Aisaia 36:2 - Nobonob Baibel

² Asiria dilag king nug eɗatta haaha, Lakis appa ban haaha, nug he, nuhig ban daup ikki banppa o ban guguittakppa daatte, ban daup ameg naɗi ele ag Lakisnu ahan, King Hesekaia gumidna, Jerusalem goppig. Ag gona, Jerusalem gukkuidna tena daappig. Ag tena daappigppa am le ippu laa dayom. Le am le ameg nakok attannu le ippu amuppa noa, aab ooppa ukkom. Appa laa ag lamen hekkulagnu henana, lamen tatam ihona heppig amu, ag appa ihappig. Ban daup ikki, daup ele ag ib aben amuppa gotte ele, ag ib amuppa daappig.

Aisaia 36:2 Referans Kwoze

Aisaia 7:3

Ag anam heegeg, Yawe Nug Aisaia amegppa inam aum. “Na bekkat Searjasup aoppe goya, aa King Ahas antteɗ! Anidkkulahnu amu aa goya, le laa onig ‘Le Gottu Attan,’ atteb, aa le aben amunu gappad naɗi batakppa, aben amuam ib okkai lamen hetteb guguittak, aa goya, aben amuppa teya, king anidkkulah.

2 King 18:11

Asiria dilag king nug Israel diia, Asiria ukka, nug Israel laala aab Hala maattowa, laala amu diia ukka, Gosan aab nuhig wan ele, appa le Habor guguittak ele maattowa, Midia wanppan aab laalappa ele maattom.

Aisaia 36:8

⌊Asiria dilag ban daup ikki banppa o ban guguittakppa daatte nug anam anana, nug tuɗitta, Juda awa awa aqatta, inam aum.⌋ “Ahappeg! Ag dahil naɗi, Asiria dilag king, ag nug ele nai qakkeg! Ag amu hekkulag dayeb amu, da hos 2,000 ag madakkul, amge ag Juda ag danab 2,000 hos amu attan daan gona, ban hekkulagnu anadkkulagnu elelete?

Jeremaia 34:7

Jeremaia nug nai amu Sedekaia amegppa aum, haen amuppa Babilon dilag king Nebukatnesar nug Jerusalem, amu Juda aab aɗit laa, aa ii neya qepiɗ ele, amuam Lakis, Aseka ele, nug aab ewam amuppa ele ban heum. Aab ɠagattag, aɗ ele Juda ooppa daappig amu, aab amu oolagppa aab ewam amu aakkuib ag ii nena qeppig; Nebukatnesar eppegppa ii daappig.

Maika 1:13

Israel danab ah ag hipunin heppig, hipunin amuib ag Lakis daatteb, ag beɗulagppa ba dayom amunu, ag heeg, Juda danab ah laa ag digmena, hipunin heppig. Anam amunu, ag Lakis danab, ag karis diiadna, hos amu eeɗadkkulagnu qakkalatteg!

1 King 20:2

Ag anam henana, Benhadat nug nai laa nai awa ukkak danab amelagppa a, ag aon aab okkai Samaria ooppa gona, Israel dilag king Ahap amegppa appig. Ag inam appig. “Benhadat nug atte.

Maika 1:9

Aɗinu da anam gaakkul? Samaria nug guittak okkai awom; eɗua ena daakkunu elele iitta. Ao, guittak amu Juda ele aokkunu miag doum daatte. Dahilad danab ah dilag wannu odppanab uɗiom daatte. Am Jerusalem aabppanab beum, aakku daatte.