Aisaia 34:4 - Nobonob Baibel

⁴ ⌊Haen amuppa⌋ Yawe Nug heeb, habnu keeke, amuam aam kalam hoɗoppai keeke, keeke amu oh iitta mekkulag. Ao, Nug hab itoɗieb, qak daakku. Hoɗopai oh ag muɗi grep uɗulkad qaɗaiettan, nena qetteb bia nena qekkulag. Ao, ag ad fig uɗulkad qaɗaiettan, nena qetteb bia nena qekkulag.

Aisaia 34:4 Referans Kwoze

Matyu 24:29

Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Joel 3:15

Deɗ amuppa amu, aam, kalam ele aa gatatu maiglah, hoɗopai ele ii amahalmana; iitta.

Revelesen 8:12

Aria, engel ebqak 4 nug nuhig trampet iwale amu laa he, aamnu laih laippu, kalamnu laih laippu, amu hoɗoppai ameg laippu ele, amu oh ii amahalppig; aamnu laih aɗit laa, kalamnu laih aɗit laa, amu hoɗoppai ameg aɗit laa ele, amu oh amahalppig. Anam amunu, amunppa aua waɗele am amahlak iitta, tuqanppa ele aua waɗele am amahlak iitta.

Matyu 24:35

Hab wan ele am iitta mekkulah, amge nai dahil am iitta iinab mema.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Aisaia 13:10

Amu deɗ amuppa habppan hoɗopai ag amahlak ahilag ii wan mettamna. Am genab, habppa hoɗopai huu mak daatteb, ag amahlak ahilag wan ii mettamna. Aam bau bette am amahlak nuhig wan iinab mettama; kalam nuhig amahlak ele wan ii mettama.

Aisaia 13:13

Amu bekkunu amu, da heppi, geha hab nug uɗalebeb, wan ele uɗalala kekuɗa, aben laappa, nuhig aben iittappa gokku.” Yawe Nug anam awa atte. Yawe Nukka Ɠagattag Oh Ele, Nug oppoɗi beebe, oo nauhak huanaknab ele bette amunu, deɗ amuppa amu oh bekku.

Aisaia 14:12

⌊O Babilon dilag king⌋, na amu buttuanu hoɗoppai boitinan bia daame, amahlak okkai ele, amge gemu na habppanu nena qena, uɗin wanppa qeme. Na anukka daanna, na wan kuɗum eɗadme, amge gemu laa nug na ha buɗitte, wanppa neme.

Hibru 12:27

Amu, “Baula,” nai amu inam ippunigtte. Kayak Nug anukka keeke hattom ele amu, keeke amu oh geha uɗalkkulag. Keeke oh diignab iitta ele daatte amu, uɗalak amu heeb, iitta mekku, baula ii daamna. Keeke laa, diignab ele amu, keeke amu aakkuib geha daakku.

Revelesen 6:12

Kayak Nug anam he amu, Sipsip Nag Nug buk itoɗiakppa qataqak ebqak 6 tolele anidmi. Tole, mim okkai wanppa neum. Aam gatatu mane, wan gatatu manom. Gatatu mane amu kalam nug kokoɗ, tiig bia, dayom.

Aisaia 51:6

Ag danab ah ag amelag human, hab anidna, ag honap wan ele antteg! Aɗinu? Qinob dimppa hab nug aab kah iitta mette bia iitta mekku. Ao, wan ele am alag ma, iitta mekku. Ge, danab ah wanppa daatteb amu, ag qabuttid mauhtteb bia mauhkkulag. Keeke oh anam iitta mekku, amge dahil danab ehanatte, padal ii metteb kobol amu, kobol amuam hanhan daakku. Ao, genab tutukku hak kobol dahil am iitta ii mema.

Joel 2:10

Ag oiyona ukkaegeg amu, wan hab ele uɗalttep; aam, kalam ele gatatu manaeh, hoɗoppai ele ii amahaltteb.