Biblia Todo Logo
Bib sou entènèt

- Piblisite -




Aisaia 42:15 - Nobonob Baibel

15 ⌊Da ag anam ehanadkkulnu hein, danab layag ehanidkkunu keeke kuɗum he nauhakib daatte, amubia⌋ da qauko okkai, amu qauko nakok ele hadappi, ag nauhaknab bena daaglag. Da heppi, ad keeke, ag qaukoppa daatteb amu, ag qaɗaiettaglag. Amu ele da heppi, le, amu le ameg ele ag qaɗaiettaglag.

Gade chapit la Kopi




Aisaia 42:15
22 Referans Kwoze  

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.


Da le yuppa gotteb, yu ele qaɗaiettaglagnu ai ag qaɗaiedatteb.


Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.


Anam a amu amemɗi awewe, hakkaɗ diigppa qeeqe, hakkaɗ qa aɗeɗe ne, mim okkainab ele neum. Digmakppa uɗie uɗie, deɗ mim amu neum, haen amu ohppa danab ah wanppa daanna, ag mim okkainab laa amu bia neene ii anidppig. Iitta! Neum imuam laa oh eɗattak.


Ag oolag ii eɗue, engel ebqak 6 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, Yupretis leppa no, le amu aam bedeppan king ag gona ban hekkulagnu ib bappaidkkunu qaɗaiettom.


Anam amu, haen amuppanab mim okkai laa ne, aab okkai amuppa lag 10 oolagppa laippu nauhom, lag 10 laa oolagppa laippu nauhom, amu aab okkai ohppa anamib beum. Amu danab 7,000 mim amuppa mauhppig. Laa oh bau daappig ele ag baɗak eheɗ nau dooppig. Baɗak eheɗ nau doon, ag Kayak binag amahlak oppiaawak ele medappig.


Da ehanadppi, ag danab nug yu naɗi, duban huanak ele mataɗa gokkunu hette, amubia dayebeb uug eɗadkkulag Ao, da heppi, yu duban am iitta mekkulag, Nil le ele qaɗaiedakku. Da heppi, Asiria danab, ag am dada danab amu, ag uɗalag nekku. Ao, da heppi, Isip nauhkku.


Aɗinu ag ii baɗamna? Yawe Nukka Ɠagattag Oh Ele, Nug inam ele atte. “Haen elab iitta, da hab, wan, yu, wan qaɗaiettak ele oh baula heppi uɗalkkulag.


Mim naɗi anam neeb, yuppan kakai, ai hagagaɗna oitteb, atuppan doɗ, doɗ manan, doɗ laa ag oolag wan qeeqe oitteb oh ele, amu wan atu ohppa danab ah ele ag ohnab ag da noolppa daan, oolag eheɗ baɗeb, hahaɗkkulag. Qauko ag honap neppeg, bai nena qeppeg, aɗ oh loppaɗakib daaglag,” awa atte.


Da neekki ukke, qauko ele anadmi, amu qauko okkai ag uɗalegeg, qauko nakok ag danab ameg uuette, pehettak ii daatte, ag amubia heppig anidmi.


Da heppi, qauko ag eɗun aon, ib daaglag, amu ib da bappaidttem ele, amu oh am ib enaib daaglag.


Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.


Amu Yawe Nug imu ele atte. “Antteg! Da heppi, ag Israel ag ahilkad kekeɗ eɗadna autna aoglag. Ag danab nug ee aeg mumuɗaknu keeke palang otala okkaippa hak uɗat amu haaha, nug ee aeg qagmak okkai okkai, qauko bia ha malatte, amubia ag kekeɗ eɗadkkulag. Ag heppeg, ahilkad kekeɗ ag nauhna autna aoglag.


Da keeke haknu yag-nab-bak doyeye, da oppoɗil ele aab aɗu bia beeb, da heppi, mim naɗi okkai Israel wanppa nekku.


Swiv nou:

Piblisite


Piblisite