Biblia Todo Logo
Bib sou entènèt

- Piblisite -




Aisaia 33:3 - Nobonob Baibel

3 Na nai hakkaɗ qak bia mattieye, danab ah ag ooltteb. Ao, na ahae, wanppanu wan anen anen ohnu danab ah ag oolna mattatun gotteb.

Gade chapit la Kopi




Aisaia 33:3
13 Referans Kwoze  

Wan imuppan wan anen anennu danab ah ag akka akka nug qeegeg, ɗo maɗoɗ laala nena qetteb. Anam, amge Kayak Nug nai maditte, haen amuppa wan baolia le bia daatte.


O Naɗi, na ihinig guppiɗ daattem. Dahilad danab ag nahip hak pahanab daulag atikkununab daatteb amunu, na laippun heppe, dahil kekeɗ ag mauhkkulagnu ool ii daatte. Iitta. Danab nug na qekkunu oiyeye ukke ukke na qette, amubia na nahip ɠagattagppa heppe, uug kuɗum dahil kekeɗ, ahilagppa beeb ukkeb ukkeb, padal mekkulagnu ool daatte. ⌊Na anam hekkut dayeb amu, danab ah dahilad ag na aɗi heme amu ii daulag atima.⌋


Aɗinu ⌊Arebia ag oolna gokkulag⌋? Kekeɗ ag qep elab eppelagppa aɗan, lat omanattak eppelagppa ele aɗan uɗin, ban ɠagattag hena aqappeg, ⌊Arebia⌋ baɗan oolkkulag.


Na kekeɗ hadappe nauhkkulag, amu ahilag keeke dayebeb, tap-lokus keeke oh latteb amu, amubia ig keeke amu oh aognig. Tap-lokus ag keeke oh lakkulagnu ee daatteppa ag qataiettan gotteb, amubia ig nahipad danab ig kekeɗ dilag keeke aognig.


Amu Yawe Nug anam awowa, Nug tuɗitta, da amelppa aum. “Na danab oh amelagppa uug ahilagppa beeb anidkkulagnu propet nai imu appe doyeg! ‘Laion ɠagattag nug doɗ laa mattia aokkunu dabma aha, huana gaatte, amubia Yawe Nug nuhikkud danab ah bu madakkunu babaittak anam daatte. Ao, Nug nuhig dayak aben oppiaawak ele, Nug amuppa dayaya, hakkaɗ huana qe, gu nekkunu daatte bia, Nug danab ah nuhikkud bu madakkunu babaittak daatte. Ge, Nug nuhikkud danab ah bu madakkunu laion huanaknab gaatte bia aakku babaittak daatte. Danab ag grep meu leppu aoglagnu tappanna, huana etteb, amubia Nug heeb, ban haknu ewak okkai daakku. Ao, nug wan atu ohppan danab ah bu madatta, anam hekku.


Yawe Nug wan ohppan danab ah ag nau heppignu naippa yaaladkku amunu, bannu oqotti am wan atu ohppa daakku. Nug danab ah ohnab epeɗiatta, Nug heeb, nau hak danab ag qep elabppa mauhkkulag.’ ” Yawe Nug anam awa atte.


O Kayak, ulah kahug iwale gotte bia, na ag lamadppe gokkulagnu ool daatte. Yo, nau hak danab ag uppuh biig aab gakkaɗakppa gakkaɗa, le mette bia, Kayak Nug heeb, ag nauhkkulagnu ool daatte.


Swiv nou:

Piblisite


Piblisite