Aisaia 34:7 - Nobonob Baibel

⁷ Makau okkai ebehi ele dakkuɗ am ele aqeb mauhkkulag. Makau gaiɗ, makau dawai okkai okkai ele aqeb mauhkkulag. Edom wanppa tiig huanaknab neeb, tiilag am wan amu toneb, leppu medakku. Ao, wan amuppan mauhak huanaknab dayebeb, ittag am gappud ele kabolieb, gappud leppu ambak ele bia daakku.

Aisaia 34:7 Referans Kwoze

Sam 68:30

O Kayak, ihinkad kekeɗ ag doɗ ɠagattag bia daatteb. Na heppe, ag nena qekkulagnu oɗ medattem. Ao, ihinkad kekeɗ ag am doɗ ɠagattag laa nug doɗ gai-iitta guittak medatte bia henan daatteb. Na heppe, ag nena qekkulagnu unuqidttem. Ihinkad kekeɗ ag wagai meegeg, ig takis mattagnignu oolag he hettem, amge na heppe, ag uɗalag nekkunu oɗ medattem. Na heppe, danab ah wan anen anennu ag ban hekkulagnu enanagnab dootteb ele amu, ag oolna gona, matatun daaglagnu unuqidttem.

Namba 23:22

Kayak Nug ag Isipnu diia, omalatte uɗippig; makau okkai ebehi ele dakkuɗ am ɠagattagnab, amu ahilag ɠagattag am amubia daatte.

Jeremaia 50:27

Babilon dilag daup enanag, ag makau gaiɗ bia daatteb, amge ag kekeɗ ag Babilon dilag daup amu oh aqappeg mauheg! Ag Babilon, ag ahilagnu gadonnab gadon. Aɗinu? Ahilag bu awak haen aakku uɗiom daatte,” awa atte.

Jeremaia 50:11

Amu Yawe Nug atte, “Ag kekeɗ ag dahiladnab danab ah eheɗ hattana, ahilag keeke aon gotteb ele, ag amunu oolag gamag ahatte. Makau balat, mameg qakkaknu muɗi uhuqe, enanag dootte bia, ag dahilad danab ah dilagppa eheɗ heppignu enanag dootteb. Ag hos dawai enanag doyaya, huana gaatte bia, ag gamag ahak doon etteb.

Jeremaia 46:21

Wan laalappan daup, Isip ag daden mattegeg, ag ahilkad daupnab ele daatteb amu, daup amu ag makau nag aɗ ooppaib dayeye, ittag huanak ele daatte bia daatteb amunu, ag ban hekkulagnu elele iitta. Kekeɗ uɗin, ban hebeppeg, ag Isip dilag daup ele oh eɗun oolna gokkulag. Laihppan daup ag ɠagattag daan, ban ii hemana. Aɗinu? Uug naunab haen aakku ahilagppa uɗitte. Ao, ag ahilag bu awak haen aakku uɗitte.

Sam 92:10

Na, da ɠagattagnab, makau okkai ebehi ele dakkuɗ bia heiɗme. Yo, na da itiɗna human qeme.

Duteronomi 33:17

Josep buɗub ag makau dawai ɠagattagnab bia daatteb. Ahilag ɠagattag am makau okkai ebehi ele dakkuɗnu qeqeɗi bia. Makau qeqeɗippa danab yaatte, amubia nug buɗub ag wanppan wan laalappan danab, ukkeb ukkeb, wan batakppa, ag eɗadkkulag. Epraim buɗub 10,000 gane ag anam daatteb. Ge! Manase buɗub 1,000 gane, ag anam daatteb,” awa aum.

Namba 24:8

Kayak Nug ag Isipnu diia, omalatte uɗippig; makau okkai ebehi ele dakkuɗ am ɠagattagnab, amu ahilag ɠagattag am amubia daatte. Ag huu laala, ahilkad kekeɗ amu, ag heeg nauhadtteb. Ao, ag ebehilkad qiialatteg, naunau netteb. Ag latppa aqatteb.

Sam 22:21

Na da ehaniɗppe, laion laa oɗe aaha emaiɗma, da na oɗ medattem. Yo, na ehaniɗppe, makau okkai ebehi ele dakkuɗ qeqeɗilagppa yaaiɗppeg, da padal mepanu unuqidttem.

Aisaia 63:6

Da ool nauhehe, da wan atu laihppan huu tabatti neppig. Ao, da oppoɗil beebe, da hei, ag nena qeppig. Da ag tiilag wanppa gokkaɗmi.” Laa uɗiom ele nug anam aum.

Jeremaia 25:34

Ag gumak danab, ag danab sipsip gumadtte bia ag gumak danab daanna, danab ah gumadtteb, ag eheɗ gaanna, mahieg! Ao, ag gumak danab, ag danab sipsip gumadtte bia daan, ag danab ah gumadtteb amu, ag gappudppa niin, beɗulag itoɗinna dayeg! Aɗinu? Danab ag doɗ kuɗum aqaeg mauhtteb bia, kekeɗ ag banppa ag aqappeg mauhkkulagnu haen aakku beum daatte. Ao, ag aakku hinai enanag na qa aoɗtte, ag amubia daaglag.

Esekiel 32:6

Da heppi, na tiin am huana neeb, wan nahip qauko diigppa batak, wan amu oh qaɗeppa toneb, oolnu noak oh na teppun ambekku.

Esekiel 39:17

Amu Yawe Nug anam awowa, Nug tuɗitta aum. “Danab bekka, da Naɗi Yawe, da inam attem. Na ai oh, amu doɗ dakkuɗ oh ele ag danab daaloblob bia, na ag onilagppa eppe uɗippeg, na ag amelagppa inam appe doyeg! ‘Ag ai oh, ag doɗ dakkuɗ oh ele ag uɗin, hobul naɗi, danab nug doɗ huanak aqa manatta, Kayak medatte bia, da hobul amubia ahilagnu Israel qaukoppa bappaidkkulnu hettemde; ag aguppa dayeg! Ag appa teppu, tiig ele lakkulag.

Esekiel 39:18

Ag sipsip dawai, sipsip nag, meeme, makau ele, oh ittalag huanak, wan Basannu lalob bia, ag ban danab ɠagattag teppulkad lanana, anuqak danab tiilag ele lakkulag.