Aisaia 33:8 - Nobonob Baibel

⁸ Ibppa danab laa ii oitteb. Ao, ibppa danab ah laa ii oitteb. Danab ag lailkad ele maɗoɗ daaglagnu nug tituanna nai qagatteb amu, ag nai amu tappaeg ne, hamu bia dootteb. Laa ag nai amu ɠagattag qettaglagnu daappig ele amu, laa ag amu dilagnu ena iinab dootteb. Laa nug layagnu, “Danab ena elele,” ii dootte.

Aisaia 33:8 Referans Kwoze

Ikki Danab 5:6

Anat bekka Samgar haenppa, Ao, nug Jael ele, ahilah haenppa amu, danab ah ag ib man okkaippa ii oidppig. Ge, danab ag oiglagnu amu, ag ib naunauppa godappig.

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

Gayak Nai 1:4

Hobul dayaknu haen epeɗiakppa amu, gemu laa nug Sion ta, hobulppa ii daatte; amunu ib oh Sion tetteb ele, ib amu danab daalob, ag mahiak okkai helob. Jerusalem ooppa ukkaknu aɗ od ohppa gemu danab ah doa wanak ii hetteb. Aben amuppa danab laa ii daatte. Juda dilag mana mettak danab ag aiqakkanna daatteb; ah makkun ag mahitteb. Juda danab ah oh ag danab ooppa kahipan toɗe, mauhak bia dootte, amubia ag uug naunab dootteb.

Aisaia 36:1

Hesekaia nug Juda dilag king dayaya, nuhig king dayaknu maɗ 14ppa Asiria dilag king Senakerip, nuhikkud ban danab ele ag banelag uɗin, Juda eɗadnana, ahilkad aab ɠagattag aɗ ele amu oh aoppig. ⌊Amge aab okkai Jerusalem amu, ag amu ii aoppig.⌋

Sam 10:5

⌊Haen Kayak ahilag ib oo ii nette amu, haen amuppa⌋ nau hak danab ag keeke oh hetteb, amuppa ag eleleib hetteb. Ag na Kayak, ag nahip bu qak ag amelag meum daatte am ag ii anidtteb. Ag ahilkad kekeɗ eheɗ nau aon aon aqadtteb.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.

1 Samuel 17:10

Gemu da ag Israel, da ag amelagppa guhig ahaknu nai inam attem; ag oolagppanu laippu laa nug neeb, da ele ban heɗu!” Goliat nug huan ɠagattag anam eum.

Ikki Danab 19:17

Nug uɗia, oiyak danab ag aab okkai haɗap-ppa daaegeg anatta, nug ag adeppanu, amu ag adeppa gokkulagnu daatteb anan oɗ mattom.

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Lewitikas 26:22

Da heppi, doɗ dakkuɗ ag nid naunau ahilkad aqadna, ahilkad makau ele heppeg nauhppeg, doɗ dakkuɗ ag heppeg, ag Israel danab ah, ag ahilag ebqak honap dayeb, ag ippulagppa danab laa ii oima.