Aisaia 32:19 - Nobonob Baibel

¹⁹ ⌊Haen amu uɗikku, amge haen gamag imuppa amu,⌋ ais doɗo hab waappanu naana, atu, aab okkai imu ele heeb nauhkkulag,

Aisaia 32:19 Referans Kwoze

Aisaia 28:17

Da amu hekkulnu amu da nai doya mala hettoɗia epeɗia elele mettak kobolib dim lamidkkul. Ao, da genab tutukku hak kobol dim lamitten hekkul. Ag kayak hambuppuak dilagnu, ‘Ag am padal mak eɗitteb ena dayaknu ehanittak ihinig daatteb’ atteb, amge gu, ulah huana ele uɗiya heeh, keeke nauhtte, amubia dabmak hambuppuak amuam iitta mekku. Ao, ag kayak hambuppuak dilagnu, ‘Ag am ihinig lokkumak aben daatteb’ atteb, amge le ui naɗi keeke oh ihe gotte bia, dabmak hambuppuak amuam nauhkku.

Aisaia 30:30

Yawe Nug heeb, danab ag Nug baag enanag ɠagattag ele dooglag. Nug heeb, ag Nug, ɠagattag okkai okkai ele neebeb anidkkulag. Nug oo nauhak huanaknab, aab aɗu keeke oh ewewe iitta mette ele, Nug amu oh ele nekku. Nug gu huanak neebeb, amemɗi awak, hakkaɗ baag huanak, ais doɗo hab waappanu nak ele nekku.

Aisaia 28:2

Laa Naɗi eppegppa daatte amu, nug wan laappan danab, nuhikkud daup ag am ɠagattag ⌊ag Asirianu⌋, amu Naɗi Nug heeb, nug nuhikkud daup ele ag uɗin, ag Samaria heppeg nauhkku. Ag ais habppanu, gu ele, aria ulah huana eheɗ ele na, keeke he nauhtte bia, geha ag pahanab bena, heppeg nauha auta autanab aokku.

Aisaia 26:5

Amu Yawe Nug dada danab ah onilag ele, Nug ag onilag qe nette. Ao, Nug ahilag aab okkai loppaɗe, aab amunu lag, aɗ keeke ele wanppa na qette. Nug he, aab amu nauha auta aotte. Ao, Nug he, aab amu na qa gappudppa daatte.

Sekaraia 11:2

Ad pain, ag danab hetteb bia, ag eheɗ gayeg! Aɗinu? Ad sida ag nena qeppig. Ao, ad enanag, anttak ahilag enanag ele, am ad sida amu, ag nauhna malappig Ad ok, Basan wanppa daatteb, ag danab bia, eheɗ gayeg! Aɗinu? Ad huanaknab daappig, amge laa ag watteg nauhppig.

Revelesen 18:21

Nai amu oh male amu, engel ebehi ele laa, nug men laa, okkai nuhig am ee aeg ganuaɗaknu men okkai bia, nug amu huma, yuppa buɗie noowo aum. “Babilon onig, ɠagattag ele, Kayak Nug heeb, aab amuam men yuppa pahanab noum bia na qekku; baula ii daama.

Revelesen 8:7

Engel ebqak 1 amu nuhig trampet iwale, laa nug ais doɗo, amu aab aɗu tiig ele kaboliak ele buɗie, wanppa nena qeppig. Anam amu, aab wan maha laippu oh ewa, wan maha amu ooppa ad oh ewatta, gikkiɗah bau daatte ele maha amuppa oh ewom, amge wan maha aɗit laa amu ena daapiɗ.

Matyu 7:25

Nug lag he, gu ne, ui o, ulah ɠagattagnab ele heum, amge lag amu ii na qeum. Aɗinu? Danab amu nug lag amu ukku men qaɗeppa heum.

Nahum 1:8

Yawe Nug nuhikkud dilagnu anam hette, amge ui naɗinab na, keeke he nauhtte, amubia Yawe Nug heeb, Niniwe nauha auta autanab aokku. Ao, Yawe Nug kekeɗ nuhikkud lamattebeb, ag gatatuppa wakkulag.

Nahum 1:1

Nai imuam nai meunab ele, Niniwenu. Buk imu amu, Yawe Nug Elkos danab Nahum tuleglegppa ippunittom, am nai amu.

Aisaia 37:24

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi; danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.

Aisaia 27:10

Amu Israelnu aab okkai ɠagattag aɗ ele am hele-ettak daaglag. Appa danab ah ii daamna. Makau gaiɗ ag appa ee lanan daan, appa ele niiglag. Ag ad eppegppan uɗug aon lappeg,

Aisaia 25:4

Aɗinu ⌊ag anam hekkulag⌋? Na daɗek danab dilag padal mak eɗitteb ena dayaknu ehanittak dayeye, uug haenppa ag ena daappig. Ao, danab ah keekenu tutu mak daan oitteb ele amu, ahilag uug nau ag tonattette, na ahilag padal mak eɗitteb ena dayaknu ehanittak dayeye, ag ena daappig. Danab ag laanu oo doyak ii doon nau hadatteb ele amu, hak ahilag am ulah ɠagattag uɗia, aɗ duttune ⌊na qette⌋ bia daatte.

Aisaia 24:10

Aab okkai ⌊anen anen⌋ amu hele-ettak daappeg, ⌊danab ah laippu laippu ii mauhppig, appa lag laippu laippu ii nauhak daatteb, ag appa daan baɗan⌋ heppeg, laulkad od oh manak qak daaglag.

Aisaia 10:19

⌊Aab atu ewa male,⌋ ad laippu laippuib daatteb, amubia Asiria dilag daup laippu laippuib daappeg, nid nakok laa nug ebaqakkunu elele.

Aisaia 10:18

⌊Asiria dilag daup ag am⌋ atuppa, ad huanaknab daatteb, o ad meu otteb dadppa eppak kuɗumnab daatteb, ⌊ag amubia daatteb, amge⌋ Yawe heeb, ag iitta mekkulag. Ag danab nug oɗe nau awa, ebehi teete ukke mauhtte, ag amubia iitta mekkulag.

Aisaia 24:12

⌊Kekeɗ heppeg,⌋ aab okkai ⌊anen anen⌋ nauha aota aokku. Ag aɗnu od okkai amu heppeg na qa, aoɗakib daakku.

Aisaia 25:2

Amu na aab okkai hatte, gemu ag kinipan ameg okkai hume tak daatteb. Ao, na aab ɠagattag aɗ ele ele hatte, oh nauhppig. Na hatte, laihnu danab dilag aab, aab amuam ban haknu aben ɠagattag amu, aab amu oh iitta meppig. Ag eɗun, aab amu baula ii bappaidmana. Iitta.

Aisaia 29:4

Da heppi, ahilag kekeɗ ag anam heppeg, ag Jerusalem danab ah ag nena qena, uug naunab nau doon, ag danab nug wanppa niiaya, nai danab uma dayaya nai maditte bia mattiglag. Ao, ag ahilag mattiak baag am danab nug gappud teppu eleppa niiaya, nai miagib iitta maditte, ag amubia nai mattiglag. Ag baalag am dottog laa baag bia daakku. Ao, ag gappudppa appa nai otiptippa mattiglag.” Yawe Nug anam atte.

Aisaia 10:33

Amge Asiria daup, ag dabmeig! Naɗi, Nug Yawe Nukka Ɠagattag Oh Ele, Nug geha nuhig ɠagattag okkai naɗi ele, Nug amuppa oɗoɗadkku. Nug geha ahilkad danab okkai oh, danab onilag ele oh ele tabatteb nokkulag. Gemu amu, ag ad elab daatteb, ag amubia teppig daanna hetteb, amge geha Nug ag oatteb, qiin gona wanppa qekkulag, ad qiia ukka, wanppa qette, ag amubia hekkulag.