Aisaia 32:18 - Nobonob Baibel

¹⁸ Am dahilad danab ah ag aben maɗoɗ ele daaglag. Ao, ag laulkadppa baɗak iittappa daaglag. Ge, ag aben uug ii betteppa hik aon daaglag.

Aisaia 32:18 Referans Kwoze

Sekaraia 2:5

Amu Yawe Nug atte. Aab laa aɗ iitta, amge aab ewak hanhan aab amu talilitta ewawa dayaya, aab amunu aɗ daatte, amubia da dakka, da Jerusalemnu aɗ daakkul amunu, diig amunu laa ag aab amuppa, aab amunu aɗ dimittim daaglag ele ag enaib, maɗoɗ ele, qagaiettak iitta ele daaglag. Amu da, da aab amunu binag amahlak oppiaawak ele daakkul, awa atte.” Engel laa nug engel laa amegppa nid amu amegppa anam akkunu aum.

Jeremaia 33:16

Aria, haen amuppa da Juda danab ah ehanadppi, ag padal ii memana. Ao, haen amuppa da heppi, Jerusalem danab ah ag baɗak iittappa daanna oiglag. Ag anam daan oippeppeg, danab ah wan ohppanu ag Jerusalem onig laa ele ataɗkkulag. Onig amuam, ‘Yawe Nug am Ihinig Kobol Genab Tutukkunu Diig Daatte,’ akkulag.

Hibru 4:9

amunu, Kayak Nug nuhikkud danab ag hik aon daaglagnu hik awak ⌊enanag, hanhannu ele⌋ babaittom daatte. Amuam deɗ eblaih aɗit elenu hik awaknab ahilag.

1 Jon 4:16

Ig Kayak Nug ihinignu oo mauhtte doottem, amu ig oo mauhak amunu oonigppa genab doottem. Kayak Nug oo mauhak kobolnu diig daatte. Laa nug oo mauhakppa daatte, nug aakku Kayak, nuhigppa daatte, amu Kayak ele nuhigppa daatte.

Sekaraia 2:8

Ag amu hekkulagnu diig am, Yawe Nukka Ɠagattag Oh Ele, Nug da, ⌊Sekaraia, Nug da⌋ Nug binag medakkulnu meiɗe uɗiminu atte. Nug wanppan wan laala, ag ag Israel eɗadna, ahilkad keeke aon goppig ele, Nug amu dilagnu inam atte. “Aun nug ag Israel eheɗ hadatte ele, nug da, Yawe, nug da eheɗ heiɗtte.

Aisaia 2:4

Am Yawe Nug geha wanppan wan ohnu danab ah dilag nai doya mala, hettoɗia, epeɗia, elele medakku. Ao, Nug geha wanppan wan anen anen oh dilag nai bappaidkku. Nug anam hekku, amu danab ah buɗub ohnu ag ahilkad qep elab aon heppeg, wan buuaknu aen laa daaglag. Ao, ag ahilkad ban lat heppeg, eɗun ad eppeg babaittaknu aen daaglag. Wan laappan danab ag ahappeg, wan laappan danab ele baula ban ii hemana. Ag ban hak sul ele baula ii hemana.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Aisaia 14:3

Yawe Nug geha heeb, ag Israel, ag huu laa waappa daan, ahilag nai dim lamidna, ag amu dilag uɗat nau heppig amu, ag baula ii anam hemana. Ag uɗat amuppanu guittak baula iinab doomna. Ag ooppa uug nau doyak amunu baula ele iinab doomna. Haen amuppa amu

Aisaia 26:3

O Yawe, danab ah ag nahipnu dabmenan oin, dabmak amu ɠagattag aɗan oitteb ele amu, na hee, maɗoɗ enanagnab ag oolagppa daatte. Aɗinu? Ag nahipnu oolagppa genab dootteb.

Aisaia 26:12

Ig aɗi uɗat ena hemut ele amu, na ihinig uɗat amunu ulum mekkae, ena beum amunu, O Yawe, na heppe, nahip maɗoɗ ihinigppa ba daakku, ⌊da oolppa genab doottem⌋.

Aisaia 28:12

Kayak Nug matu wan imu ag mattowa, Nug ag amelagppa inam aum. “Imuam hik awa, oo maɗoɗ ele dayaknu aben laa. Danab ah ag uug dootteb ele, ag uɗin, ippa hik aweg! Imuam oo maɗoɗ ele dayaknu aben.” Nug anam aum, amge Israel danab ah ag nai amu doon dabmekkulagnu uuppig.

Aisaia 30:15

Aɗinu ⌊ag anam nauhkkulag⌋? Naɗi Yawe, Israel dilag Kayak Oppiaawak Ele, Nug amunu inam atte. “Da ag ehanadppi, padal ii memananu ib am, ag oolag eɗueb, ag hik ii aqebeb, ag dabmak ahilag ii dim lamidmana. Ao, ag ɠagattag daaglagnu ib am, ag heɗi ii aqebeb, ahilag dabmak ii dim lamidmana, ag dahilnuib oolagppa genab dooglag. Anam daatte, amge ag amu uun autna aoppig.

Aisaia 65:9

Da heppi, Jakop buɗub, amuppanu danab kuɗum bekkulag. Ao, Juda buɗub, amuppanu danab kuɗum dona, ag wan dahilppa daan oiglag. Danab ah da ag tituanadmi ele, ag dahil wanppa daan oiglag. Ao, dahilad maɗi nid maɗi ah ele ag aguppa daaglag.

Aisaia 65:21

Dahilad danab ah ag laulkad buuadna, ag aguppa daaglag. Ge! Dahilad danab ah ag grep eppalattona, ag amunu meu lakkulag.

Sekaraia 3:10

Amu Yawe Nukka Ɠagattag Oh ele Nug inam atte. “Amu deɗ amuppa ag oh anen anen ag mudippan laippu laa ag ele maɗoɗ, enanag ele daaglagnu onilagppa ekkulag,” awa atte.

Eksodas 9:26

Amu laih Gosen, aben Israel daappig ele amu, aben laippu amuib amu, ais doɗo ii neum.

Sam 107:7

Ag anam unuqitteg, Nug ib tutukku laappa anuqa ugakka omalatte, ag aab okkai laa, ag amuppa daaglagnu elele amu, ag amuppa teppig.

Prowerb 24:15

Na nau hak danab nug laa eheɗ hedakkunu meitta daatte bia, na aib genab tutukku hak danab, nug baekkudppa ele eheɗ hadakkutnu maadna daame; na nuhig keeke yab aokkutnu nug laug aib loppaɗme.

Aisaia 33:6

Nugib ig ena daagnignu ukkunab daatte. Doyak dabmak ena ele, doyak, amu padal mematanu ehanittak ele Nug eppegppa huanak, ig aognignu daatte. Danab nug amu aokkun amu, nug Yawenu ebehi oh bodoetta le meeb oiyaɗ! Nug amu hekku amu, nug amu oh aokku.

Esekiel 34:28

Wanppan wan laalappan danab ag baula uɗin, eheɗ hattana, ahilag keeke akkan ii gomana. Doɗ dakkuɗ nau ele baula aqan ii lattamna. Dahilad danab ah ag baɗak iittappa daappeg, laa heeb baɗaglagnu laa ii daama.