Aisaia 4:2 - Nobonob Baibel

² Aria haen amuppa amu, Yawenu wan, am Israel amu, wan amuam aben anttaknu enanag, onig binag oppiaawak ele daakku. Am geha wanppanu ee meulkad ena huan obeppeg, Israel danab ah qagaiettaknu ii mauhppig daatteb, ag amu oh anidna, diig amunu ag oolag gamag huan ahebeb, danab ah laa ag binalag mekkulag.

Aisaia 4:2 Referans Kwoze

Sekaraia 6:12

Na amu hewona, na nug amegppa inam akkut. Yawe Nukka Ɠagattag Oh Ele Nug inam atte. Laa nug onig Ad Diigppa Ita Bau, nug nuhig abenppa dayaya, elelenab mekku. Nug Yawenu mettid lag eɗua bappaidkku.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Sekaraia 3:8

O mana mettak ikki danab Josua, ag mana mettak danab laa oh ele, ag daulag human, dahil nai doyeg! Aɗinu? Ag mana mettak danab, ag am butti aɗi kobol ena bekkunu at daatteb. Laa am, da heppi, dahil maɗi nid, Nug am ad diigppa ita bau bette, amubia bekku, amu Nug uɗikku.

Aisaia 27:6

Amu qinob dimppa, haen laappa ⌊Yawe Nug heeb⌋, Jakop buɗub ag ad diɗi wanppa noum daatte bia daaglag. Ao, Israel danab ah ag am ad haɗag qa, meu metta, meu huanak otte, ag amubia daaglag. Amu haen amuppa Israel ag anam daappeg, ahilag meu ena wan oh tonadkku.

Joel 2:32

Anam amge aun laa nug Yawe onigppa eeb amu, Yawe Nug ehanitteb, nug padal ii mema. Am aɗinu anam bekku? Yawe aumbia, qauko Sion, am Jerusalem appa ele, oɗo yaak danab daaglag. Ao, oɗo yaak danab oolagppa laa, Yawe onilagppa eum ele, ag daaglag.

Jeremaia 33:15

Haen amuppa da heppi, danab laa Dawit buɗubppanu bekku; ad diigppa ita bau bette, amubia bekku. Nug am genab tutukku danab. Nug ba, nug wan imuppa hanhan nai doya mala hettoɗia epeɗia elele mettak kobol, kobol tutukku ele, nug amu dim lamidkku.

Obadaia 1:17

Amge dahilad danab ah uug haenppa ii mauhkkulag amu, ag qauko Sion, appa ehanittak aon daaglag. Sion am dahilnu tituanak daakku. Anam amu, Israel danab ah ag eɗun, ag aulag wan, da, Yawe, da ag mattami amu, ag amu eɗun aoglag.

Jeremaia 44:14

Juda danab ah uug nau dimppa oɗo yaak daan, Juda wanppanu ahan Isip daaglagnu uɗippig amu, ag bu amu aoglag. Ag uug amu qe-eɗidkkulagnu elele iitta. Ag qe-eɗidna, bau daan, eɗun Juda wanppa gona daaglagnu oolag huana hette, amge ag anam ii hemana. Oola ukkak danab laib laibnab aakkuib ag hekkulag.” Yawe Nug anam awa atte.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Aisaia 53:2

Ee qaɗu yuɗ gai-iitta wanppanu bette, amubia Yawenu maɗi nid Nug noobppa ena meum. Ao, nug diɗi laa wan qaɗaiettakppa bette, amubia Yawenu maɗi nid nug Yawe noobppa ba, ena meum. Danab kuɗum ag danab laa, nug beɗu enanag, anttaknu ena ele amu, ag amu anidna, “Ihinig okkai aakku,” doon, ag nug dim lamidtteb, amge Yawenu maɗi nid, nug anambia iitta. Ao, danab kuɗum ag laa nug beɗu enanag, diig amunu ag, “Ig danab amu nug ihinig okkai daakkunu oonig daatte,” atteb, amge Yawenu maɗi nid nug amubia ii dayom. Iitta.

Sam 72:16

Ihinig wanppa ee dattanu meu huana okkulagnu ool daatte. Yo, qauko ikkilkadppa ee bekkulagnu ool hette. Ad meulkad oeg, ig lattem ele, Lebanon appa ena betteb amubia, ippa ena bekkulagnu ool daatte. Ge, gikkiɗah atuppa hamu betteb, ad meu amubia bekkulagnu ool hette.

2 Pita 1:16

Ig kaya, hamu doyaknu am ittag qak ele, auntai laa nug nukka, nuhig dabmakppa he beppig amu, ig kaya amu laa aot, ihinig Naɗi Jesus Kristus, Nug wanppa uɗiom, Nug am ɠagattag ele, ig amunu ag amelagppa ii mattimut. Iitta. Ig amenigppanab, Nug am danab dagom onig ɠagattag ele anidmut, amu ig amunu ag amelagppa mattimut.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Matyu 24:22

Anam daatte amunu, Kayak Nug haen amu tutu daakkunu, haen amu ii okkullo, danab ah oh padal melob, amge Kayak nug nuhikkud tituanattom ele, Nug amu dilag dabma, haen tutu okkulkku.

Sekaraia 9:17

Wan am enanag, neekkak enanag ele daakku. Anam amunu, ee aeg am heeb, nid danab ag enanag bena daaglag. Ao, wain bau am heeb, ah makkun ag enanag bena daaglag.

Joel 3:18

Haen amuppa amu, grep dad meu enanag otteb ele, am qauko oh tonadkkulag. Amu ag Israel, ag ahilkad makau, meeme ele qaukoppa gikkiɗah lanan daanna, huh huanaknab mattaglag. Le nakok Juda wanppa daatteb amu, ag ii qaɗaiettamna. Laa ele, Yawenu mettid lag ooppanu amu, le laa uɗiaya, oolnu noak ad akasia betteb amu, aben amu oh le madakku.

Esekiel 7:16

Danab ah aun aɗi ag ii mauhkkulag amu, ag oolna, qaukoppa gona, appa ag oh anen anen ahilag hipuninnu dabmenana, uppuɗil beɗulag nakok ele oolnu noakppa daatteb, uppuɗil amu ag oo doyak ele gaatteb, danab ah ii mauhkkulag amu, ag amubia gaaglag.

Jeremaia 44:28

Laib laibib ag qep elabppa ii mauhna, eɗun Juda wanppa gokkulag. Anam beeb, Juda danab ah oɗo yaak daan, uɗin Isip wanppa oitteb ele, ag ahilag nai am ɠagattag daakku, o dahil nai am ɠagattag daakku, ag amu dooglag,” awa atte.

Aisaia 45:8

Gu na, wan oh leppu medatte, amubia genab tutukku hak kobol hab attannu wan atu oh tonaɗ! Ao, gu lombigppanu na, wan oh leppu medatte, amubia genab tutukku hak kobol hab attannu na, wan atu ohppa dayaɗ! Wan nug gu awe, keeke bette, amubia ⌊genab tutukku hak kobol neeb,⌋ Padal ii maknu ehanittak kobol ba, okkai maɗ! Ao, wan gu awe, keeke bette, amubia ⌊genab tutukku hak kobol neeb,⌋ kobol amu, Padal ii maknu ehanittak kobol ele oh laippu okkai meiɗ! Da, da Yawe, da kobol amu hei beum.

Aisaia 30:23

⌊Ag amu heppeg,⌋ Yawe Nug heeb, gu nug keeke ag ebappig ele le medakkunu neebeb, ee meu huanak, ittag ele wanppanu aoglag. Haen amuppa ahilag makau ag gikkiɗah dad okkai okkaippa gikkiɗah lanan daaglag.

Aisaia 11:4

Amge nug geha kobol genab tutukku ele dim lamitta, nug daɗek danab ah dilag nai am epeɗia bappaidkku. Ao, nug nai doya mala hettoɗia epeɗia elele mettak kobol dim lamitta, nug danab ah huu laa ag keekenu tutu meppig daatteb, nug amu dilag nai am epeɗia bappaidkku. Nug ab, geha danab ah kobol nau heppig ag bu aoglag. Ao, nug geha naiib ab, nau hak danab ag mauhkkulag.

Sam 67:6

Ihinig wanppa ee kuɗum be, ig aomut; Kayak, Nug am ihinig Kayak, Nug itittak ena ig mekkom.

Eksodas 28:2

Amu danab ag Aron anidna, ag nug am dagom danab, binag ele dooglagnu, ag Aronnu mana mettak lamen amu koitna, Aron metteg! Lamen amuam Yawenu tituanak daaglag.

Aisaia 26:1

Geha dimppa haen laa uɗieb, danab ah Juda wanppa daatteb, ag geha ahi imu ettaglag: Ig am aab okkai ɠagattagnab ele. Yawe Nug he, Padal ii maknu ehanittak nuhig am aab amunu aɗ, wan buue te aɗ itak ele daatte.

Aisaia 60:15

Am genab, da hei, laa ag ahilagnu nau ninig ele doon, ag uɗin heeg nauheg, laa nug laih gokkunu ippa uɗia, haen tutu dayaya ii ukkom. Iitta. Ib laa awa, laih ukkom. Anam, amge da heppi, Jerusalem babaittak dayeb, danab ah ag Jerusalemnu enanagnab, aab bala enanag dooglag. Ag Jerusalemnu oo gamag ahak okkai hanhan dooglag.

Aisaia 61:11

Anam amunu, ee tumu wanppanu genab digma ba, okkai mette, o dattanu keeke genab bette, amubia Naɗi Yawe Nug heeb, genab tutukku hak kobol wan atu ohppa okkai meeb, danab ah ag Nug binag mekkulag.

Esekiel 34:29

Da heppi, wan laappan danab ah ag Israel wan ittag huanaknab ele, ee meu huanak ottenu ele nai dooglag. Amu Israel ag ahilag wanppa daappeg, da heppi, ag enug haen baula ii anidmana; wan laihnu danab ele baula ag aon aon ii aqamna.

Esekiel 36:8

Amge ag Israel dilag qauko, Israel danab ah ag paha eɗun uɗiglag amunu, Israel ag ee lakkulagnu ad ahilagppa bena, meu okkulag.

Malakai 3:17

Amu Yawe Nukka Ɠagattag Oh ele Nug atte. “Deɗ adekkuppa da dahil keeke enanag oh qagmaadkkul amu, deɗ amuppa danab ah amu ag dahiladnab daaglag. Nid mameg nug nid nuhig dabmetta ehanidtte amu, uug beebeb, mameg nug nid amunu oo bodoetta le mak doyaya, uug bette ele amu, mameg nug nid amuppa bemanu wagai mette, amubia da danab ah amu dilagnu oo bodoetta le mak doyeye, uug ahilagppa bemanu aib akkul.