Aisaia 42:21 - Nobonob Baibel

²¹ Yawe Nug genab tutukku hak kobol aakkuib haen oh hette, amu Nug amunu dabmak anuqak awawa, Nug heeb, ɗo nuhig am binag amahlak oppiaawak ele dayeb, danab ah oh ag dooglagnu oo dayom.

Aisaia 42:21 Referans Kwoze

Rom 3:31

Amunu ig ooppa genab doyak amuppatai ɗo qeut neumte? Iittanab! Ig ɗo aakku qappamut daatte.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.

Rom 7:12

Amunu ig doottem, ɗo nukka am enanag, oppiaawak ele. Amu ɗonu haknunab anak oh ele am oppiaawak, tutukku, amu ena ele.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Aisaia 42:4

Nug amu hekkunu dabmak nug ooppa dayebeb, aɗitai laa ii qeeb nema; nug ooppa ɠagattag ele doyaya, nug uɗat amu ii uuma. Nug heeb, nai doya mala hettoɗia epeɗia elele mettak kobol am danab ah wan ohppa daatteb, ag kobol amu tonatteb oiglag. Danab ah wan miagnu, wan umanu ele, ag nuhig nai amuppanu ena bekkulagnu dabmak aɗan oiglag,” awa atte.

Sam 71:19

O Kayak, nahip genab tutukku hak am attannab daatte. Na, laa iitta, na keeke okkai okkai kuɗum heme. Auntai laa nug na bia ii daatte. Laa iitta.

Sam 40:8

O dahil Kayak, nahip dabmaknab awak aɗi daatte amu, da amu hekkulnu ool daatte. Yo, nahip ɗo amu, da oolppa memi daatte”.

Galesia 3:21

Anam amunu, ɗo nug am Kayak anukka nai qakka aum ele, amunu kekeɗte? Iittanab iitta! Aɗinu? Ɗo am danab bauklel mattaknu ii daatte. Ɗo laa ig danab bauklel megakkunu daalo amu, ig ɗo amu dim lamidpput, Kayak Nug ihinignu, “Genab tutukku hak danab ah,” akkunu elele, amge ɗo laa anambia ii daatte.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Rom 10:4

Juda ag anam hetteb, amge Kristusnu uɗat okkaippa, ig oonigppa genab doottem ele amu, ig ib amuppa genab tutukku hak danab bemut daattem. Ig ɗoppa genab tutukku danab ah ii bettem. Uɗat amu Kristusnu uɗat okkaippa aakku iitta meum amunu, danab oh ag Kristusnu oolagppa genab dootteb aakkuib Kayak Nug ahilagnu amu, “Genab tutukku hak danab,” awa atte.

Jon 15:10

Da Mamenu haknunab anak dim lamittette, nuhig oo mauhak ooppa daattem, amubia ag dahil haknunab dim lamidkkulag amu, ag haen oh dahil oo mauhak ooppa daaglag.

Jon 8:29

Am laa Nug da meiɗe uɗimi ele, Nug da ele daattem. Nug da ii uuiɗe, dakka ii daattem. Aɗinu? Da haen oh keeke Nug oo niitte ele, da amu hettem,” awa aum.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Sam 71:16

O Naɗi Yawe, da na keeke okkai okkai hemenu binan mekkul. Ao, da laa oh amelagppa, na nakkaib, na kobol genab tutukku dim lamidttemnu akkul.

Sam 138:2

Na hee, na onin, nahip nai ele anuqak daattep amunu, da ool ekuɗe, nahip mettid lag nahipnu tituanak daatte, da aben amu neegppi ukkeb gomelen, da na oo mauhaknab kobol, oo metta ii uuak kobol ele dim lamidttemnu dabmein, da na amenppa, “Ena heme,” akkul.

Aisaia 51:4

Amu Yawe Nug atte. “Ag danab ah dahilad amu, ag dahil nai doyeg! Ge, ag huu dahil amu, ag daulag human, dahil nai doyeg! Aɗinu? Da heppi, danab ah ag ɗo dahil dooglag. Ao, da heppi, dahil nai doya mala hettoɗia epeɗia elele mettak kobol am danab ah oh dilag amahlak daakku.

Duteronomi 4:6

Ag tutukku doon dim lamidkkulag! Aɗinu? Amuam ag am doyak dabmak ena ele, diignu doyak tutukku ele ahilagppa daatte amu, am wanppan wan laala amu ippunadkku. Laa ag ɗo amunu doona amu, ag inam akkulag, “Israel wanppan danab ah ag am huu okkainab, ɠagattag ele; ag doyak dabmak ena okkai ele. Ag diignu doyak tutukku ele,” akkulag.

Duteronomi 4:8

Am wanppan wan laa, wan amuam ɠagattag, ag ɗo genab tutukku iɗu iɗu ele, da ag madattem imu bia elete? Iitta!