Aisaia 34:10 - Nobonob Baibel

¹⁰ Amun tuqan ele wan amuam ewawa daakku. Ao, aab kah appanu am hanhan taataib daakku. Wan amu hanhan hele-ettak daakku. Ge, danab laa haen laa baula wan amu tom laihnu ukka, tom laappa ii goma. Iitta!

Aisaia 34:10 Referans Kwoze

Revelesen 19:3

Ag awona, ag baula eɗun enan appig. “Ig Naɗi binag metu! Aab okkai amunu aab kah hanhan tette,” aon appig.

Aisaia 66:24

Amu dahilad danab ah ag aab dimittim gona, ag danab ah ag da waalppa daaglagnu uun, dahil nai tappaeg neum ele, ag danab ah amu gaɗalag anadkkulag. Amu ag gaɗalag niiglagppa amu, gawat naunau ag hanhan daatteb, aab aɗu aguppa daatte ele ii qauhtte. Danab ah oh ag gaɗalag amu anidna, ag eheɗ nau, gahag bak bia ele dooglag.” Yawe anam awa atte.

Aisaia 13:20

Babilon geha nauhkku am inam. Danab laippu laa geha appa eɗua ii daama, ukkeb haen malak batak. Ao, laa appa ii daama, ukkeb ukkeb, gog tak haenppa batak. Geha Arebia danab laippu laa nug uɗia, peh lag nuhig Babilon ii buuma. Amu geha sipsip gumak danab laippu laa nug geha nuhikkud sipsip omalatteb gona, Babilon ee mattin ii lamana. Iitta!

Revelesen 18:18

Ag aab okkai Babilon ewebeb, nuhig kahug amu anidna, enan akkulag. ‘Aab atten amu aab okkai umu ele elele?’ aon akkulag.

Esekiel 29:11

Da heppi, Isip wan nauhakib dayebeb, danab, o doɗ laa Isip wan oppata ii goma; appa laa ele ii daama. Ukkeb ukkeb, maɗ 40 uueb eɗun daaglag.

Aisaia 1:31

Haen amuppa danab ɠagattag ag gikkiɗah bunaɗak bia daappeg, ahilag kobol nau amu aab ewawa, attokke na amu, kobol nau ahilag am aab aeg amubia daakku amunu, aab ewawa, aab adokka na, aeg ta he, gikkiɗah eotte, amubia uɗat nau amu ahilagppa anam hekku. Anam bia hipunin danab ag nob nau aoglag. Amu haen amuppa danab laa nug ag ehanadkkunu laa iitta.

Jeremaia 7:20

Ag nau amu hetteb amunu, Naɗi Yawe Nug imu atte. “Ag hetteb, ahilag hak amunu dahil oo nauhak, dahil oppoɗi bak ele bettep. Amu da oppoɗi bak amu gokkaɗppi, wan imuppa, danab qaɗelagppa, doɗ qaɗelagppa, atuppan adppa, ee wanppa bette ele ohppa gokku. Ukka, aab ewewe, laa qauhkkunu elele iitta bia, amu oh dilagppa daakku,” awa atte.

Aisaia 24:1

Yawe Nug genab geha wan atu oh heeb nauhakib daakku. Nug geha wan tappa oɗoɗa, eɗua eɗua ma heeb, wan am geha eɗua, iɗu laanab daakku. Nug geha heeb, danab ah ag oolna, matatun gokkulag.

Aisaia 34:17

Yawe Nug doɗ amu ag wan amuppa daaglagnu, wan amu ahilag tituana, anen anen daaglagnu wan amu otia mattom. Doɗ amu ag hanhan wan aon, amuppa daappeg, amu ahilagib hanhan daakku.

Nahum 2:10

Kekeɗ ag Niniwenu keeke oh aakku ban hena aoglag. Ag aon gokkulag. Ag anam hebeppeg, Niniwe danab ah ag beɗulag gai-iitta mekku. Oolagppa am ag ɠagattag laa ii doomna. Ag hahaɗppeppeg, ag iɗulag am hakkab ebakku.

Jeremaia 49:18

Kayak he, Sodom, Gomora ele, aab laala aab aɗit amu gukkuatak daappig ele nauhna autna aoeg, danab ah appa laa ii daappig. Appa beum amu, amubia laa nug Edom appa ii daama. Ao, appa danab laa ii daama,” awa atte.