Aisaia 42:16 - Nobonob Baibel16 Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa. Gade chapit la |
Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.
Yawe, Nug ag Israel, ag ahilag qagaiettakppanu eɗua uhuqaknu ehanittak daatte, Nug ag Israel, ahilag Kayak Oppiaawak Ele amu, Nug atte. “Da am Yawe, da ag Israel, ahilag Kayak daattem. Da ag kobol aɗi aɗi am ahilagnu ena, laa oh eɗidtte amu, da kobol amu ippunadttem. Ao, ib ag gokkulagnu daatteb ele amu, da ib amuppa gokkulagnu ulum madattem.
“Da geha anuqe ukken, na uug nau nittamanu da danab nug laa ag ib laappa oiglagnu ib bappaidtte bia, da ehanitte, nahip ib babaitte medakkul. Amu danab laa, aab okkai, o iitta lag laa ooppa nokkunu od brasppa hattak, o manak qaknu keeke aenppa hattak okkulatta, ooppa notte, amubia da na ehanitten, qagaiettak okkai anidkkut amu, da mautkkul.
Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.
ag laa enug aqadtte ele ee mattaglag dayeb, ag laa ag ɠagattag iitta daaeg, laa ag eheɗ hadatteb ehanadkkulag dayeb amu, Yawe Nug heeb, ag danab nug gatatuppa padal mekkunu oiyeye, laa amahlak mette, ena oitte, ag amubia ena daaglag. Ao, Nug heeb, ag danab nug gatatuppa padal mekkunu oiyeye, laa he, amahlak okkainab, amun bia be, ena oitte, amubia ag ena daaglag.
Amu laa ag nuhikkud danab ah dilagnu, “Danab ah Yawenu oppiaawak ele,” akkulag. Ag, “Danab ah umu amu, Yawe Nug ag hipuninnu qagaiettakppanu eɗua uhuqak ha mattom,” akkulag. Ag Jerusalemnu, “Danab ah ag aab okkai amunu oolag hette,” anana, ag, “Aab okkai amu hamu dayom, amge gemu anam ii daatte. Danab ah ag eɗun, appa daatteb,” akkulag.
⌊Ag laa ag anam hetteb amu, ag⌋ Laa Nug hoɗoppai huu mak laa onig Pledes, laa onig Orion ele, Nug ag hatta, abenalkadppa mattom daatteb, ag Laa Nug he, tuqannu gatatu am eɗua, wagkkaɗakppa amahlak daatte, ag Laa Nug he, amunnu amahlak am eɗua, tuqannu gatatu daatte, ag Laa Nug he, yuppan le am wan tonadtte, Nug onig am Yawe, ⌊ag Nug mattina, dim lamidkkulagnu mattieg⌋!