Aisaia 32:4 - Nobonob Baibel

⁴ Danab ag dabmak ii aonna, laippun ahan keeke hetteb amu, ag eɗun, tatam dabmak aonna, haen amuppa keeke hekkulag. Danab ag nai kagi ele maditteb amu, ag eɗun, nai elele, pehettakib mattiglag.

Aisaia 32:4 Referans Kwoze

Aisaia 29:24

Laa ag dabmak tutukku iitta ele ag diignu doyak tutukku aoglag. Amu laa ag dahil nai dim lamidkkulagnu uug doon nai heppig amu, ag da oɗel aon, dim lamidkkulag.” Yawe Nug anam atte.

Galesia 1:23

Ag nai inam aakkuib mattieg dooppig. “Anukka danab nug ig eheɗ heikkom, nug aun aɗi ag ooppa genab doyak ele, ahilagnu eheɗ heum amu, gemu nug Nai Ena amu mehuqtte,” anam appig.

Aposel 6:7

Aria, Kristen tamaniak ag anam hena, ⌊totol danab aɗi⌋ ag Kayak nai mehuqegeg, danab ah kuɗum ag oolagppa genab dooppig. Jerusalem appa danab kuɗum ag oolagppa genab doona, Kristen tamaniak ooppa ukkaeg, nuhig ebqak okkainab meeme, mana mettak danab kuɗum ele oolag eɗuom.

Aposel 4:13

Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

Matyu 16:17

Pita a amu, Jesus Nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Solomonnu Ahi 7:9

Ge, na oɗen am wain enanag bia daakkunu ool daatte. Wain amuam laa dahilnu oo mauhtte ele, am nuhignu; nug layaya, enanag dookkunu ool daatte.

Eksodas 4:11

Moses nug anam a amu, Yawe nug amegppa aum. “Aun Nug danab ah oɗelag madatte? Aun nug he, danab ag nai mattiglagnu elele iitta daatteb? Aun nug he, danab ah daulag ituak daatteb? Aun Nug he, ag amelag keeke anidtte, o Nug he, danab ameg gaɗutte? Da Yawe daib, da aakku anam hettem

Aisaia 35:4

ag danab ah ag baɗan oitteb ele amelagppa inam appeg doyeg! “Ag ɠagattag dayeg! Ag aib baɗappig! Ahilag Kayak Nug ag ehanadkkunu uɗia, kekeɗ ahilkad amu, Nug ag eheɗ heppignu nob tutukku madakku. Nug uɗia, ahilkad kekeɗ nob madatta, bu nau madakku. Nug ag ehanatteb, padal ii memananu uɗikku.” Ag anam aon aig!

Aisaia 35:5

Amu Nug uɗia anam heebeb, danab amelag gaɗuak ele ag neegkkulag. Danab daulag ituak ag geha eɗun nai dooglag.