Aisaia 34:1 - Nobonob Baibel

¹ Danab ah wan atu ohppanu ag gumiɗna dona, nai doyeg! Ao, ag wan atu ohppan danab ah, ag daulag human, nai doon, dabmetteg! Ag wanppan danab ah oh, wanppan keeke laa oh ele ag doyeg! Ao, wan atu ohppa danab ah, wanppan keeke ele, ag doyeg!

Aisaia 34:1 Referans Kwoze

1 Korint 10:26

Aɗinu? Wan, amu keeke oh wanppa daatteb ele am Naɗinuib.

Aisaia 43:9

Amu ⌊haen amuppa⌋ wan atu ohppan danab ag ⌊ele⌋ qagmena uɗiglag. Ao, danab ah diig ohnu ag uɗin daaglag. Ag uɗin daaglag, amge ag oolagppanu, o ahilag kayak hambuppuak laa nug keeke bekkun daatte a doomutte? Ahilagppan laa nug digmakppanu uɗia gemu batak, nug haen amu ohppan keeke laanu, keeke amu ii nak haenppa, nug keeke amunu mattie doomutte? Ahilagppan laa nug anam heum dayeb amu, laa nug mattiak amu doyom ele, nug aha, mattieb dootu! Nug anam mattieb amu, laa ag ele ahan, ‘Nug genabib atte,’ akkulagnu elele. ⌊Amge laa anam haknu am iitta.⌋” Yawe Nug anam atte.

Aisaia 41:1

Yawe Nug atte. “Ag danab ah wan miagnu, wan umanu ele, ag uɗippeg, ig oh hettoɗiak abenppa daatta, ag da noolppa daanna, oɗelag qamutna, toettan daan, dahil nai doyeg! Ag daanna, ag akka akka ag oolag ɠagattag aqan, ag da ele nai mattignignu bappaidna, ag da noolppa uɗin daan, ag ahilag nai madippeg doyei! Ig oh qagmeta, aun nug nai genab maditte amu, ig anidtu!

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Jeremaia 22:29

O Juda danab ah. O Juda danab ah. O Juda danab ah, ag Yawenu nai doyeg!

Aisaia 33:13

Ag danab ah uma daatteb, ag da kobol okkainab hemi amu, ag amunu doyeg! Ao, ag danab ah miag daatteb, ag da ɠagattag okkainab ele anidna hambuppuna, ‘Nug gai-iitta,’ aib appig.” Yawe Nug anam atte.

Duteronomi 32:1

⌊Danab ag laa nai mattiegeg dootteb bia,⌋ O hab, da nai madippippi, na doye! O wan, na da nai madittem imu doye!

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.

Aisaia 49:1

Danab ah wan miagnu, wan umanu ele, ag nai dahil doyeg! Ao, ag danab ah wan atu umanu, ag doyeg! Anai da ii menuiɗom haenppa, Yawe Nug da onilppa eum. Ao, da anai ooppa niiiyi, Yawe Nug da onil diiom.

Aisaia 18:3

⌊Amu uug ahilagppa bekkunu nai am inam.⌋ Ag wan ohppan danab, ao, ag danab ah wan atu ohppa daatteb, ag ⌊wan laappa ban ahakkunu daatte miag anidkkulagnu,⌋ haen danab ag pilak qaukoppa qabappeppeg, ag anidkkulag! Ao, ag ⌊wan laappa ban ahakkunu daatte miag anidkkulagnu,⌋ haen danab ag trampet iwalppeppeg, ag daulagppa dooglag!

Sam 96:10

Ag wanppan wan ohnu danab ah oh amelagppa, “Yawe Nug King daatte!” aig! Nug wan ha, abenabppa meum daatte amunu, laih wakkunu elele iitta. Ao, geha dimppa amu, nug hettoɗiak aɗa, danab ah nai doya mala hettoɗia epeɗia elele mettak kobolppa epeɗiadkku.

Sam 50:1

Laa Ɠagattag Okkai Ele, Nug Kayak, Nug Kayak Yawe, Nug danab ah oh, ag laih aam bedeppanu ukkak laih aam nodeppanu danab ah aabaab ohppanu ag uɗina, Nug gukkuidna uɗiglagnu atte.

Sam 24:1

Wan, amu keeke oh wanppa daatteb ele am Yawenuib. Yo wan, amu wanppan danab ah oh amu nuhigib.

Ikki Danab 5:31

Amu Yawe, kekeɗ nahipad oh ag Sisera mauhom bia mauhkkulagnu ool daatte. Anam amge, laa ag nahipnu oolag mauhtte, ag aam ɠagattag ba amahaltte bia amahalkkulagnu ool daatte.” Anam daye, maɗ 40 amu, wan amuppa maɗoɗ dayom.

Ikki Danab 5:3

Ag king daatteb, ag imu doyeg! Yo, ag gumak danab, ag daulag human, doyeg! Da Yawe heumnu ahi edakkul! Yo, da ahi etten, Yawe binag medakkul, Nug Israel dilag Kayak.

Duteronomi 4:26

amunu, gemu da hab, wan ele aa dopeɗ, da nai imu Israel, ag amelagppa madippi, aa dooyya, dimppa aa da genab ag Israel danab ah, da ag amelagppa ami akkulahnu elele daaglah. Ag Israel, ag Jodan mataɗna wana, wan aon daaglagnu daatte, amuppa daaglagnu hetteb, amge diig amunuib ag haen elab appa, wan amuppa ii daamna. Iitta! Aɗinu? ⌊Ag digmen, kayak hambuppuak dim lamidkkulag dayeb,⌋ Yawe Nug genab heeb, ag padal mena autna aoglag.

Genesis 6:13

Antta amu, Kayak Nug Noa amegppa aum. “Danab ah ag heegeg, laa guittak nau mauhnoak mettak kobol am wanppa ambeum daatte amunu, da heppi, danab oh ag iitta mekkulag. Genab da heppi, danab oh, wan ele padal mekkulag.

Aisaia 48:16

Ag Israel danab ah, ag gukkuiɗnanab uɗin, dahil nai doyeg! Anukkanab digmak haenppanu uɗie, gemu ele da keeke bekkunu daatte amu, da lokkumakppa dayeye ii mattimi. Ao, keeke bekkunu daatte mattimi, haen amu uɗie, gemu ele da iikku daattem,” awa atte. Yawe Nug anam atte, amu gemu Naɗi Yawe, Nug nuhig Ouɗi da meɗa, Nug da meiɗe, ⌊nai imu madikkulnu⌋ uɗimi.

Esekiel 38:17

Amu Naɗi Yawe Nug inam atte. “Anukka da propet dahilad, ag am dahil maɗi nid amu, da ag oɗelagppa laanu mattimi amu, amuam na iittate? Haen amuppa propet dahilad ag dimppa aɗi bekkunu nai anan, ag da heppi, Gog na, nahipad ele ag uɗippeg, Israel ele ban hekkulagnu appig,” awa atte.

Obadaia 1:1

Imuam tulegleg Yawe Obadaia ippunitte anttom. Imuam Naɗi Yawenu nai, laa Edomnu dooglagnu meum. “Ig Yawe Nug nai awa ukkak danab laa nug wanppan wan laalappa danab amelagppa nai ab dooglagnu me ukkom doomut. Ao, danab Yawe me ukkom ele, nug nai imu ab dooglagnu me ukkom. ‘Ahappeg ig Edom banelag gotu!’ ”

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Jeremaia 49:7

Edomnu amu, Yawe Nukka Ɠagattag Oh Ele, Nug inam atte. “Teman appa amu, danab laa nug doyak dabmak ena ele iittate? Appa laa nug eheɗ bemanu dabmak awa dabmak amu dim lamittak kobol dim lamitta, okkai danab ulum nai ena iite medatte? Teman danab ah dilag doyak dabmak ena ele am iitta meumte?