Biblia Todo Logo
Bib sou entènèt

- Piblisite -




Aisaia 33:9 - Nobonob Baibel

9 Ihinig wan am nauhak daatte, appa danab ah laa ii daatteb. Lebanon appanu ad huanak bunaɗtteb. Atu onig Saron amu, gemu wan amuam atu Araba, am amubia daatte. Wan laih onig Basan, qauko nuhig Karmel appa amu, ad nauhegeg, uɗulag nena qetteb.

Gade chapit la Kopi




Aisaia 33:9
23 Referans Kwoze  

Keeke kuɗumnab atu taɗak appa mappatadppeppeg, wan amuam bala mabatak ena ele, amubia enanag daakku. Wan amunu keeke oh danab nug oo gamag ahak doyaya, baag okkainab ele ahi edatte, amubia wan amunu keeke oh ag danab daaloblob am gamalag aheb, ahi ettalob. Yawe Nug heeb, gemu laih atu taɗak daatte amu, atu amu qinob Lebanon wan binag ele daatte, am binag amubia ele daakku. Ao, Yawe Nug heeb, atu taɗak amu, am qauko Karmel, uɗem naɗi onig Saron ele, aa aben enanagnab, onig ele, am wan amubia daakku. Yawe Nug heeb, atu amu anam bekku amunu, danab ah atu ohnu ag anam anidna, ag Yawenu binag amahlak oppiaawak ele anidkkulag. Ao, ag Kayak, Nug am ihinig Kayak, ag nuhig ɠagattag okkai naɗi ele anidkkulag.


Yawe Nug a, yu qaɗaiedatte. Ao, Nug a, le oh ele qaɗaiedatteb. Nug a, keeke oh Basan wanppa, Karmel wanppa ele mauɗna netteb. Ao, Lebanon wanppa haɗag oh nauhtteb.


Danab ah dahilad ag da dim lamiɗkkulagnu oolag hette amu, da ahilagnu dabmein heppi, dahil wan ooppa laih onig Saron am sipsip dilag ee lanak aben enanag daakku. Ao, Akornu oolnu noak aben amuppa makau ag wana, hik aon daaglagnu aben daakku.


O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.


Amge da heppi, Israel danab ah ag eɗun, ag wanelagppa daaglag. Sipsip ag Karmel, am Basan ele appa gikkiɗah lanan, ena daatteb, amubia Israel ag ena daaglag. Ag Epraimnu qauko nakokppa, Gileat wanppa ele ee elele aon, oolag dittieb, elele daaglag,” awa atte.


Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi; danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.


Yawe Nug genab geha wan atu oh heeb nauhakib daakku. Nug geha wan tappa oɗoɗa, eɗua eɗua ma heeb, wan am geha eɗua, iɗu laanab daakku. Nug geha heeb, danab ah ag oolna, matatun gokkulag.


Ad pain, ad sida Lebanonnu amu, ⌊ag danab ah daalob⌋ ag gamag ahak doon, ag king amu amegppa alobnab. ‘Laa nug na nitte mauhme amunu, gemu laa ad ob qiikkunu uɗia, nug ig ii oikke neta qettem.’ ” Ag anam ahi ettalob.


Aab Sion na eheɗ gaan, mahiak hekkut. Kekeɗ ag heppeg, danab ah Sion appa iinab daamna. Sion am na qa daakku.


Am Lebanonnu ad sida elab elab ena ena ohnu epeɗiaknu haen, Distrik Basannu ad ok ohnu epeɗiaknu haen ele.


Da am atuppan bala laa bia daattem. Ao, da am bala laa onig lili, bala amuam oolnu noakppa betteb, da amubia daattem.


Am ig nuhig aab okkai oh aomut; ahilag ebqak am 60. Og nug Basan wanppa, wan atu gumom amu, wan amuam Argob. Nug wan amu gumom, amge ig wan amu oh nug eppegppanu aomut.


Nug aha oiyeye, Lidanu danab ah oh amu Saron danab ah ele ag amu anidna, ag oolag eɗue, Jesusnu oolagppa genab dooppig.


Danab nug ad naunau huanak hebebppa oadtte, amubia Yawe Nug heeb, Asiria ag anam iitta mekkulag. Lebanon appa ad okkai elab elab dubuppa daatteb, danab ag gona oadtteb, amubia Laa Ɠagattag Ele, Nug heeb, Asiria ag nena qekkulag.


amge da heppi, kekeɗ ag uɗin, Jerusalem oo mattan, danab aqadkkulagnu daan, appan danab ah ag guittak okkai aon, ag gaanna, mahiak okkai hekkulag. Jerusalem am danab mana mettaknu qaɗab qaɗeppa doɗ tiig gokkaɗeg laidtte, am amubia daakku.


Diig amunu ahilag wan atu taɗatte. Danab ah appa daatteb amu, ag mauhegeg, doɗ dakkuɗ, ai, kakai keeke, ag ele mauhadtteb.


Nug muɗi grep laa, meu ii oɗuom haenppa, meu hamu na qette bia daakku. O iitta, nug olip ad oɗe laa he, haɗag paha bunaɗe, meu ii otte, nau hak danab nug amubia daakku.


Amos nug inam aum. “Yawe Nug Sion dayaya, laion huana gaatte, amubia Nug baag okkai eleppa nai maditte. Ao, Nug nai baag okkai ele, hakkaɗ oqotti otte, amubia Jerusalem appanu nai maditte. Nug nai mattieye, gikkiɗah dadppa, sipsip gumak danab ag appa sipsip ahilkad gumadtteb ele, dad amuppan gikkiɗah qaɗaiedatte. Yo, gikkiɗah qauko Karmel igippa daatte ele qaɗaietta mauɗtte,” awa aum.


Swiv nou:

Piblisite


Piblisite