Aisaia 34:16 - Nobonob Baibel

¹⁶ Na Yawenu buk itoɗiak laappa neegna, amuppa aɗi yaak daatte ebqe! Am inam. “Doɗ amu laa am appa daakkunu ii uuma. Ag ohnab ahilag ehanittak ele appa daaglag. Yawe Nug amu bekkunu Nug oɗeppa haknunab mattiom amunu, am anam bekku. Nuhig Ouɗi Nug doɗ amu oh aguppa qagmaadkku amunu, am anam daakku.”

Aisaia 34:16 Referans Kwoze

Josua 1:8

Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.

Matyu 5:18

Da genab ag amelagppa attem. Hab wan ele ii qettoɗak haenppa, haen aa daapepeɗ, ɗonu nai huppu nagnag laa, huppu laa oh dilag okkai am imu eɗidtte, huppu amu nuhig uɗat gogppa ii tak dayeb amu, huppu nagnag amu iinab qettoɗma.

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Aisaia 30:8

Yawe Nug da ⌊nuhig nai Juda dilagnu⌋ yaappi dayebeb, gemu, hanhan ele nai amuam Yawenu dabmak ippunattatta daakkunu da amelppa aum. “Na ahan, uɗugppa ye! Ao, na buk itoɗiakppa ye!” awa aum.

Jon 10:35

Anukka Kayak nai wan imuppan danab, amu dilagppa ukkom amu, amuppa Nug ahilagnu, ‘Ag am Kayak ganiappud,’ aum. Aria ig doottem, Kayaknu nai keeke laa hambuppuak ii ippunigtte. Iitta! Tutukkuib ippunigtte

Prowerb 23:12

Laa nug ippunittak nai ena na medatte amu, na doon autna awe! Ao, na daut human, doyak enanu nai doon autna awe!

Luk 21:33

Hab wan ele am iitta mekkulah, amge nai dahil am iitta iinab mema,” awa aum.

Malakai 3:16

Amu laa ag Yawenu anam eheɗ mattin appig, amge laa ag genab Yawenu ebehilag oh bodoetta le mette ele, ag akka akka ⌊Yawenu⌋ mattiak ⌊tutukku⌋ heeg, Yawe Nug ag keeke madippig amu doyom. Nug doya he, laa Nug noobppa daya, laa amu onilag buk itoɗiakppa daakkunu yom. Amuam laa ag Yawenu ebehilag oh bodoetta le mette, ag Nug binag metteb ele, nug ag onilag buk itoɗiak amuppa yom.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.

Daniel 10:21

Nug uɗikku, amge tatam da nai buk laa onig Nai Genabnu Buk, nai buk amuppa daatte am appi dookkut. Da amu hekkul amge tatam na imu dookkut. Persia dilag okkai, Grik dilag okkai ele, danab aɗit amu aa da ele ban hettem; laa ehaniɗlob, amge laa anam ii hetteb. Iitta. Nahip ehanittak okkai Maikel, nug nukka ehaniɗtte.

Aisaia 58:14

ag da, Yawe, ag da ele daagnignu oo gamag ahak dooglag. Ag amu oh hekkulag dayeb amu, da heppi, wan laappan danab ah ag ahilagnu, ‘Ag binalag ele,’ dooglag. Ag amu hekkulag dayeb amu, da heppi, ag mamelag Jakopnu wanppa daanna, wan amuam nug aug amu, ag wan amuppa ee ena, okkai ele aon lanan daaglag,” awa aum. Yawe Nug anam mattiom daatte amunu, am anam bekku.

2 Pita 1:19

Amunu ig propet ag nai appig ele amu, ig nai amunu oonig unuqagppa genab doottem. Anam amu, ag propet nainu daulag human doon autna aweg! Aɗinu? Ahilag nai am hul, gatatu abenppa amahlala daatte bia daatte. Amu ag ahilag nai dabmenan daappeppeg, propet nai am anam amahalebeb ukkeb ukkeb, Jesus Nug eɗua na, ag oolagppa amahalkku batak am ena.

Aisaia 1:20

Amge ag dahil nai ii dim lamidkkulag dayeb, ag da waalppa dayaknu uun, nai dahil tabappeg neeb, geha kekeɗ dilag qep elab ag laadkku.” Yawe Nug anam mattiom daatte amunu, am anam bekku.

Genesis 6:17

Da keeke bau wan qaɗeppa oitteb ele amu mauhkkulagnu heppi, le hiɗ naɗi bekku. Beeb amu, keeke amu oh mauhkkulag.

Jon 5:39

Ag Kayak nai yaak niitte, nai amu ebqena autna aona, ‘Nai amu bauklel hanhannu megatte,’ atteb, amge nai amuam dahilnu aakku atte

Duteronomi 31:21

Anam heppeg amu, geha uug naunab, amu uug digdig laa ele bekkulag. Ahi da ippunadkkul ele, ahi amuam laa aɗi heehe anttomnu mattiak danab, am danab amubia dayaya, Israel danab ah ag nau heppignu ippunadkku. Aɗinu? Ag buɗulkad ag ahi amu daulag ii atima. Danab ah imu ag diilag attemunab amu da doyadttem, amu wan da ag mamelkad aɗi madakkulnu dahil nai ɠagattag qetta anak ii hemi dayeye, da ag iikku doyadttem. Ge, gemu ele, da ag aɗi hekkulag, da doottem.” Yawe Nug anam Moses amegppa aum.

Aisaia 14:31

O ag Pilistia huu aab okkainu aɗnu od ooppa daatteb, ag qaneg! Ao, ag Pilistia danab ah aab okkaippa daatteb, ag laa mauhe, danab ah qanatteb bia heig! Ge, ag Pilistia huu aab okkai adeppa adeppa daatteb, ag huanaknab baɗeg! Aɗinu? Laih yawalti uɗitteppanu ban danab huu buttuɗai bia uɗitteb, amu oolagppa laippu laa ɠagattag iitta laa iitta. Iitta. Anen anen oh ag danab ɠagattagib.” Yawe Nug anam atte.

Aisaia 40:5

Ag anam heppeg, geha Yawenu binag amahlak oppiaawak ele am miag atia dayebeb, danab ah oh ele anidkkulag.” Yawe Nug anam mattiom daatte amunu, am anam bekku.

Aisaia 40:26

Ag attan neegna, habppan keeke antteg! Aun nug keeke amu oh heum? Laa Nug keeke amu oh gumaama, Nug keeke amu oh onilkad dootte ele, Nug heum. Nug am ɠagattag okkai naɗi ele amunu, habppan keeke oh am hanhan anamib daatte. Laa iinab qettoɗtte.

Aisaia 21:17

Kedar ag ban danab ɠagattag; ag latppa ban haknu ag doon autna aotteb, amge geha ag nauhppeg, ban danab ameg nakokib daaglag.” Aɗinu? Yawe, Nug Israel dilag Kayak, Nug anam awa atte.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.