Aisaia 32:9 - Nobonob Baibel

⁹ Ag Juda ah, ag hamu uug iitta ele daatteb, ag ahan, nai dahil doyeg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag daulag human, nai dahil doyeg!

Aisaia 32:9 Referans Kwoze

Matyu 13:9

Danab nug daug ele dayeb, nug doyaɗ!” awa aum.

Aisaia 28:23

Ag da aɗi amelagppa attem imu doyeg! Ao, da nai madittem imunu, ag daulag human doon autna aon, dabmetteg!

Aisaia 3:16

Am Yawe Nug atte. “Sion ah ag am dada ha, laa eɗittaknu dabmak awaknu ah daan oitteb. Ag anam daan oinna, laa ag neegna anadkkulagnu henana, amelagppa danab laala ag ele oiglagnu eeɗadnana, baeg gogppa oiyak henana, baelagppa bala oqotti okkunu metteb amunu, ⌊da ag bu madakkul,” awa atte⌋.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.

Gayak Nai 4:5

Laa ag anukka ee ena enaib ladappig amu, ag gemu keeke iitta ele ib giginppa daatteb. Ao, laa ag lamen ena enaib tagattappig amu, gemu ag uhuɗppa daatteb.

Ikki Danab 9:7

Jotam nug ag amu heppig, nug amunu doyowa amu, nug qauko Gerisim igippa ta, ewa aum. “Sekem danab ah, Kayak Nug ahilag unuqittak dookkunu amu ag dahil nai doyeg!

Duteronomi 28:56

Am ah laa ag oolagppan, nug hanhan laa dilagnu oo doyak okkai dootte ele, nug kakah laa keeke, nug keeke amu nauhmanu dabmak okkainab aotte ele, haen nau amu beeb, haen amuppa nug gamu nuhignunab, nug nuhignu oo mauhtte ele, nug nuhignu, o bekkanu, o aɗegnu ena ii doya, ee keeke madakkunu uua doyaya,

Sam 123:4

Dada danab ag huananab aon aon iqatteb. Ao, beɗuppa tak danab ag ihinignu keeke hamunab dootteb. Ge, ig uɗa nak okkai aot daat oittem ⌊amunu, na ihinignu oot gai-iitta doon oot megakkutnu oɗ medattem.⌋

Jeremaia 9:20

Aria gemu, ag Juda ah, ag Yawenu nai imu doyeg! Ag daulag human, nuhig nai doon autna aweg! Ag ag aɗelkad qanaknu kobol ippunadppeppeg doyeg! Ao ag akka akka ag nai oo doyak ele mattiak laa nug ippunidnana doyeg!

Jeremaia 9:19

Aɗinu ag amelag leb anam nekku? Juda danab ag Sion daatteb, ag gaanna akkulag. “Ig aakku padal memut. Ig uɗa nak naunab nau aot oittem. Aɗinu? Kekeɗ ag uɗin, lag ihinkad heeg nauhppig amunu, ig wan imu uut, laih gokkunigoitte,” aon akkulag.