Aisaia 42:11 - Nobonob Baibel

¹¹ Ag danab ah atu taɗakppa daatteb, atu taɗakppan keeke oh ele ag baalag okkaippa Yawe binag meig! Kedar buɗub, ag Yawenu oolag gamag ahaɗ! Ag danab ah Sela daatteb amu, ag oo gamag ahak doon, ahi etteg! Ge, ag oo gamag ahak doon, ag qauko attan taadna daanna, ag laa, ag amu dooglagnu baalag okkaippa eig!

Aisaia 42:11 Referans Kwoze

Aisaia 32:16

Nai doya mala hettoɗia epeɗia elele mettak kobol am atu taɗakppa daakku. Ao, genab tutukku hak kobol am wan ittag eleppa daakku.

Aisaia 60:7

Kedar danab ag ahilkad sipsip, meeme ele manan Yawe mettaknu aon uɗiglag. Ao, Nebaiot danab ag sipsip dawai amunu aon uɗiglag. Ag aon uɗiglag amu, Yawe Nug amunu atte. “Ag aon uɗippeg, ag main meɗappeg, da oolppa ena, elele dookkul. Ag amu heppeg, da heppi, danab amu ag dahil mettid lag binag amahlak oppiaawak ele, ag appan bala bia daaglag,” awa atte.

Nahum 1:15

O Juda danab ah, ag qaukoppa neekkeg! Appanu laa nai ena awa uɗitte. Nug ahilag wanppa maɗoɗ daaglagnu nai awa uɗitte. O Juda danab ah, ag ahilag qagmak gamag ahak ele haenppa, ag gamag ahak ele daan, ag Yawe amegppa aɗi keeke genab hekkulagnu nai anan qagappig amu, ag anam heig! Aɗinu? Nau hak danab ag baula ahilag wanppa ban hekkulagnu ii temana. Iitta. Da heppi, nau hak danab ag nauhna autna aona, padal mekkulag.

Aisaia 52:7

Danab laa nug qauko letata uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb. Ge! Danab nug uɗia, nug nai ena, maɗoɗnu nai, ehanitteb padal ii maknu nai ele mattiaya, nug Juda danab ah amelagppa, “Ahilag Kayak Nug laa oh eɗatta, keeke oh gumatte,” atte amu, danab ah ag ahilag neekkak nuhignu am enaib anidtteb.

Aisaia 35:6

Danab ag baelag laih nauhak ele, ag tappan gonana, oolna tena oolna nenana, ahi ele goɗappeg, danab ah ag oɗelag qamutak ag geha nai mattinna, oo gamag ahak okkai doon, ewak okkai hekkulag. Yawe heeb, wan meu waknu nakokib elele, appa le okkai huanak daakku. Ao, atu taɗak, appa lenag kuɗum daaglag.

Aisaia 21:16

Amu Naɗi Nug da amelppa inam aum. “Danab ah Kedarnu ⌊amuam Arebia danab ah⌋ ag binalag am geha iitta mekkunu maɗ laippu daatte. Maɗi nid nug uɗat hekkunu tituanak waappa dayaya, haen amu malakkunu deɗ laib laib tutukku elelenab ebqette, amubia maɗ da geha iikku amunu na amenppa ami, maɗ amunu deɗ amu maleb, geha keeke amu oh bekku.

Aisaia 16:1

⌊Uug nau amu bekku, haen amuppa amu,⌋ ag Moap, ag ahan, ag sipsip nalkad akkan, ⌊danab laala eppelagppa meppeg, laa amu⌋ ag aab okkai Selanu ahan, sipsip amu aon, atu taɗak oppatna Sion gona, ag Juda danab okkai takis mattak bia metteg!

Sam 120:5

Dahilnu am gadonnab gadon. Aɗinu? Da danab ah oolagppa daattem amu, ag am Mesek danab ah bia. Ao, danab ah imu, da ag ele daattem amu, ag am Kedar danab ah bia.

Genesis 25:23

Oɗ mette, amu Yawe Nug aum. “Danab ameg aɗit na ootppa daattep. Ao, na menuatppe, aa appatya, ameg piɗe piɗe daaglah. Ameg laa amu, nuhig ɠagattag am laa eɗidkku. Ge, nid tatamnu am nid gehanu waappa daya, nuhig uɗat hekku.” Yawe Nug anam aum.

Jeremaia 49:16

Ag Esau buɗub ag qauko igippa daatteb. Ag ahilag aab baippa kalatteb. Ag anam daanna, ag heeg, danab ah laa ag baɗak eheɗ nau dootteb. Ag am dada danab. Ag anam daatteb, amge keeke aɗit amu ag buppualatteh, ag eheɗ dabmena, ‘Ig neta ii qemata,’ anan oitteb. Ag aben ɠagattag, ai igel daatteb bia daatteb, amge da ag appanu aɗualadppi nekkulag,” awa atte.

Jeremaia 48:28

Ag Moap, ag amu heppig, gemu ele hetteb amunu, gemu ag ahilkad aab uun, aben hamu, men eleppa dayeg! Ag ai uppuɗil beɗulag nakok, nug teɗ nuhig men oɗenu oɗe guguittak hette, ag amubia dayeg!

Jeremaia 21:13

Yawe Nug anam anana, Nug ag amelagppa imu ele atte. ‘Ag Jerusalem daatteb, ag oolnu noak akka daugppa, men kuɗum daattebppa daatteb. Ag atteb. “Auntai nug eheɗ heigkkunu elele? Aun nug padal mak eɗitteb ena dayaknu aben ihinig imu bekkunu elele?” atteb. Ag anam atteb, amge da ahilag hak amunu eheɗ doyeye ool ii madattem.

Aisaia 43:19

Antteg! Da keeke bau hettem. Keeke amuam geha iikku bekkun daatte. Ag iite anidtteb? Da atu taɗakppa ib laa madakkul. Ao, da wan meu waknu nakokib elele, da appa le hadappi gokkulag.

Aisaia 35:1

⌊Amu Aisaia nug haen laa dimppa, haen amunu nug inam aum⌋. Dimppa amu, atu taɗakppa, amu atu taɗak huana qaɗaiedatte ele amu, aben amuppa wanppan keeke oh ena beppeg, gamag ahak daakku. Ao, wan meu waknu nakokib elele, wan amuam gamag ahak daakku. Amu appa, bala onig lili mappatadtteb bia, bala huan mappatadkkulag.

Obadaia 1:3

Ag Edom danab, ag qauko igippa daatteb. Ao, ag ahilag aab baippa kalatteb. Ag anam daanna, ag dada danab bena daatteb. Ag anam daatteb, amge keeke amu buppualatte, ag eheɗ dabmena, nai mattinna, ‘Aun ig eɗikkeb, ig neta qekkunignu laa iitta,’ anana oitteb, amge iitta!

Aisaia 40:3

Doyeg! Da laan baag inam eewo doottem. “Atu taɗakppa ag Yawe uɗikkunu ib babaitteg! Ao, wan meu waknu nakokib elele, appa ag ib tutukku, tak nak iitta ele ihinig Kayaknu babaitteg!

Aisaia 12:5

Yawe Nug ihinignu ehanittak okkai okkai heum amunu, ig nuhignu ahi ettaladtu; ig wan atu oh danab ah amelagppa amunu apput doyeg!” Ag anam ahi ettaglag.

Jeremaia 49:31

⌊Amu Yawe Nug Nebukatnesar amegppa atte.⌋ “Na, nahipad daup ele ag huu laa, ag uug iitta doon daatteb, ag, ‘Laa eheɗ ii heigma,’ anan oitteb ele, ag amu dilag ele banelag gona, aqaglagnu ban heig! Huu amu ag aab aɗ eleppa ii daatteb. Ag akka ag piɗe daanna oitteb.

Esekiel 27:21

amu Arebia danab, Kedar dilag anuqak danab ele ag nahip keeke ele aoppig. Ag amu aoglagnu hena, ag sipsip nag, sipsip dawai, aria meeme ele aon uɗin, amuppa nahip keeke daden meppig.