Aisaia 36:10 - Nobonob Baibel

¹⁰ Keeke laa amu, Yawe Nug iite a, da banelag uɗien, wan imu eɗitten, heppi nauhkkulagnu uɗimi? Nug a, da amu hekkulnu aakku uɗimi,” awa aum.

Aisaia 36:10 Referans Kwoze

2 King 18:25

Keeke laa amu, Yawe Nug iite a, da banelag uɗien, wan imu eɗitten, heppi nauhkkulagnu uɗimi? Nug a, da amu hekkulnu aakku uɗimi,” awa aum.

1 King 13:18

Aria, Kayaknu propet amu nug anam a, propet kaino nug aum. “Am da ele am propet, na bia,” awa aum. Nug anam anana amu, nug inam ele aum. “Yawe Nug engel laa he, engel nug da amelppa aum. ‘Na gona, danab amu eɗun omalppe, na lautppa ukkeb, ee, le ele lakkunu medakkut,’ awa aum.” Nug anam aum, amge nug hambuppuom.

2 Stori 35:21

Josaia nug nuhikkud daup ele ag anam heeg, Neko nug nai awa ukkak danab maatte, Josaia gumidna wana, Nekonu nai inam nug amegppa appig. “O Juda dilag king, da na ele am nai iitta. Ii oonihppa uug laa ii daatte. Da na haen imuppa banen ii uɗittem. Iitta. Da wan laa ele, da ag ele ban hettem amu, da ag banelag gottem. Kayak Nug da imu paha hekkulnu da amelppa aum amunu, na tuɗidna, Kayak ele ban aib heme. Nug da ele daattep amunu, na nahip hak ii uukkut amu, Nug heeb, na nauhkkut.” Ag nai amu Josaia amegppa aeg doyom.

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Aisaia 37:28

Na hee, ag anam daappig, amge na adeppa daattem amu, da doottem. Na ahan laih gottem amu, da doottem. Na eɗun uɗittem amu, da doottem. Da amu oh doyen, da na dahilnu oppoɗi bak huanak doottem amu, da doottem.

1 King 22:6

Jehosapat nug anam a, aria Ahap, Israel dilag king, nug he, propet danab, ahilag ebqak am 400 anam, ag uɗieg, nug ag oɗ mattom. “Da Ramot, Gileat wanppanu, banelag ukken, aab amu eɗue aokkulte, o iitta da iitai gopa?” awa oɗ mattom. Nug ag anam oɗ matte, ag appig. “Na ahan ukke! Naɗi Nug aab amu na eppenppa mekku,” aon appig.

1 King 22:12

Sedekaia nug anam a, propet laa oh ele ag anamib madippig. Ag propet nai inam King Ahap amegppa appig. “Na aab Ramot, Gileat wanppanu baneb gona, ban hena, genabnab genab aab amu na geha aokkut. Yawe Nug geha na ehanitteb, Aram eɗadkkut,” aon appig.