Aisaia 33:12 - Nobonob Baibel

¹² Danab ah, dahilad kekeɗ daatteb, ag nauhna autna aoglag; aab aɗu he, kin eɗua ka daatte, amubia. Danab ah ag keeke qaɗaiettaknab huan ewawa iitta mette, amubia danab ah ag nauhkkulag.

Aisaia 33:12 Referans Kwoze

Aisaia 27:4

⌊Amu Kayak Nug anam mattiowa, Nug inam ele akku.⌋ “Da oo nauhak laa ii doottem. O gadon, uud keeke qaun ele ag grep dad dahilppa appa daaloblob, da ag banelag ukken heppi, aab aɗu am ag oh ewatta maladlo.

Amos 2:1

Yawe Nug inam atte. “Moap danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag ⌊oo doyak ii doon, ag naunab hena, ag⌋ Edom dilag king ebehiud aon, manaeg ewa, kalu ka bia dayom.

Aisaia 37:36

Yawe Nug anam aum dimppa nuhig engel nug aha ukka he, Asiria dilag daup daappig ele, ag oolagppanu danab 185,000 ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Aisaia 10:17

Yawe, Israel dilag amahlak, Nug aab ewak bia daakku. Ao, Israel dilag Kayak Oppiaawak Ele, Nug aab aɗu bia daakku. Nug anam dayaya, aab uud keeke qaun ele qaɗaiettaknab oh ewe iitta mette, amubia deɗ laippuppa Nug heeb, Asiria dilag daup ag padal mekkulag.

Aisaia 9:18

Amu nau hak kobol am aab aɗu bia. Aab aɗu keeke qaɗaiettaknab ele ewawa ukka, atuppan ad, keeke laa oh ele ewewe, aab kah huanaknab tette, ⌊amubia hipunin hak kobol am danab ah heeb nauhna autna aoglag.⌋

Sam 118:12

Dahil kekeɗ ag uppuh ameg naɗi bia da taliliɗppig, ⌊amge⌋ Yawe Nug da ehaniɗom amunu, keeke qaɗaiettaknab, aab laippun ewe iitta mette, amubia da ag hattai, ag nauhna laippun mauhppig.

Aisaia 9:17

⌊Ikki danab aɗi ag anam hetteb,⌋ diig amunu ⌊Israel danab ah oh⌋ ag Kayaknu, nuhig haknu ele uuak doon, ag nau hak kobol henana, nai uɗig wak ele oɗelagppa anan oitteb. Anam amunu, Naɗi Nug Israel dilag nid bau dilagnu gamag ahak laa ii dootte. Diig amunu Nug ah qab, amu nid ag mamelkad mauhppig ele, Nug amu dilagnu ele oo ii madatte. Anam, amge Naɗi Nug nuhig oo nauhak amu iinab bodoettama. Iitta! Nug ⌊bu tuɗitta madakkunu⌋ eppeg huma daakku.