Aisaia 39:6 - Nobonob Baibel

⁶ ‘Haen laa genab uɗikku, haen amuppa amu, nahip lag enanagnab, ippan keeke, keeke oh na mamenad aɗi ag qagmeppig ele, Babilon danab ag uɗin, keeke amu akkan aon gona, Babilon mekkulag. Keeke laippu laa ii daama.’ Yawe Nug anam atte.

Aisaia 39:6 Referans Kwoze

2 King 24:13

Nebukatnesar nug anam hewowa, nug Yawenu mettid lag ooppa noa, nug Israel dilag king Solomon lag amunu keeke golppa hattom amu, nug amu oh awa, aria en laa oh ele Yawenu mettid lagppanu awa, am kingnu lag enanagnabppan en ele awa, nug keeke amu oh akka, Babilon ukkom. Nug keeke oh akka ukkom amu, anukka Yawe Nug amunu nai mehuqom, amu Nebukatnesar nug anam haaha, nug anamib heum.

Jeremaia 20:5

Amu da heppi, Babilon dilag king nug Jerusalemnu en oh, amuam men doɗo, gol, silwa, stoappan keeke, amu Juda dilag kingnu en oh ele, nug amu oh aokku. Nug awowa, nug awa, Babilon gokku.

Daniel 1:2

Nebukatnesar, nuhikkud daup ele ag anam heeg, Naɗi Nug he, ag Juda dilag king Jehoiakim aoeg, nug Nebukatnesar eppegppa daye, Nebukatnesar nug Kayaknu mettid lagppan keeke laala ele diiom. Keeke amu nug awa ukka, nuhig kayaknu mettid lag Babilon wanppa daatte, amuppa, en maknu oo, nug appa meum. ⌊Nug keeke awa Babilon ukka, Nug Jehoiakim, Juda laala ele diia, ag Babilon wanppa diia ukka laih me dayak danab ah daaglagnu ukkom.⌋

2 Stori 36:18

Nebukatnesar nug keeke laala oh Kayaknu mettid lag, nug amuppanu, keeke laala am okkai, keeke laala am keeke nakok, nug keeke amu oh, aria en ele Yawenu mettid lagppanu akka, Babilon ukkom. Nug Juda dilag king, nuhikkud ehanittak anuqak danab dilag en ele akka ukkom.

2 Stori 36:10

Jehoiakin nug king ba daye ukke, aam haen digmeumppa Babilon dilag king Nebukatnesar nug he, nuhikkud daup ag gona, Jehoiakin omalna, Babilon goppig. Ag nug omalna gonana, ag Yawenu mettid lagppan keeke daden maknu am men doɗo okkai ele, ag amu ele aon goppig. Ag amu heeg, Nebukatnesar he, Jehoiakin mameg nakok Sedekaia nug Juda oh dilag king ba dayom.

Esekiel 23:26

Ag nahip lamen huana pattiɗna awona, ag nahip bala enanag ele aɗidna aoglag.

Daniel 1:3

Nebukatnesar nug anam ha, dimppa nug nuhikkud ehanittak anuqak danab dilag ikki danab onig Aspenas uɗat laa metta, Aspenas nug Israel danab bau Nebukatnesar aɗa diia, Babilon wanppa ukke, nug eppegppa daappig oolagppanu laib laib, laala ag am king tiilagppanu, laala ag am danab okkai tiilagppanu amu, nug ag amu laa tituanadkkununab aum.