Aisaia 36:9 - Nobonob Baibel

⁹ Ag am elele iitta. Ag Isip ag daup bannu karis attan daan ban hetteb, daup ag hos attan daan ban hetteb ele maadppeg uɗin, ehanittak mattaglagnu dabmetteb, amge amuppa ag ehanittak ii aomna amunu, ag Asiria dilag ban daup ikki laa, nug Asiria dilag ban daup ikki oolagppa nakok daatte amu, ag nug eɗidkkulagnu amu, ag attem hena eɗidkkulag? Iitta.

Aisaia 36:9 Referans Kwoze

Aisaia 10:8

Anam amu, diig amunu nug ⌊beɗu akoniaya⌋, ‘Dahil ban danab ikkilkad ag anen anen ag king bia iite daatteb?

Jeremaia 2:36

Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Aisaia 36:6

Antteg! Isip am dudqak hokkat nau, qao aoɗakppa hak bia daatte. Danab nug dudqak hokkat amu eppegppa aɗa, dud qa oikkunu heebeb, hokkat amuam eppeg yaakku. Isip anam daatte, amge na ag na ehanidkkulagnu dabmettem. Aun aɗi ag Isip ehanadkkunu dabmetteb ele amu, Isip dilag king Paro, nug ahilagppa dudqak hokkat anambia daatte,” ’ ” awa aum.

Aisaia 31:3

Isip danab ag am danabib, ag Kayak iitta. Ge! Isipnu hos ag doɗ. Ag ouɗi iitta. Yawe Nug ɠagattag nuhigppa heeb, miag atieb, Isip dilag daup, ag laa ehanadkkulagnu hetteb ele amu, ag taataɗ qekkulag. Ao, danab laa ag Isip appanu ehanittak aotteb, ag nena qekkulag. Ge, ag oh laippu padal mekkulag.

Aisaia 30:7

Ag Isip gotteb, amge Isip nug ag ehanadkkunu elele iittanab iitta. Isip nug anam daatte amunu, da Isipnu, “Nug am doɗ beɗu okkai okkai, amge gai-iitta daatte,” attem.

Aisaia 20:5

Anam beeb amu, danab ah laa ag Kus dilagnu oolagppa genab dooppig, ag Isip binalag meppig amu, ag geha keeke uug ele amu beeb anidna, ag geha baɗan, uɗalag nekku.

Prowerb 21:31

Danab ag hosppa daanna ban hetteb ele, ag hos banppa gokkulagnu bappaladtteb; amge ban eɗittaknu, amuam Yawe, nuhigppaib daatte.

2 King 18:24

Ag am elele iitta. Ag Isip ag daup bannu karis attan daan ban hetteb, daup ag hos attan daan ban hetteb ele maadppeg uɗin, ehanittak mattaglagnu dabmetteb, amge amuppa ag ehanittak ii aomna amunu, ag Asiria dilag ban daup ikki laa, nug Asiria dilag ban daup ikki oolagppa nakok daatte amu, ag nug eɗidkkulagnu amu, ag attem hena eɗidkkulag? Iitta.

Duteronomi 17:16

Am king nug nukka nuhig hos kuɗum ele daakkunu ii hema. Nug danab nuhikkud maatteb, Isip gona, hos daden ii mekkulagoitte. Aɗinu? Yawe Nug ag amelagppa aum. “Ag eɗun, Isip ii gokkulagoitte.”

2 King 7:6

Aɗinu? Aram ban danab amu oh oolna goppig. Amunu diig am, tueb amuppa Naɗi Nug he, Aram ag oqotti okkai dooppig; ban danab ameg naɗi, hos, bannu karis ele dilag oqotti okkainab bia doon, ag inam appig. “Israel ag Hit danab, Isip danab ele, ahilkad king daden matteg, ahilkad ban danab ag banenig uɗin, ig iqaglagnu uɗitteb,” aon appig. Ag anana, ag paha ahan, daappig aben amu uun, oolna goppig.

Aisaia 36:8

⌊Asiria dilag ban daup ikki banppa o ban guguittakppa daatte nug anam anana, nug tuɗitta, Juda awa awa aqatta, inam aum.⌋ “Ahappeg! Ag dahil naɗi, Asiria dilag king, ag nug ele nai qakkeg! Ag amu hekkulag dayeb amu, da hos 2,000 ag madakkul, amge ag Juda ag danab 2,000 hos amu attan daan gona, ban hekkulagnu anadkkulagnu elelete?