai tuɗitta atte.⌋ “Gemu da digmein, keeke bau, keeke laa ag ii dootteb, da amu appi dooglag. Ao, da keeke lokkumak daatte amu, da amunu appi dooglag.

Jeremaia 33:2

“Da Yawe, da wan hein, da nuhig abenppa daakkunu memi. Da onil am Yawe, amu da nai imu na, Jeremaia, da na amenppa attem.